क्योकुसिन टोली चीन प्रस्थान

670 पटक पढिएको

सम्पादक: धादिङ न्यूज

काठमाडौं– १६औं अलएसियन खुला फुलकन्ट्याक्ट कराँते च्याम्पियनसिपमा सहभागी हुन दुई खेलाडीसहित चार सदस्यीय नेपाली टोली बिहीबार चीनको सांघाई प्रस्थान गरेको छ । २८ नोभेम्बरदेखि २ डिसेम्बरसम्म हुने च्याम्पियनसिपमा समान एक–एक पुरुष र महिला खेलाडीले खुला तौल समूहमा नेपालको चुनौती प्रस्तुत गर्नेछन् ।

cc4f04c3bb6bebc20ea21ffdb5fd01a3

पुरुषमा ज्ञानबहादुर तामाङ र महिलामा निर्मला वज्राचार्यले प्रतिस्पर्धा गर्नेछन् । अफिसियलमा नेपाल क्योकुसिन कराँते डो संघका उपाध्यक्ष रविन्द्र सुन्दर सैंजु र रविन्द्र महर्जन छन् ।

नेपालमै भएको दोस्रो दक्षिण एसियाली फुलकन्ट्याक्ट कराँतेका कांस्यधारी ज्ञानबहादुरसँग यसै च्याम्पियनसिपको १३औं संस्करणमा पनि खेलेको अनुभव छ । निर्मलाको भने यो ‘डेब्यू’अन्तर्राष्ट्रिय प्रतियोगिता हो ।

एसियाली च्याम्पियनसिपमा नेपालले हालसम्म २ स्वर्ण, १ रजत र २ कांस्य जितेको छ । पहिलो संस्करणमा हाल नेपाल क्योकुसिन कराँते डो संघका अध्यक्षसमेत रहेका सिहान जगतप्रसाद गौचनले स्वर्ण जितेका थिए । अर्को एक संस्करणमा रुपेश डंगोलले स्वर्ण प्राप्त गरेका थिए । त्यस्तै, १३औं संस्करणमा ज्योति तामाङले रजत जितेकी थिइन् । दोस्रोमा रामजीप्रसाद बज्राचार्य र आठौंमा रविना मानन्धरले कांस्य जितेका थिए ।

टोलीलाई सफलताको शुभकामना दिँदै नेपाल क्योकुसिन कराँते डो संघका अध्यक्ष सिहान जगतप्रसाद गौचन, प्रथम उपाध्यक्ष पुष्पमान मानन्धर, महासचिव रामजीप्रसाद बज्राचार्यलगायतले एक कार्यक्रमबीच बिदाइ गरे राजधानी  दैनिकमा खबर छापिएको छ ।  ।