मुक्तिनाथ विकास बैंक १५औं वर्षमा प्रवेश , वार्षिक उत्सवमा विभिन्न कार्यक्रम

661 पटक पढिएको

सम्पादक: धादिङ न्यूज

काठमाडौँ– मुक्तिनाथ विकास बैंकले आफ्नो स्थापनाको १४ वर्ष पार गरी १५औं वर्षमा प्रवेश गरेको छ ।

२०६३ पुस १९ गते कास्की, स्याङ्गजा र तनहूँ जिल्लालाई कार्यक्षेत्र बनाएर स्वीकृति लिई स्याङ्गजाको पुतलीबजारमा केन्द्रीय कार्यालय स्थापना गरी १ करोड ३० लाख चुक्ता पूँजीमा बैंक सञ्चालन गरिएको थियो ।

बैंक स्थापनाको अवसरमा क्षेत्रीय तथा शाखा कार्यालयमा विभिन्न सामाजिक उत्तरदायित्व सम्बन्धी कार्यक्रम सम्पन्न गरेको छ ।

यस अवसरमा विभिन्न स्थानमा रहेका ६ अनाथलय तथा वृद्धा श्रममा खाद्यान्न तथा लत्ताकपडा वितरण, इन्टरनेट जडान गर्न तथा कम्प्युटर खरिद गर्न आर्थिक सहयोग, विभिन्न ठाउँहरुमा डस्वीन वितरण, एम्बुलेन्स मर्मत सम्भार खर्च, पिउने पानी शुद्धीकरण मेसिन हस्तान्तरण, गौशाला संरक्षणका लागि आर्थिक सहयोग तथा काठमाडौँ महानगरपालिका वडा नं. १, महानगरीय प्रहरी वृत्त (सामुदायिक शाखा) कमलपोखरी अगाडिको सडक पेटी बाहेकको खालीचौरमा वातावरण मैत्री हरित बगैचा निर्माणमा सहयोग गरेको छ।

साथै, बैंकले यसै उपलक्ष्यमा कोरोनाको महामारीको विषम परिस्थितिमा डिजिटल बैंकिङ्ग प्रणालीलाई प्रोत्साहन गर्न भिसा कन्ट्याक्टलेस डेविट कार्ड संचालनमा ल्याएको छ । भिसा कन्ट्याक्टलेस डेविट कार्ड नियर फिल्ड कम्युनिकेशन (एनएफसी)मा आधारित प्रविधि हो ।

यसबाट ग्राहकले आफ्नो कार्डलाई मेसिनमा प्रत्यक्ष स्पर्श नगरी (नछोई) सरल तरिकाले पीओएस टरमिनलमा ग्राहकले खरिद गरेका सामाग्रीहरुको बिल भुक्तानीगर्न सक्नेछन् । नेपाल राष्ट्र बैंकको नियमअनुसार नै २ हजार रुपैयाँसम्मको भुक्तानीलाई बिनापिन कन्ट्याक्टलेस कार्डमार्फत पीओएस टरमिनलमार्फत भुक्तानी गर्न सकिनेछ ।

यसै गरी भिसा नेटवर्क अन्तर्गतको जुनसुकै बैंकको एटीएमबाट विनाकुनै शुल्क रकम झिक्न सकिने व्यवस्था गरिएको छ ।

मोबाईल बैंकिङ्ग, क्यूआर कोड स्क्यान, अनलाईन कर्जा आवेदन, अनलाइन खाताखोल्ने, ईन्टरनेट बैंकिङ्ग, खाता मै रेमिट्यान्स जम्मागर्ने आदि जस्ता सुविधाहरु बैंकको शाखामा उपस्थित नभई घरबाटै गर्न सकिने व्यवस्था गरिएको छ ।