हवाई आक्रमणमा तालिवान कमाण्डरसहित दुईको मृत्यु
472 पटक पढिएको
अफगानिस्तान- अफगानिस्तानको उत्तरी बाघलान प्रान्तको बोर्का जिल्लामा तालिवान आतङ्ककारी लुकेको बसेका इलाकालाई लक्ष्यगरी अफगान सैनिकले गरेको हवाई आक्रमणमा प्रमुख कमाण्डर कारी जुबाइरसहित दुई आतङ्ककारीको मृत्यु भएको जनाइएको छ ।
बिहीबार अबेर राति गरिएको सो हवाई आक्रमणको क्रम कारी जुवाइर र उनका सहयोगी अर्का एक तालिवान आतङ्ककारीको मुृत्यु भएको सो स्रोतले जानकारी दिएको छ ।
सन् २०१४ को अन्त्यसम्म अफगानिस्तानमा रहेका नेटोसँग आबद्ध प्रायः सैनिक फर्किसक्ने नेटो आबद्ध सबै देशले निर्णय गरिसकेका छन् ।
त्यसैले अफगानिस्तान सरकारले त्यहाँको सेना र प्रहरीलाई तालिवान विरुद्धको कारबाहीका लागि अघि सारेको छ ।
यस कारबाहीको क्रममा सुरक्षाबलले तालिवानहरूका साथबाट कयौँ शक्तिशाली हातहतियार कब्जा गरेको र सुरक्षाबलतर्फ भने कुनै हताहतको समाचार नभएको जनाइएको छ ।
यता तालिवानी आतङ्ककारीहरुले पनि अफगान सुरक्षाबल र नेटो आवद्ध सैनिकलाई लक्ष्यगरी आक्रामक कारबाही गर्ने गरेका छन् ।
यस्ता आक्रामक कारबाहीलाई मध्यनजर गरी सरकारी सेना र प्रहरीले पनि तालिवानमाथि जाइलाग्ने गरेका छन् । /सिन्ह्वा