काठमाडौँ। नेपाली मूलका शेष घलेसँगै उहाँकी श्रीमती जमुना गुरुङसमेत अष्ट्रेलियाका दुई सय धनाढ्यको सूचीमा पर्नुभएको छ । पहिलोपटक धनाढ्यको सूचीमा पर्ने जमुना सूचीको १ सय ८१ औं नम्बरमा हुनुहुन्छ भने शेष १ सय ८० औं नम्बरमा हुनुहुन्छ । २ सय जनाको सूचीमा जमुनासँगै १४ महिला छन् । सूची तयार पारेको अष्ट्रेलियाको बिजनेस रिभ्यु विक्लीका अनुसार घले दम्पत्तिको सम्पत्ति २६ करोड ५० लाख डलर रहेको छ । यो वर्ष शेष घलेको सम्पत्ति १ करोड डलर बढेको भए पनि उहाँ अघिल्लो बर्षभन्दा १४ स्थान तल झर्नुभएको छ । अघिल्लो बर्ष घले १ सय ६६ स्थानमा हुनुहुन्थ्यो ।