राप्रपामा नियुक्ति विवाद बुद्धिमान तामाङद्वारा राजीनामा

280 पटक पढिएको

प्रकाशित मिति: २३ मंसिर २०७१, मंगलवार २२:०९

सम्पादक: Dhading News

buddimaan tamaangकाठमाडौं, -केन्द्रीय सदस्य तथा आपूर्तिमन्त्री सुनील थापाले गरेको ‘राजनीतिक नियुक्ति’लाई लिएर राप्रपामा विवाद उत्पन्न भएको छ ।‘आफूले गरेको सिफारिसलाई राप्रपाबाट मन्त्री भएका थापाले कार्यान्वयन नगरेको’ भन्दै महामन्त्री बुद्धिमान तामाङले पार्टीको सिफारिस समितिबाट राजीनामा दिएका छन् । राजीनामा पत्रमा उनले पार्टी अध्यक्ष पशुपतिशमशेर राणालाई बुझाएका छन् ।

आपूर्तिमन्त्री थापाले पार्टीका चार केन्द्रीय सदस्यलाई विभिन्न ठाउ“मा नियुक्त गरेका छन् ।

नियुक्त पाएका केन्द्रीय सदस्यमा धनबहादुर बुढाले नेसनल टे«डिङ, किशोरबहादुर कार्कीले नेपाल पारवहन तथा गोदाम व्यवस्था लिमिटेड, वीरसिंह ठकुरीले आपूर्ति मन्त्रालायअन्तर्गत केन्द्रीय अनुगमन समित सदस्य र प्रकाश केसीले खाद्य संस्थापनमा नियुक्तिपाएका छन् ।

यसैगरी, राप्रपाका संसदीय दलका नेता दीपक बोहरापत्नी उन्नति बोहरालाई नेपाल प्रज्ञा प्रतिष्ठानको कार्यकारी सदस्य र राप्रपा नेता गोपी ढकाललाई अनुगमन समिति सदस्यमा नियुक्त गरिएको छ ।

राप्रपा अध्यक्ष पशुपतिशमशेर राणाले राजनीतिक नियुक्तिका लागि सिफारिस गर्न केही दिनअघि महामन्त्री तामाङको नेतृत्वमा समिति गठन गरेका थिए । समितिले राप्रपाका २७ जनाको नाम आपूर्तिमन्त्री थापालाई बुझाएको थियो ।

बुद्धिमान तामाङ राष्ट्रिय प्रजातन्त्र पार्टीको महामन्त्री हुनुहुन्छ । राप्रपा र जनशक्ति पार्टीबीच एकता हुनु अघि उहाँ जनशक्ति पार्टीको महामन्त्री हुनुहुन्थ्यो ।

विक्रम सम्वत २०१० सालमा धादिङको सेर्तुङ १ बोराङमा जन्मेका बुद्धिमान तामाङ पञ्चायत र बहुदलकालमा पटक–पटक मन्त्री बन्ने मध्येका एक नेता हुनुहुन्छ । राजनीतिमा लागेको पाँच वर्षमै तामाङ राष्ट्रिय पञ्चायत सदस्य र मन्त्री बन्नुभयो ।

२०३८ सालमा चुनाव जितेर सहायक मन्त्री बनेका तामाङ ०४३ सालमा फेरि चुनाव जितेर मरिचमान सिंह श्रेष्ठ नेतृत्वको सरकारमा पूर्ण अधिकार सहितको सामान्य प्रशासन मन्त्री हुनुभयो । बहुदल आएपछि ०४८ सालमा चुनाव लडेर हारेपनि तामाङ ०५१ र ०५६ मा निर्वाचित हुनुभयो र मन्त्री बन्नुभयो । तर २०७०  सालमा भने पराजित हुनुभयो ।

बहुदल र ०६१ मा तत्कालीन राजाले शासन लिँदा उहाँ गृहमन्त्री, कृषि, विज्ञान तथा प्रविधि, भूमिसुधार, भौतिक योजना, जनसंख्या तथा वातावरण,उद्योग, वाणिज्य तथा आपूर्ति बन्नुभयो । धारजम र उर्पाश्या तामाङका छोरा बुद्धिमान तामाङले अर्थशास्त्रमा स्नातक गर्नुभएको छ ।



धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो ।

२३ मंसिर २०७१, मंगलवार २२:०९ मा प्रकाशित

धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो । आम नागरिकलाई सूचना, समाचार, विचार, विश्लेषण र विविध विषयमा सुसूचित गर्ने ध्येयका साथ संचालनमा रहेको धादिङ न्यूज डट कम निस्पक्ष सूचना र संचारको संवाहक हो । हामी स्वतन्त्र छौं, हामी कुनै पनि राजनीतिक. सामाजिक तथा अन्य किसिमका पूर्वाग्रहबाट अलग छौं । तपाईंको सूचना र संचारको हकको लागि समाजका विकृति र विसंगतिहरू बिरुद्ध हामी निरन्तर कलम चलाइरहनेछौँ । हामीलाई सूचना जानकारी उपलब्ध गराएर हाम्रो यस अभियानमा तपाईंले पनि साथ् दिन सक्नुहुनेछ ।  धादिङ जिल्लाको सूचना, समाचार, विचार र मनोरञ्जन छिटो छरितो रूपमा विश्वभर पुर्याउनु हाम्रो मुख्य उद्देश्य रहेको छ । ‘धादिङ न्यूज’ यहाँहरू सबैको डिजिटल पत्रिका हो ।व्यवसायको लागि विज्ञापन लगानी हो,धादिङ न्यूज डट कम मा कुनै पनि विज्ञापन वा सन्देश संप्रेषण गर्न  चाहनुहुन्छ भने हामीलाई सम्पर्क गर्न सक्नुहुनेछ ।

 

 

समाचार

सबै

धादिङका गोकर्णमणी दुवाडी सचिवमा बढुवा

धादिङ- सरकारले  गोकर्णमणी दुवाडी सहित तीन जना सहसचिवलाई सचिवमा बढुवा गरेको छ । बुधवार बसेको मन्त्रिपरिषद् बैठकले सहसचिवहरु  दुवाडी, डा.योगेन्द्र कार्की र सुरेश आचार्यलाई सचिवमा बढुवा गरेको हो.....

आठ महिना पछि खुले धादिङका शैक्षिक संस्था

धादिङ - विश्वव्यापी महामारीको रुपमा फैलिएको कोभिड १९ ( कोरोना संक्रमण) का कारण गत बर्षको चैत महिना देखि बन्द.....

लापाका बाढी पहिरो पिडितलाई रेडक्रसको सहयोग

लापा - बाढी पहिरो लागेर घरबार विहिनभएका रुवीभ्याली गाउँपालिका वडा नम्बर ५ का  ३२ परिवारलाई नेपाल रेडक्रस.....

आज ठूलो एकादशी अर्थात् हरिबोधनी एकादशी

धादिङ - आज ठूलो एकादशी अर्थात् हरिबोधनी एकादशी । वर्षमा पर्ने चौबीसवटा एकादशीमध्ये सबैभन्दा ठूलो एवं महत्वपूर्ण.....

आयआर्जनका लागि किसानलाई वाख्रा बितरण

थांक्रे - धादिङको थाक्रे गाउँपालिकाको वडा नम्बर ८ मा २ वटा समूहका ११ जना सदस्यलाई ३/३ वटाको दरले ३३ वटा बाख्राका.....

Categories