बुढीगण्डकी आयोजनाको डिपिआरको काम अन्तिम चरणमा

381 पटक पढिएको

प्रकाशित मिति: ५ पुष २०७१, शनिबार २१:१०

सम्पादक: Dhading News

काठमाडौँ, – राष्ट्रिय गौरवको आयोजनाका रूपमा रहेको बुढीगण्डकी जलाशययुक्त आयोजनाको विस्तृत परियोजना प्रतिवेदन (डिपिआर) तयार पार्ने काम अन्तिम चरणमा पुगेको छ राससले खबर लेखेको छ । ।

???????????????????????????????फ्रान्सको ट्याक्टबेल इन्जिनियरिङले डिपिआरको कामलाई अन्तिम चरणमा पु¥याएको र कुन क्षमतामा आयोजनालाई अगाडि बढाउने भन्ने विषयमा अन्तिम निर्णय गर्न बाँकी रहेको छ ।

अध्ययनको सुरुवातीमा कुल ६०० मेगावाट क्षमता अनुमान गरिएको भए पनि हाल सो आयोजनाको क्षमता एक हजार २०० मेगावाट बनाउन सकिने देखिएको छ ।

प्रतिवर्ष तीन हजार ३८३ गिगावाट आवर अर्थात् ३३८ करोड युनिट विद्युतीय ऊर्जा उत्पादन हुने सो आयोजनालाई सरकारले उच्च प्राथमिकतामा राखेर काम अगाडि बढाएको छ ।

जलविद्युत् विकास तथा निर्माणका लागि आवश्यक जनशक्तिको क्षमता वृद्धि गर्ने तथा विषयविज्ञ तयार गर्ने, आयोजनालाई समग्र जलस्रोत विकाससँग जोड्ने र बहुउद्देश्यीय बनाउन सकिने भएकाले सो आयोजनाबाट बढीभन्दा बढी उपयोग गर्ने लक्ष्य सरकारको रहेको छ ।

बुढीगण्डकी जलविद्युत् विकास समितिका कार्यकारी अध्यक्ष डा लक्ष्मी देवकोटाका अनुसार डिपिआरको काम पूरा भएपछि आयोजनालाई कुन ‘मोडल’मा निर्माण गर्ने विषय टुङ्गो लाग्नेछ ।

डिपिआरको काम गरिरहेको फ्रान्सेली कम्पनीले तीनवटा क्षमताको प्रस्ताव गरेको जानकारी दिँदै अध्यक्ष देवकोटाले मुलुकको आवश्यकताअनुसार ७५० मेगावाट, ९०० मेगावाट वा अधिकतम् एक हजार २०० मेगावाटसम्म आयोजनालाई स्तरोन्नति गर्न सकिने बताउनुभयो ।

सो आयोजनाका लागि २६३ मिटर अग्लो बाँध बनाउनुपर्नेछ भने हालसम्मको अध्ययनअनुसार लागत रु दुई खर्ब ५० अर्ब रहेको छ । बाँधका कारण ६३ वर्गकिलोमिटर लामो ताल बन्नेछ । सो आयोजनाका कारण बन्ने ताल कास्कीको फेवातालभन्दा १५ गुणा ठूलो हुनेछ ।

यसबाट सुक्खायाममा ३५० घनमिटर पानी उपलब्ध हुने भएकाले चितवन, नवलपरासी, धादिङमा सिँचाइ सुविधासमेत प्राप्त हुनेछ । खानेपानी, जल यातायात, माछापालन र पानी खपत हुने आल्मुनियम उद्योग सञ्चालन गर्न सकिनेछ ।

आयोजनालाई अनुसन्धानसँग जोड्न सकिने, विभिन्न प्रकारका रोजगारी, राष्ट्रिय वित्तीय संस्थालाई लगानीको अवसर प्रदान गर्न सकिने भएकाले मुलुकभित्रैको लगानीलाई प्रश्रय दिन सकिने र आम जनता विशेषतः गरी प्रभावित क्षेत्रका जनतालाई सेयर उपलब्ध गराएर लगानी जुटाउन सकिने समितिको योजना रहेको छ ।

तर धादिङ र गोरखाको ३० हजारभन्दा बढी नागरिकलाई पुनःबास गराउने तथा खेतीयोग्य जमिन डुब्ने भएकाले त्यसका लागि कस्तो रणनीति र कार्यक्रम अगाडि सार्ने हो भन्नेबारेमा सरकारले प्रष्ट अवधारणा बाहिर आएको छैन ।

ऊर्जा मन्त्रालयका सचिव राजेन्द्रकिशोर क्षेत्री आयोजनाको डिपिआर तयार भएपछि सरकार लगानी जुटाउन लाग्ने बताउनुहुन्छ ।

जलविद्युत् आयोजनाको हकमा जग्गा प्राप्ति र मुआब्जामा समस्या देखिएका कारण सो आयोजनाबाट प्रभावित जनतालाई के कसरी सुविधा दिने भन्ने विषयमा केही समयभित्रै ठोस निर्णय गरिने उहाँको भनाइ छ ।

तर समितिले सो आयोजना निर्माण हुने वा नहुनेमा भने आशङ्का व्यक्त गरेको छ । जग्गा किनबेचसहित विकास निर्माणको काम हाल ठप्प भएका कारण स्थानीयमा आक्रोश बढ्दै गएको छ भने जग्गा प्रभावित जनतालाई कहाँ, कसरी पुनःस्थापना गर्ने, कसरी जीविकोपार्जनको सुनिश्चित गर्नेजस्ता विषय नै जटिल समस्या रहेको कार्यकारी अध्यक्ष देवकोटा बताउनुहुन्छ ।

राजधानीबाट नजिकै आयोजना स्थल रहेको, बढी विद्युत् माग हुने साँझको समयमा मात्रै सञ्चालन गर्ने गरी निर्माण गर्न लागिएको सो आयोजना राष्ट्रिय आवश्यकता रहेको सचिव क्षेत्रीको भनाइ छ ।

सो आयोजनाका लागि सरकारले चालु आर्थिक वर्षमा रु ५७ करोड २२ लाख ५५ हजार उपलब्ध गराएको छ । पहिलो चौमासिकमा खर्च गर्नका लागि उपलब्ध भएको रु आठ करोड ७५ लाख छ हजार ५०३ पूरै रकम नै खर्च भएको आयोजनाले जनाएको छ ।

हाल आयोजनाको डिजाइन, वातावरणीय, भौगर्भिक अध्ययन चालु रहेको र वातावरणीय प्रभाव मूल्याङ्कनको समेत प्रारम्भिक काम भइरहेको छ ।

पुनःवास एवम् पुनःस्थापनाका लागि स्थानीय जनतालाई विश्वस्त पार्न केन्द्रीय तथा स्थानीय तहमा राजनीतिक नेतृत्वले विशेष पहल लिनुपर्ने, डुबान क्षेत्रका जनतालाई राहत कोषको स्थापना गर्नुपर्ने, लगानीको स्रोत जुटाउनुपर्ने चुनौती रहेको छ ।

भारतको आयात–निर्यात बैंकमार्फत उपलब्ध हुने रु एक खर्ब रकम सो आयोजनामा लगानी गर्ने भन्ने चर्चा चलिरहेका बेला तत्काल आयोजना अगाडि बढाउन स्थानीयवासीले सरकारसँग माग गर्दै आएका छन् ।

 



धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो ।

५ पुष २०७१, शनिबार २१:१० मा प्रकाशित

धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो । आम नागरिकलाई सूचना, समाचार, विचार, विश्लेषण र विविध विषयमा सुसूचित गर्ने ध्येयका साथ संचालनमा रहेको धादिङ न्यूज डट कम निस्पक्ष सूचना र संचारको संवाहक हो । हामी स्वतन्त्र छौं, हामी कुनै पनि राजनीतिक. सामाजिक तथा अन्य किसिमका पूर्वाग्रहबाट अलग छौं । तपाईंको सूचना र संचारको हकको लागि समाजका विकृति र विसंगतिहरू बिरुद्ध हामी निरन्तर कलम चलाइरहनेछौँ । हामीलाई सूचना जानकारी उपलब्ध गराएर हाम्रो यस अभियानमा तपाईंले पनि साथ् दिन सक्नुहुनेछ ।  धादिङ जिल्लाको सूचना, समाचार, विचार र मनोरञ्जन छिटो छरितो रूपमा विश्वभर पुर्याउनु हाम्रो मुख्य उद्देश्य रहेको छ । ‘धादिङ न्यूज’ यहाँहरू सबैको डिजिटल पत्रिका हो ।व्यवसायको लागि विज्ञापन लगानी हो,धादिङ न्यूज डट कम मा कुनै पनि विज्ञापन वा सन्देश संप्रेषण गर्न  चाहनुहुन्छ भने हामीलाई सम्पर्क गर्न सक्नुहुनेछ ।

 

 

समाचार

सबै

रुवीभ्यालीमा २५.४ मेगावाटको सुपर आँखुखोला जलविद्युत आयोजना बन्दै

लुकेको कर्णाली भनेर चर्चामा आउने गरेको धादिङको विकट उत्तरी भेगमा विकासका लहर प्रवेश गर्न थालेको छ । सडक सञ्जालले नछोएको दुरदराजका बस्तीलाई लक्षित गरेर सडक विस्तार भईरहेको छ भने रुवीभ्यालीको आँखुखोलाबाट.....

मलेखु धादिङबेसी सडक खण्डमा ट्याक्सी पल्टिंदा एक जनाको मृत्यु

धादिङ,९ असोज । धादिङको मलेखु धादिङबेसी सडक खण्ड (कालुपाण्डे राजमार्ग) मा विहीवार राती भएको दुर्घटनामा परि एक.....

सानाकिसान सहकारी गोगनपानीमा शेयर सदस्यले लगाए ताला

थाक्रे, ७ असोज संस्थामा अनियमितता बढेको भन्दै निष्पक्ष छानविनको माग गरि साना किसान कृषि सहकारी संस्था.....

सामाजिक सेवा दिवशको अवशरमा खुला वक्तृत्वकला प्रतियोगिता सम्पन्न

  महादेववेंशी, ६ असोज सामाजिक क्षेत्रमा राष्ट्रिय गौरब आजको आवश्यकता, सम्वृद्धि र सुखको लागि सामाजिक.....

धादिङका तीन सहित नेपाल प्रहरीका ४८८ इन्स्पेक्टरको सरुवा

काठमाण्डौं । नेपाल प्रहरीका ४ सय ८८ जना प्रहरी निरीक्षक (इन्सपेक्टर)को सरुवा भएको छ । प्रहरी प्रधान कार्यालयले.....

Categories