धादिङका किसान अर्गानिक तरकारी उत्पादनमा

156 पटक पढिएको

प्रकाशित मिति: २२ पुष २०७१, मंगलवार १०:२३

सम्पादक: Dhading News

 

 

DSC_0461धादिङ- अर्गानिक तरकारी तथा फलफूलको माग सर्वत्र हुन थालेपछि धादिङका तरकारी उत्पादक किसानले रासायनिक मलको प्रयोग गर्न छाडेका छन् । उनीहरुले व्यवसायिक रुपमा अर्गानिक तरकारी उत्पादन गर्न थालेका छन् । केही बर्ष यता धादिङका किसानमा रसायनिक मलको प्रतिकूल प्रभावबारे जनचेतना बढ्दै गएकाले प्राङ्गारिक मलको प्रयोग गरी तरकारी खेती गर्नेतर्फ किसानहरु लागेका हुन् ।
धादिङको दक्षिणी र मध्ये भेगका दुई दर्जन भन्दा बढि गाविसमा व्यवसायिक रुपमा तरकारी खेती हुँदै आएको छ । पछिल्लो समयमा धुषाको चरौंदी, सलाङ, केबलपुर, गोगनपानी र छत्रेदेउराली गाविसका किसानले आफ्नो खेतवारीमा रासायनिक मलको प्रयोग गर्न छाडेका छन् । किसानहरुले तरकारीको फललाई किरा र चराबाट जोगाउन समेत थोत्रा प्लाष्टिक र कपडाको झण्डा बनाएर राख्ने गरेका छन् । उनीहरुले विषादीको साटो विभिन्न जडिबुटी र पशुको मुत्रबाट बनाइएको औषधी प्रयोग गर्ने गरेका छन् । रासायनिक मल तथा बिषादीको प्रयोगबाट तत्काल आयआर्जन लिन सकिने भए पनि यसबाट तरकारी उत्पादक किसानदेखि उपभोक्तासम्मको स्वास्थ्यमा प्रतिकुल असर पार्ने भएपछि किसानहरुले आफ्नो खेती गर्ने शैलीमा परिवर्तन गरेको किसानहरु बताउँछन् । शैली परिवर्तन गरे पनि अर्गानिक खेतीको परिचान हुन नसक्दा विक्रि गर्न समस्या भएकाले अर्गानिक प्रमाणीकरण गरिदिन सरकारसँग माग गरेका छन् ।
राजधानी र देशका अन्य ठुला शहरको नजिक भएका कारण धादिङ जिल्लामा उत्पादित तरकारीले बजारको अभाव झेल्नु नपरेको व्यवसायिक किसानहरुको भनाई छ । किसानले व्यवसायिक रुपमा अर्गानिक खेती थालेपछि धादिङ जिल्लामा कृषि पर्यटनको सम्भावनासमेत बढेको छ । तर व्यापारीहरुले मनोमानी ढंगबाट भाउ घटाउने बढाउने गर्दा आफूहरु समस्यामा परेको किसानहरुले गुनासो गर्ने गरेका छन् ।
काठमाडौं उपत्यकालाई चाहिने तरकारी मध्ये करिव ३० प्रतिशत तरकारी धादिङ जिल्लाले पूर्ति गर्दै आएको छ । त्यसबाहेक यहाँ उत्पादित तरकारी पूर्वपश्चिमका विभिन्न जिल्लामा समेत पुग्ने गरेको छ । राष्ट्रिय जनगणना २०५८ अनुसार धादिङ जिल्लाका आर्थिक रुपले सकृय जनसंख्याको ८४ दशमलव ८५ प्रतिशत कृषिमा निर्भर छ । जिल्लामा कुल खेती योग्य जमिन मध्ये ३५ हजार ३०० हेक्टर जमिनमा विभिन्न किसिमका खेतीवाली हुंदै आईरहेको जिल्ला कृषि विकास कार्यालयले जनाएको छ । धादिङको तरकारीको पहिचान फेरिएर जिल्लाभर बिषादीरहित तरकारी उत्पादन हुन सकेमा स्थायी बजार विस्तार हुने बिज्ञहरुको भनाई छ ।



धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो ।

२२ पुष २०७१, मंगलवार १०:२३ मा प्रकाशित

समाचार

सबै

नागढुङ्गा-सिस्नेखोला सुरुङमार्ग निर्माणको तयारी शुरु

 काठमाडौँ। काठमाडौँ भित्रने सहज मार्गका रुपमा हेरिएको नागढुङ्गा–सिस्नेखोला सुरुङमार्ग निर्माणको तयारी शुरु भएको छ । सुरुङमार्ग निर्माणको जिम्मेवारी पाएका जापानी निर्माण संस्था हाजमा आङ्दो कर्पोरेशनले.....

साङकोष माविका शिक्षक नविन श्रेष्ठले किन थाम्न सकेनन आँसु ?

धादिङ– मेरो नाम नविन श्रेष्ठ हो । नीलकण्ठ नगरपालिका वडा नम्बर १२ मा रहेको साङकोष माविमा शिक्षक पदमा कार्यरत छु ।.....

बूढीगण्डकी प्रभावित आरुघाटबासीको आन्दोलन स्थगित

धादिङ, २२ मंसिर - प्रस्तावित १२ सय मेगावाटको बूढीगण्डकी जलबिद्युत्त आयोजनाको डुवान क्षेत्रमा पर्ने जग्गाको.....

हाडनाताकरणी मुद्दाका फरार अभियुक्त २२ वर्ष पछी पक्राउ

धादिङ -जिल्लामा फरार प्रतिवादी पक्राउ अभियान संचालन गरिरहेको धादिङ प्रहरीले हाडनाता करणी अपराध गरेर फरार रहेका.....

धादिङका एसपी फेरिए, अब धादिङको प्रहरी प्रमुखमा रविन्द्र रेग्मी

धादिङ- प्रहरी प्रधान कार्यालयले धादिङ लगायत चार जिल्लाको प्रहरी नेतृत्व हेरफेर गरेको छ । प्रहरी प्रधान.....

Categories