राहतसँगै बूढीगण्डकीको मुआब्जा माग

365 पटक पढिएको

प्रकाशित मिति: ५ जेष्ठ २०७२, मंगलवार ०६:२४

सम्पादक: Dhading News

11150850_836786456401974_4536010145487048825_nआरुघाट -गत वैशाख १२ गएको विनाशकारी भूकम्पले बस्ती ध्वस्त भएपछि गोरखाको आरुघाट बजारवासीले राहतसँगै मुआब्जाको माग गरेका छन् । एक हजार दुई सय मेगावाट क्षमताको बूढीगण्डकी जलविद्युत् आयोजना निर्माण हुँदा आरुघाट बजार डुब्ने भन्दै प्रभावित गाविसवासीले घरको राहत रकमसँगै घरजग्गाको मुआब्जा मागेका हुन् ।

‘आरुघाटको ६ सय घरधुरी भूकम्पले ध्वस्त भयो,’ स्थानीयवासी कृष्णकाजी श्रेष्ठले भने, ‘बर्खा लागिसक्यो नयाँ टहरा बनाउने÷नबनाउने टुंगो छैन ।’
मनसुन सुरु हुन दुई हप्तामात्रै बाँकी रहँदा आरुघाटवासीले टहरा निर्माणको काम सुरु गरेका छैनन् । उनीहरू घरलुचौर, अमिलीचौर र भीमोदय उमाविको प्रांगणमा त्रिपाल टाँगेर दिनरात कटाइरहेका छन् ।
‘यही ठाउँमा नयाँ घर बनाएर बस्ने गाउँलेको चाहना छैन,’ श्रेष्ठले भने, ‘त्रिपाल, टहरा छाउने जस्तापातासँगै यही बेला सरकारले मुआब्जा दिओस् ।’ बूढीगण्डकी जलविद्युत् आयोजना निर्माण हुँदा गोरखाको १४ गाविस र धादिङको १३ गाविस प्रत्यक्ष प्रभावित हुनेछन् । ‘पक्की घर भुइँमा ढल्यो,’ उनले भने, ‘भत्केको घरको जगमा फेरि अर्को घर कसरी ठड्याउने ? कसरी बस्ने ?’ सरकारले जहाँ लैजान्छ त्यहीँ बस्न आफूहरू तयार रहेको उनले बताए । आरुघाट क्षेत्रमा घरमात्रै होइन, पहाडको ढिस्को खसेर ठूलो पहिरो पनि गएको छ । बूढीगण्डकी नदी पारी धादिङको विशालनगरतर्फका पहाडको ढिस्को निरन्तर खसिरहेको स्थानीयवासी बताउँछन् । पहिरोले बूढीगण्डकीलाई अवरोध गर्नसक्ने भएकाले भूकम्पपीडित झन् पीडामा छन् ।
‘सरकारले खेतबारी, घरजग्गाको मुआब्जा दिए एकतिर गएर बस्न हुन्थ्यो,’ आरुघाटका श्रेष्ठले भने, ‘घरटहरा निर्माण गर्ने पैसो बाँड्नुभन्दा हामीलाई यहीबेला मुआब्जा दिए हुन्थ्यो ।’ एकीकृत बस्ती बनाएर आफूहरूलाई एकै ठाउँमा राखे पनि खुसी हुने आरुघाटवासीले
जनाएका छन् ।
11144910_836786409735312_1672512803589631457_n‘बूढीगण्डकी जलविद्युत्सँग जोडिएर सरकारले राहतका कार्यक्रम ल्याओस्,’ स्थानीय चित्रदेव शाक्यले भने, ‘घर भत्केर भग्नावशेष भएको ठाउँमा बस्ने मन छैन ।’ महाभूकम्प र त्यसपछि गएको झट्काले आरुघाट बजारका घर बस्नै नहुने गरी भत्केका छन् ।
त्यस्तै, गोरखाको तान्द्राङ, बोर्लाङ, नाम्जुङ, बुङ्कोट, फुजेल, दर्बुङ्ग, घ्याल्चोकलगायत गाविसमा रहेका घर भूकम्पले भत्काएको छ । त्यस क्षेत्रका मानिस अहिले बारीमा त्रिपाल टाँगेर बसेका छन् । बूढीगण्डकी आयोजना निर्माण हुँदा यी गाविस पनि प्रत्यक्ष प्रभावित हुन्छन् । उनीहरूले पनि राहत रकम वितरणसँगै मुआब्जा वितरण गर्दा आफूहरूलाई राम्रो हुने बताएका छन् ।
बूढीगण्डकी जलविद्युत् आयोजनाका अध्यक्ष डा. लक्ष्मी देवकोटाले यही बेला प्रभावित क्षेत्रका बासिन्दालाई मुआब्जा दिने गरी कार्यक्रम ल्याउनुपर्ने बताए ।
ऊर्जा मन्त्रालय र अर्थ मन्त्रालयसँग छलफल गरेर आयोजनाबाट प्रभावित भएका स्थानीयवासीलाई सहयोग गर्ने खालको कार्यक्रम ल्याउनुपर्ने देवकोटाको भनाइ छ ।
‘आयोजना निर्माण हुँदा पानीको सतहले डुबाउने क्षेत्रका प्रभावितलाई राहतसँगै मुआब्जा दिनसके राम्रो हुन्थ्यो’ उनले भने, ‘अस्थायी टहरा निर्माण, स्थायी घर निर्माणका लागि बजेट दिने त्यसपछि आयोजना निर्माणको क्रममाः मुआब्जा वितरण गर्दा राज्यलाई आर्थिक भार
बढी पर्छ ।’
आर्थिक भारबाट मुक्ति पाउन अहिले नै मुआब्जा वितरण, बस्ती विकास गरी स्थानान्तरणलगायत कार्यक्रम घोषणा गरी कार्यान्वयन गर्न सरकारसँग आग्रह गरिएको छ ।

– See more at: http://www.souryadaily.com/2015/05/103939.html#sthash.a0CI6R8j.dpuf



धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो ।

५ जेष्ठ २०७२, मंगलवार ०६:२४ मा प्रकाशित

समाचार

सबै

गल्छीमा रहेको कर कार्यालय वन्द नहुने

गल्छीमा रहेको करदाता सेवा कार्यालय एक साताका लागि बन्द गर्न संकट व्यवस्थापन समितिले गरेको निर्णयलाई जिल्ला प्रशासन कार्यालयले सच्याएको छ । करदाताहरुले साउन मसान्त भित्रमा बुझाउनु पर्ने कर नबुझाएमा.....

कोरोना संक्रमण बढेपछि धादिङमा एकसाताका लागि निषेधाज्ञा जारी

धादिङ जिल्लाको सदरमुकाम धादिङबेशी आसपासका क्षेत्रमा एक साताका लागि निषेधाज्ञा जारी गरिएको छ । कोरोना भाइरस.....

गल्छी पालिका एक साताका लागि वन्द

गल्छी गाउँपालिका भित्र अत्यावश्यक बाहेकका सबै सेवा एक साताका लागि वन्द गरिने भएको छ । बुधवार गल्छी.....

थोपलखोला आसपासमा बाढी पहिरोको त्रास

धादिङ धादिङ जिल्लाको सदरमुकाम धादिङबेसी स्थित थोपल खोलामा पानीको बहाव बढ्दै जांदा आसपासका वासिन्दा त्रसित हुन.....

मलेखुमा बन्यो माछाको प्रतिमा

केशव अधिकारी (मलेखु)धादिङ – माछा बजारको रुपमा देशमै ख्याति कमाएको मलेखुमा शनिबारदेखि नयाँ पहिचान थपिएको छ ।.....

Categories