धादिङ–धादिङ जिल्लामा केन्द्रिय कार्यालय रहेको सिभिक डेभलपमेण्ट बैंकसंग मर्ज भएको मुक्तिनाथ विकास बैंक लि.ले आर्थिक बर्ष २०७१÷७२ को अन्त सम्ममा कूल ३७ करोड ७ लाख संचालन मुनाफा आर्जन गर्न सफल भएको छ । यस अवधिमा बैंकको निक्षेप संकलन कूल ७ अर्ब ७८ करोड र कर्जा लगानी कूल ६ अर्ब ७१ करोड रहेको छ । गत आ.व.को सोही अवधिको तुलनामा बैंकको संचालन मुनाफा ३६ प्रतिशत, निक्षेप संकलन ३४ प्रतिशत र कर्जा लगानीमा ३५ प्रतिशतले बृद्धि भएको छ । यस अवधिमा बैकको प्रतिशेयर आम्दानी ३७ रुपैयाँ रहेको छ भने बैंकको निष्कृय कर्जा ०.१९ प्रतिशत रहेको छ ।
यस अघि बैंकले धादिङ्ग जिल्लामा केन्द्रीय कार्यालय रहेको सिभिक डेभलपमेन्ट बैंकलाई प्राप्ति गरी २०७२ आषाढ ३० गते देखि एकिकृत कारोवार गरी राष्ट्रिय स्तरको विकास बैंकको रुपमा कारोवार गरेको बैकले जनाएको छ ।
नेपालको बैंकिङ्ग क्षेत्रमा वित्तीय सेवाको कार्यशैली फरक र छुट्टै पहिचान झल्कने गरी बैंकले “जनता बैंकमा होइन, बैंक जनतामा जानुपर्दछ” भन्ने सिद्धान्तलाई आत्मसात गर्दै नेपालको परिवेश सुहाउदो आधुनिक बैंकिङ्ग र सिमित बैंकिङ्गका कुल ४८ शाखा कार्यालयहरुवाट हाल सम्म करिव १ लाख ७४ हजार ग्राहकलाई बैंकिङ्ग तथा लघुवित्त सेवा प्रदान गरिरहेको बैकका प्रमुख कार्यकारी अधिकृत भरतराज ढकालद्धारा जारी प्रेस बिज्ञप्तिमा उल्लेख गरिएको छ ।