धादिङवेशी: भुकम्प गएको साढे तीन महिना भन्दा भइसक्दा पनि विस्थापित सामुहिक रुपमा त्रिपालमा नै बसिरहेका छन्।

जिल्ला दैवि प्रकोप उद्धार समिति धादिङका संयोजक एवं प्रमुख जिल्ला अधिकारी बासुदेव घिमिरेले भने, ‘हामीले तीन महिने कार्ययोजना बनाएर विभिन्न गाउँ विकास समितिहरुवाट विस्थापित भएर आएका भुकम्प पिडितहरुको लागि बस्न ब्यक्ति जग्गा र पर्ती जग्गामा शिविरहरु खडा गरेका छौँ।’ दिनहुँ शिविरमा गाउँवाट झरेका विस्थापितहरुको सङ्ख्या बढ्दै जाने र शिविरहरुमा खानेपानी तथा शौचालयको सही ब्यवस्थापन हुन नसक्दा विस्थापितहरुको दैनिकि कष्टकर बन्दै जान थालेको छ।

तामाङ समुदायको मात्र बसोबास रकेको उत्तरीबस्तीहरुमा स्वास्थ्य शिविर होस या राहत वितरण, अधिकाँश बूढापाकाहरु मात्र भेटिन्छन । तिप्लिङ गाउँ विकास समितिका सहायक बुद्धि थापा भन्छन, ‘भुकम्प पछि युवाहरु गाउँमा बस्नै छाडेका छन। सुरक्षित रहेका बस्तीहरुमा पनि बुढापाका मात्रै भेटिन्छन।’