काठमाडौं – नेपाल प्रहरीले ५ हजार भन्दा बढी कोटामा नयाँ भर्ना खोलेको छ । नेपाल प्रहरीले ५ हजार ४४ जना प्रहरी जवानका लागि भर्ना खुलाएको हो | प्रहरी प्रधान कार्यालय मानवश्रोत विकास विभाग भर्ना तथा छनौट शाखाले उक्त जानकारी गराएको हो ।
प्रहरीमा जागिर खान इछुकले माघ २४ गतेदेखि फागुन ३० गतेसम्म दरखास्त दिन सक्ने छन् |
शाखाकाअनुसार खुल्ला तर्फ २ हजार ९ सय ३४ जना माग गरिएको छ भने अमर/अशक्त प्रहरी परिवारतर्फ १०९ जना र आदिवासी जनजातितर्फ ७६८ जनाका लागि आरक्षण छुट्याइएको छ ।
त्यस्तै, मधेसी ६७२, महिला ४८०, दलित ३६० र पिछडिएको क्षेत्रबाट १२१ जना भर्ना माग गरिएको छ । काठमाडौं उपत्यकाका ३ वटा जिल्लबाट दरखास्त फारम वितरण हुने जनाइएको छ ।
यस्तै क्षेत्रीय प्रहरी तालिम केन्द्रहरुबाट पनि दरखास्त फारम वितरण गरिने भएकाले तोकिएका ठाउँहरुबाट फारम भर्न सकिने शाखाले जनाएको छ । जवान पदमा दरखास्त दिन कम्तिमा ८ कक्षा पास भएको हुनुपर्ने र १८ वर्ष पूरा भई २३ बर्ष ननाघेको हुनुपर्ने प्रावधान रहेको कान्तिपथ डट कममा खबर छ ।
