अफगानिस्तानबाट बेपत्ता भएका युवक घर फर्किए

400 पटक पढिएको

प्रकाशित मिति: २७ चैत्र २०७२, शनिबार १२:१९

सम्पादक: धादिङ न्यूज

Suk-bahadur-sunar-and-Pramila_200869170फोटो :श्रीमती प्रमिलाको साथमा सुकबहादुर सुनार ।
धादिङबेसी: गत पुस १० गते अफगानिस्तानबाट श्रीमतीलाई सडकको बाटो भएर घर फर्किंदैछु भनेर फोन गरेदेखि बेपत्ता भएका धादिङ दार्खाका सुकबहादुर सुनार घर फर्किएका छन् । अफगानिस्तानबाट घर हिँडेदेखि बेपत्ता उनको खोजीमा पाकिस्तानस्थित नेपाली दूतावासले कुटनीतिक पहल सुरु गरेको थियो ।
दलालमार्फत अवैधानिक रूपमा भारतको बाटो हुँदै अफगानिस्तान पुगेका सुकबहादुर अफगानिस्तानमा काम पाउन नसकेपछि उतै अलपत्र परेका थिए । द्वन्द्वग्रस्त क्षेत्रमा एक महिनासम्म एउटै कोठामा कष्टकर तरिकाले बस्नु परेपछि उनले नेपालबाटै पैसा मगाएर फर्कने तयारी गरेका बेला पाकिस्तानी गुप्तचर निकाय आईएसआईले पक्राउ गरेको थियो अन्नपूर्ण अनलाईनमा खबर छ ।
धादिङकै दलाल कलबहादुर खातीलाई ५ लाख ५० हजार बुझाएर राम्रो कमाइ हुने आशामा २०७१ साल फागुन २२ गते सुकबहादुर भारतको बाटो हुँदै अफगानिस्तान गएका थिए । तर त्यहाँ लामो समय बस्दा पनि काम नपाएको र थुप्रै यातना पाएपछि सडकबाटो हुँदै घर फर्किन लागेका सुकबहादुर अफगानिस्तान–पाकिस्तानको सीमानाकाबाट पक्राउ परेका थिए ।
अफगानिस्तानबाट पाकिस्तानको बाटो हुँदै नेपाल हिँडेको दिनदेखि परिवारको सम्पर्कमा नआएको भन्ने विषयमा समाचार प्रकाशित भएपछि पाकिस्तानी प्रहरीले पक्राउ गरेको आशंकामा पाकिस्तानस्थित नेपाली दूतावासले सुकबहादुरको खोजीमा कुटनीतिक पहल गरेको थियो । सुकबहादुरसँगै नेपालबाट अवैध रूपमै अफगानिस्तान गएका मोरङका विनोद दनुवार र झापाका गंगाबहादुर गुरुङ पनि दूतावासकै पहलमा फर्किएका छन् ।
बिहीबार अबेर धादिङ आइपुगेका सुकबहादुरले भने, ‘अफगानिस्तानमा रहँदा कामका गर्न भनेर धेरै पटक अन्तर्वार्ता दिएँ, कमिसन नदिएकाले नाम निक्लिएर पनि काम गर्न पाइनँ, भिसा थप गरेर काम लगाइदिन्छु भनेर पासपोर्ट लगेकाले भिसा त थप गरिदिएन नै उल्टै पासपोर्ट फिर्ता गर्नसमेत पैसा मागेपछि त्यहाँ बसिरहनु असुरक्षित लागेकाले सडक बाटो भएर पाकिस्तान भारतको बाटो हुँदै नेपाल फर्कन सुर गरेको थिएँ । हिँडेको दिनमै पाकिस्तानमा पक्राउ परँे ।’ पक्राउ गरेको ४० दिनपछि पाकिस्तानी प्रहरीले सुकबहादुरलाई नेपाली दूतावासको जिम्मा लगाएको थियो ।
पैसा कमाउन गएका श्रीमान्ले ज्यान जोगाउनकै लागि घरबाट पटकपटक पैसा पठाइदिन आग्रह गरेपछि सुकबहादुरकी श्रीमतीले धादिङबेसीमा रहेका घरसमेत बेचेर सुकबहादुरलाई पैसा पठाएकी थिइन् । तर घर फर्किन नसक्ने अवस्था आएपछि सुकबहादुर अफगानी साथीकै सहयोगमा सडकबाटो हुँदै नेपाल फर्किंदै गरेका बेला पाकिस्तानमा पक्राउ गरेका थिए ।
‘ श्रीमान् अफगानिस्तानमा काम नपाएर अलपत्र परेपछि साह्रै पिर लागेको थियो । साढे ५ लाख खर्च गरेर गएका श्रीमान्लाई त्यहाँ पुगेपछि पनि ३ लाख पठाएँ । अब जेजस्तो भए पनि सकुशल घर फर्किनुस भनेकी थिएँ, घर हिँडे भनेदेखि सम्पर्कविहीन भएपछि साहै्र पिर लागेको थियो’, बिहीबार श्रीमान् घर आइपुगेपछि खुसी भएकी सुकबहादुरकी श्रीमती प्रमिलाले भनिन्, ‘पैसा जे जति डुबे पनि श्रीमान् सकुशल घर आउनुभयो साह्रै खुसी लागेको छ ।’



धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो ।

२७ चैत्र २०७२, शनिबार १२:१९ मा प्रकाशित

धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो । आम नागरिकलाई सूचना, समाचार, विचार, विश्लेषण र विविध विषयमा सुसूचित गर्ने ध्येयका साथ संचालनमा रहेको धादिङ न्यूज डट कम निस्पक्ष सूचना र संचारको संवाहक हो । हामी स्वतन्त्र छौं, हामी कुनै पनि राजनीतिक. सामाजिक तथा अन्य किसिमका पूर्वाग्रहबाट अलग छौं । तपाईंको सूचना र संचारको हकको लागि समाजका विकृति र विसंगतिहरू बिरुद्ध हामी निरन्तर कलम चलाइरहनेछौँ । हामीलाई सूचना जानकारी उपलब्ध गराएर हाम्रो यस अभियानमा तपाईंले पनि साथ् दिन सक्नुहुनेछ ।  धादिङ जिल्लाको सूचना, समाचार, विचार र मनोरञ्जन छिटो छरितो रूपमा विश्वभर पुर्याउनु हाम्रो मुख्य उद्देश्य रहेको छ । ‘धादिङ न्यूज’ यहाँहरू सबैको डिजिटल पत्रिका हो ।व्यवसायको लागि विज्ञापन लगानी हो,धादिङ न्यूज डट कम मा कुनै पनि विज्ञापन वा सन्देश संप्रेषण गर्न  चाहनुहुन्छ भने हामीलाई सम्पर्क गर्न सक्नुहुनेछ ।

 

 

समाचार

सबै

शंकास्पद गतिविधिको आशंकामा गल्छीका सुमन चितवनमा पक्राउ

चितवन । धादिङको गल्छी गाउँपालिका वडा नं १ घर भई चितवनको भरतपुर महानगरपालिका वडा नम्बर ११ बस्ने सम्राट भनिने २४ वर्षीय सुमन श्रेष्ठ पक्राउ परेका छन् । विप्लव नेत्तृत्वको नेकपा निकट रहेको अखिल (क्रान्तिकारी).....

वाग्मती प्रदेश लोकसेवा आयोगले माग्यो १७४ अधिकृत स्तरका कर्मचारी

धादिङ-वाग्मती प्रदेशमा रहेका १३ जिल्लाका विभिन्न स्थानीय तहका लागि वागमती प्रदेश लोक सेवा आयोगले १७४.....

निर्वाचन आयोगले नेकपा विभाजनलाई मान्यता दिएन

काठमाडौं- निर्वाचन आयोगले नेपाल कम्युनिस्ट पार्टी (नेकपा) का दुवै समूहले गरेको पदाधिकारी फेरबदललाई मान्यता.....

प्रहरीबाट वेनिघाटरोराङमा अफिम खेती फँडानी

धादिङ । धादिङको बेनिघाट रोराङ गाउँपालिकाको वडा नं १ स्थित विभिन्न गाउँमा लगाईएको प्रतिवन्धित अफिम खेती.....

माघ १४ गते देखि ७७ जिल्लाबाट एकसाथ कोरोना खोप अभियान शुरु गरिने

धादिङ-नेपालमा कोरोना खोप यही माघ १४ गतेदेखि लगाउन शुरु गरिने भएको छ । स्वास्थ्य तथा जनसंख्या मन्त्रालयका.....

Categories