काठमाडौं, ११ साउन । धादिङ बुढाथुम ९ की सुष्मा अधिकारी खुट्टा सामान्य झम्झमाउन थालेपछि शिक्षण अस्पताल पुगिन् । शिक्षण अस्पतालका चिकित्सकले सिटिस्क्यान गर्नुपर्ने भन्दै चावहिल स्थित ओम अस्पतालमा रिफर गरिदियो । आईतबार विहान करिब ८ बजे उनी आफै हिँडेर ओम अस्पताल पुगिन् । उनको सिटिस्क्यान भयो । सिटिस्क्यानपछि रेडिओ टेक्नोलोजिस्ट अमरनाथ महतोले औषधी खुवाए तर, औषधी खाएको केही मिनेटमै उनको स्वास्थ्य अवस्था अस्थिर मात्रै बनेन, केही क्षणमै उनको मृत्यु भयो ।सुश्माका श्रीमान नेपाल आर्मीमा कार्यरत छन । उनका तीन जना सन्तान छन जस मध्य ११ महिनाको कान्छो छोरा अकी सात बर्षकी छोरी र अर्की कक्षा ७ मा पढदेृ गरेकी ११ बर्षैकी ठुली छोरी छन ।
मृतककाे रिपाेर्ट
मृतकका आफन्तका अनुसार सिटिस्क्यान गरेको आधा घण्टामै सुष्माको मृत्यु भएको थियो । चिकित्सकले लापरबाही गरेको भन्दै आईतबार मध्येरातसम्म मृतकका आफन्तले अस्पताल परिसरमा आन्दोलनसमेत गरेका थिए । मृतकका आफन्तले अस्पतालको गमला फुटाएको भन्दै तीन जना सर्वसाधरणलाई प्रहरीले पक्राउ गरेर छाडेको छ ।
अस्पतालकाे रिपाेर्ट
धादिङबेशीमा चीया पसल चलाउँदै आएकी २९ वर्षिय सुष्माको तीन वटा सन्तान छन् । ११ महिनाको दुधे बालकलाई लिएर उनी अस्पताल आएकी थिईन् । तर, अस्पतालको लापारबाहीले ११ महिने बालिकाको मात्रै होईन अन्य दुई नाबालकहरुको भविष्य समेत अन्यौलमा परेको छ । मृतकका श्रीमान लालबहादुर अधिकारी नेपाली सेनामा कार्यरत छन् । अस्पताल परिसरमा पुग्दा उनी बोल्न सक्ने अवस्थामा थिएनन् ।
मृतककाे अाफन्त, राताे टिसर्टमा मृतकका पति लालबहादुर अधिकारी ।
‘खुट्टामा झम्झमाएपछि नसामा केही भएको छ की भनेर हामी सिटिस्क्यान गर्न आएका थियौं,’ मृतकका आफन्तले दियोपोस्टसँग भने,‘तर, डाक्टरले विरामीलाई औषधी होईन विष पो दिएको रहेछ ।’
मृतकलार्इ खुवाइएकाे गलत अाैषधी, जसकाे कारण विरामीकाे मृत्यु भयाे ।
यी हुन् गलत औषधी खुवाउने डाक्टर
मृतकलार्इ गलत अाैषधी खुवाउने डाक्टर अमरनाथ महताे उनी ५ वर्षदेखि अाेम अस्पतालमा कार्यरत छन् ।
रेडियो टेक्नोलोजिस्ट बताउने यी डाक्टर अमरनाथ महतो हुन् । उनैले सुष्मालाई गलत औषधी खुवाएका हुन् । ‘सिटिस्क्यान गरेर सक्याएपछि आवश्यक औषधी खुवाएका थिएँ, उहाँको स्वासप्रस्वासमा एक्कासी परिवर्तन आयो, एमरजेन्सीमा पठाउँदा के भयो मलाई थाहा छैन,’ उनले भने । उनी ओम अस्पतालमा काम गर्दै आएको ५ वर्ष भयो ।
अस्पताल प्रशासनले भन्यो : ‘ऋूटी भयो’
अस्पतालले लापरबाही गरेको भन्दै मृतकका आफन्तले अस्पताल परिसरमा आन्दोलन गरेका थिए । दिनभरको आन्दोलन हुँदा समेत अस्पताल प्रशासनले कुनै सुनुवाई गरेको थिएन । तर, आन्दोलने हिंसात्मक रुप लिन थालेपछि भने अस्पताल प्रशासन आफ्नो गल्ति स्विकार्न बाध्य भएको थियो ।
अस्पताल प्रशासनले आफूहरुको ऋुटी भएको स्विकार्दै मृतकका परिवारको बालबालीकाको शिक्षा दिक्षाको लागि २१ लाख ५० हजार रुपैयाँ दिने मौखिक वचन दिएको छ । यद्धपी लिखित सम्झौता भने भइसकेको छैन ।-दियो पोष्टबाट
