चेपाङ समुदायका बालबालिकामा कुपोषण

240 पटक पढिएको

प्रकाशित मिति: १६ श्रावण २०७३, आईतवार ०७:२९

सम्पादक: Dhading News

 

 

chepangकेशव अधिकारी

धादिङ, साउन १६– चरम खाद्य संकटको सामना गर्दै आइरहेका चेपाङ समुदायका बालबालिकामा कुपोषण देखिएको छ ।

बर्षको ९ महिना खाद्यान्न संकट बेहोर्ने चेपाङ समुदायमा नियमित खाना खान नपाउँदा बालबालिकामा कुपोषण देखिएको हो । एक वाली मात्र खेती हुने चेपाङ वस्तीमा माघमा लगाएको मकै असोजको अन्तिममा मात्र पाक्छ । त्यसैले उनीहरु हिजोआज जंगली कन्दमुल, सिस्नुको मुण्टा खाएर जीवन निर्वाह गर्छन् ।

शान्ति नेपाल नामक गैर सरकारी संस्थाको अगुवाइमा गरिएको वृद्धि अनुगमनमा धेरै चेपाङ बालबालिकाको तौल उमेर अनुसार नभएको पाइएको हो । बेनिघाट गाविस ७ को डाँडा गाउँ प्रसुती सेवा केन्द्रमा २० जना चेपाङ बालबालिकाको तौल लिइएकोमा १६ जना बालबालिका उमेर अनुसार तौल नपुगेको पाइएको छ । बेनिघाट ९ पांगरजीवमा १० जना बालबालिकाको तौल लिइएकोमा ८ जना बालबालिकाको उमेर अनुसार तौल नपुगेको पाइएको शान्ति नेपालका कार्यक्रम अधिकृत इन्द्रमान शाक्यले बताउनुभयो ।

चेपाङ समुदायमा सुरुमा नै कम तौलको बच्चा जन्मनु, आमाले पोषिलो खानेकुरा नपाउने, सरसफाइ र उपचारमा ध्यान नदिनु, बच्चालाइ आमाको दुध र खाना समयमा जस्ता कारणले बच्चामा कुपोषण देखिएको ती क्षेत्रमा कार्यरत गैर सरकारी संस्थाका प्रतिनिधि बताउँछन् । परीक्षणका क्रममा कुपोषित भेटिएका १६ जना चेपाङ बालबालिकालाई उपचारका लागि पोषण पुनःस्थापना केन्द्र सुनाकोठी ललितपुर सिफारिस गरिएको उहाँले बताउनुभयो । वृद्धि अनुगमन केन्द्रमा बच्चाको तौल लिन आएका चेपाङ महिलाहरुको लागि पोषण सम्वन्धि स्वास्थ्य शिक्षा समेत दिने गरिएको छ ।

अधिकांश चेपाङ समुदायको वसोवास दक्षिणी धादिङको महाभारत क्षेत्रमा छ । करिब १८ हजार जनसंख्या रहेका धादिङका चेपाङ समुदाय ९० प्रतिशत भुमिहीन छन् । जग्गा जमिन हुनेको पनि आफ्नो बारीमा उत्पादित अन्नले ६ महिना धान्न मुश्किल पर्छ । उच्च पहाडी क्षेत्र, भिरालो पाखोबारी भएकाले अन्न उत्पादन राम्रो नहुने नेपाल चेपाङ संघका केन्द्रीय सदस्य तिलक चेपाङले बताउनुभयो । जनसंख्या बृद्धिका कारण पनि खानेकुराको अभाव अझै बढ्दै गएको छ । कुपोषणमा परेका चेपाङ बालबालिकाको अवस्था अध्ययन गरी उनीहरुलाई सहयोग गर्न धादिङको पीडा गाविसको स्याम्मैडाँडा, बेनिघाटको पांगरजीव र ग्याजाको चेपाङ समुदायमा वृद्धि अनुगमन केन्द्र सञ्चालनमा ल्याइएको छ ।



धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो ।

१६ श्रावण २०७३, आईतवार ०७:२९ मा प्रकाशित

समाचार

सबै

गल्छीबाट हेटौंडा जोड्ने छोटो सडकको खोजि

केशव अधिकारी  धादिङ- नुवाकोट र रसुवा जिल्लाबाट बागमती प्रदेश राजधानी हेटौंडा जोड्ने छोटो दुरीको सडक निर्माणका लागि प्रारम्भिक सर्वेक्षण गरिएको छ । वैकल्पिक राजमार्गको रुपमा समेत ल्याउन सकिनेगरी पहिचान.....

शुक्रवार देखि धादिङबेसीमा सातौँ धादिङ महोत्सव शुरु

धादिङ, -शुक्रवार देखि धादिङको सदरमुकाम धादिङबेसीमा सातौँ धादिङ महोत्सव शुरु भएको छ । शुक्रवार देखि.....

चाम्बासमा दुर्घटना, नायिका महिमा सिलवालको मृत्यु

धादिङ- बुधबार साँझ धादिङको गजुरी गाउँपालिका वडा नम्बर २ चाम्बास स्थित पृथ्वीराजमार्गमा भएको दुर्घटनामा परि .....

शुक्रवार देखि धादिङबेसीमा सातौं धादिङ महोत्सव

धादिङबेसी- सातौं धादिङ महोत्सव फागुन २ गते शुक्रवार देखि धादिङबेसीमा शुरु हुंदैछ । धादिङ उद्योग वाणिज्य संघको.....

रुबीभ्याली र गंगाजमुना सन २०२२ भित्र सफा गाउँ हुने

धादिङ- धादिङको उत्तरी भेगमा पर्ने रुबीभ्याली गाउँपालिकाले सन २०२१ भित्र र गंगाजमुना गाउँपालिकाले सन् २०२२.....

Categories