नेपालले उचाल्यो एएफसी सोलिडारिटी कप फुटबलको उपाधि

151 पटक पढिएको

प्रकाशित मिति: ३० कार्तिक २०७३, मंगलवार २२:३८

सम्पादक: Dhading News

काठमाडौं: मकाउलाई हराउँदै नेपालले एएफसी सोलिडारिटी कप फुटबलको उपाधि उचालेको छ।  मलेसियाको कुचिङस्थित नेगेरी स्टेडियममा मंगलबार साँझ भएको खेलमा फिफा बरियतामा १० स्थान तल रहको मकाउलाई १-० गोल अन्तरले हराउँदै नेपालले उपाधि उचालेको हो। योसँगै नेपालले अन्तर्राष्ट्रिय उपाधिमा ह्याट्रिक गरेको छ।

नेपालका लागि खेलको ३० औं मिनेटमा सुजल श्रेष्ठले गरेको गोल नै निर्णायक बन्यो। भरत खबासले मिलाएको उत्कृष्ट पासमा सुजलले लोभलाग्दो हेडर गोल गरेका थिए।

कुल सात टोली सम्मिलित एएफसी सोलिडारिटी कपमा नेपाल लाओसलाई टाइब्रेकरमा ३-० गोल अन्तरले हराउँदै मकाउसँगको भेट पक्का गरेको थियो।

कुल सात टोली सम्मिलित एएफसी सोलिडारिटी कपमा नेपाल र मकाउ दुवै अपरातित रहँदै फाइनलमा पुगेका थिए । तीन टोली सम्मिलित समूहगत चरणको खेलमा नेपाल समूह ‘ए’ को विजेता बनेको थियो । मकाउ समूह ‘बी’ को विजेता टोली हो ।

सेमिफाइनलमा नेपालले लाओसलाई टाइब्रेकरमा ३–० गोलले हराउँदै फाइनलको यात्रा तय गरेको थियो । मकाउले भने सेमिफाइनलमा ब्रुनाईलाई ४–३ गोलले हराएर फाइनलमा नेपालसँगको भेट पक्का गरेको थियो ।

नेपालले समूहगत चरणको पहिलो खेलमा टिमोर लिस्टेसँग गोलरहित बराबरी खेले पनि दोस्रो खेलमा ब्रुनाईलाई ३–० गोलले हराउँदै विजेताका रूपमा सेमिफाइनलमा पुगेको हो ।
नेपाल र मकाउको प्रतिस्पर्धाको इतिहास
नेपाल र मकाउबीच यसअघि भएका भिडन्तमा पनि नेपाल बलियो अवस्थामा थियो । नेपालले मकाउसँग खेलेका पाँच खेलमध्ये नेपालको पक्षमा तीन जित, एक बराबरी र एक हारको नतिजा छ । पछिल्लो पटक आठ वर्षअघि सन् २००८ मा खेलिएको मैत्रीपूर्ण खेलमा नेपालले मकाउलाई ३–२ गोलले पराजित गरेको थियो ।

त्यसअघि सन् १९९७ को विश्वकप छनोट अन्तर्गत पहिलो खेलमा नेपाल मकाउसँग १–१ गोलको बराबरीमा रोकिएको थियो । दोस्रो खेलमा नेपाल मकाउसँग २–१ गोलले पराजित भएको थियो ।

त्यसपछि सन् २००१ मा खेलिएको विश्व कप छनोटको पहिलो खेलमा नेपालले मकाउलाई ४–१ गोलले हराएको थियो । दोस्रो खेलमा पनि नेपालले मकाउलाई ६–१ गोलको फराकिलोअन्तरले हराएको थियो । त्यतिबेला पहिलो खेलमा दुई गोल गरेका नीराजन रायमाझीले दोस्रो खेलमा ह्याट्रिक गरेका थिए ।

बालगोपाल महर्जनले दुवै खेलमा एकएक गोल गरेका थिए । हरि खड्काले पहिलो खेलका एक गोल गरेका थिए भने वसन्त थापा र दीपक लामाले दोस्रो खेलमा एकएक गोल गरेका थिए । फिफा वरीयतामा पनि नेपाल मकाउभन्दा १० स्थान माथि छ । नेपालले आजको जितसँगै पहिलो पटक ठूलो अन्तराष्ट्रिय उपाधि उचालेको छ यो समाचार अन्नपूर्ण डट कमबाट लिईएको हो ।



धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो ।

३० कार्तिक २०७३, मंगलवार २२:३८ मा प्रकाशित

समाचार

सबै

धादिङमा १२९ जनाका लागि खुल्यो जागिर (सूचना सहित )

धादिङ ।तपाई बेरोजगार हुनुहुन्छ र कामको खोजीमा लागि रहनु भएको छ भने धादिङको १३ वटै स्थानीय तहका लागि धेरै जना कर्मचारीको माग भएको छ । भुकम्प पिडितहरुको लागि भवन निर्माण कार्यमा आर्थिक तथा प्राविधिक सहयोग.....

राष्ट्रिय झण्डा घर, अफिसदेखि गाडीमा समेत राख्न पाइने

काठमाण्डौं -विश्वमै आफ्नो छुट्टै पहिचान बोकेको नेपालीको शान राष्ट्रिय झण्डा विगतका सरकारी कार्यालय र सरकारी.....

राष्ट्रियसभाबाट राष्ट्रिय परिचयपत्र विधेयक पारित

काठमाडौं । राष्ट्रियसभाबाट राष्ट्रिय परिचयपत्र विधेयक राष्ट्रिय परिचयपत्र तथा पञ्जीकरण विधेयक २०७५ पारित.....

बीआरआई विश्वसँग नेपाललाई जोड्ने महत्वपूर्ण ढोका

काठमाडौं, - नेपालको विकासका लागि विश्वसँग जोडिने सहज मार्ग खोल्नुपर्ने आवश्यकतामाथि विभिन्न विज्ञहरुले जोड.....

विप्लव माओवादीलाई धक्का, जिल्ला सेक्रेटरी पक्राउ

धादिङ, १ असोज – प्रहरीको सर्वाधिक खोजी सूचीमा रहेकानेत्र विक्रम चन्द नेत्तृत्वको नेकपाका धादिङ जिल्ला.....

Categories