पोखरामा जम्दै, धादिङे ठिटो रमेश बाबु

535 पटक पढिएको

सम्पादक: धादिङ न्यूज


4d31974b9b62320f82ec72a2ba0e4e2f1480594686  पोखरा | धेरै जसो मानिसहरु  भौगोलिक क्षेत्र र पारिवारीक पृष्ठभुमीलाई दोषी देखाएर आफ्नो प्रतिभालाई उजागर गर्न नसकेको जिकिर गरिरहेका हुन्छौ तर मानिसलाई आफ्नो प्रतिभा देखाउन भौगोलिक क्षेत्र र पारिवारीक पृष्ठभुमी बाधक बन्न सक्दैनन् भन्ने ज्वालन्त उदाहरण बनेका छन् एक २८ बर्षिय युवा रमेश बाबु अर्थात रमेश तिमल्सिना !  उनि धादिङको बिकट उत्तरी क्षेत्र बसेरी गाबिस ६ अधेरीमा बाबु मान प्रसाद तिमल्सिना र आमा रणदेबी तिमल्सिनाको जेष्ठ सुपुत्रका रुपमा बि.स २०४५ सालमा निम्न मध्यम बर्गिय परिवारमा जन्मिएका हुन् ।

कलकारितामा रुचि राख्ने रमेश स्कुलमा हुने कार्यक्रममा सक्रिय रुपमा सहभगी हुन्थे । सानै उमेर देखि कलकार बन्ने रहर पालेका उनि २०६२ सालमा उच्च शिक्षा अध्ययनकोलागि सपनाको सहर काठमाण्डौं पसे, काठमाण्डौं पसेसगै उनको बाटो मोडियो । घरबाट पठाईदिएको सिमित पैसाले काठमाण्डौंमा बस्न , खान र कलेज पढ्न गाह्रो हुनथालेपछि उनि लागे जागिरको खोजिमा । भरखर एसएलसी मात्रै पास भएका उनलाई जागिर पाउन पनि निकै गाह्रो भयो । उनले २०६३ सालमा बल्ल तल्ल जागिर त पाएत्यो पनि निकै दुख हुने मार्के्टिङ्गको त्यही पनि भने जस्तो पैसा हुदैनथ्यो ।

यही बिचमा कलकार बन्ने चाहाना पालेका रमेश बाबुले हरिबश आचार्य र मदनकृष्ण श्रेष्ठले निर्माण गरेको टेलिचलचित्र महचौतारीमा अभिनय गर्ने अवसर पाए । त्यसपछीकलकार नै बन्छु भन्ने भुत रमेशमा झन बढ्न थाल्यो । महचौतारीबाट अभिनय यात्रा सुरु गरेका उनि ठुलो पर्दाको चलचित्र देवरबाबुमा समेत देखिने अवसर पाए । दस जोडदुईको अध्ययन र कलकारीताको केही अनुभब बटुलेर काठमाण्डौंको दुई बर्षको बसाईपछि उनि हानिए पर्यटकिय सहर पोखरा, फेरी सुरु भयो उनको अर्को यात्रा ।

डिप्लोमाको पढाई संगसंगै उनि लागे फेरी काम कै खोजिमा , उनले जागिर त पाए फेरी पनि उस्तै पैसा नै कम हुने रेडियोको । तर उनलाई त्यही जागिर पोखरा बसाईकोसारथी बन्यो । पोखराको पहिलो सामुदायिक रेडियो हिमचुली एफ एममा ३ बर्ष बिताएका उनले रेडियोको जागिर सगै धेरै कुरा सिक्ने र भोग्ने मौका पाए । हिमचुलीएफएममा हुदा उनले केही रेडियो नाटक र अभिनयका कुरा सिक्ने अवसर पाएपनि उनको जिवन झन झन अफ्ठेरो मोडमा पुग्दै थियो । रेडियोबाट पाउने थोरै तलबका भरमाउनलाई जिबन धान्न निकै कठिन हुदै गयो कति दिन त चिउरा, चाउचाउ र गाऊबाट ल्याएका भुटेका मकैमा नै छाक टारेको उनि बताउछन् ।

केही समय पोखराको सफलता एफ एममा समेत काम गरेका रमेश बाबु अहिले पोखराको पहिलो एफएम माछापुच्छ्रे एफ एम र पोखराको पहिलो टेलिभिजन गोल्डेन आईटेलिभिजनमा कार्यरत छन् । मार्के्िटङबाट माछापुच्छ्रे एफ एममा प्रबेश गरेका उनि कार्यक्रम संञ्चालक मार्के्िटङ्ग म्यानेजर, प्राबिधिक प्रमुख हुदै स्टेशन म्यानेजरको समेतजिम्मेवारीमा काम गरे । गोल्डेन आई टेलिभिजनका भने उनि कार्यक्रम सञ्चालक मात्रै हुन् । रेडियो र टेलिभिजनमा कार्यरत रहदा रहदै पनि उनको कलकार नै बन्छु भन्नेमन मानेन र अहिले फेरी उनि कालकारितामा पनि सक्रिय बन्न थालेका छन् ।

रङ्गमंञ्च  र सानो पर्दाका टेलीचलचित्रमा सक्रिय रमेश बाबुलाई यतिबेला भने भ्याई नभ्याई छ । पोखराका हास्यकलाकारद्वय (राजेन्द्र नेपाली र युवराज भण्डारी) पोखरेलीधुर्मुस र माग्नेबुढाले निर्माण गरेको दुई हास्य टेलिचलचित्र खिचडी र गडबडीका कलाकार समेत रहेका रमेश आज भोली कृष्ण उदासीको लेखन तथा निर्देशनमा मञ्चन हुनेतयारीमा रहेको नाटक ‘एक रुपैया’  को रियलसनमा ब्यस्त छन् । उक्त नाटक यही मंसिर १७ र १८ गते पोखरा उध्योग वाणिज्य संघको सभाहलमा मंञ्चन हुदै छ ।

यसअघी पनि रमेश बाबुले कृष्ण उदासी कै लेखन तथा निर्देशनमा गत भदौमा मञ्चन भएको नाटक ‘मौसम हराएको देश’ मा अभिनय गरिसकेका छन् । अन्तरमुखी स्वभाबभएका रमेश बाबु धादिङ्ग पत्रकार समाज पोखराका उपाध्यक्षको जिम्वेवारीमा समेत छन् । झट्टै आफ्ना कुरा कसैलाई नभन्ने र आफ्नो काममा लगनशिल भएर खटिनेउनको स्वभाब रहेको उनका सहकर्मीहरु बताउछन् । कलकारीता संगसंगै साहित्यमा पनि रमेश बाबुको रुचि उत्तिकै रहेको छ ।उनले यस अगाडी केही म्युजिक भिडियोमा पनि अभिनय गरी सकेका छन् । स्थापित कलकार बन्ने उदेश्य लिएका रमेशबाबुलाई सकरात्मक साथ र हातको भने खाचो छ साझा सवाल डट कमले खबर लेखेको छ ।