त्रिशुली नदीमा -याफ्टिङ कन्सर्ट

413 पटक पढिएको

प्रकाशित मिति: २२ फाल्गुन २०७३, आईतवार १९:०२

सम्पादक: Dhading News

गायक इन्सु राईले सांगीतिक इतिहासमै नयाँ कार्यक्रम आयोजना गरी विश्व कीर्तिमान कायम गरेका छन् । उनको संस्था म्युजिक माउन्टेनियरिङ कल्चर एक्पिडिसन नेपाल(एमएमसी)को आयोजनामा फागुन २१ गते शनिबार त्रिशुली नदीमा -याफ्टिङ कन्सर्ट सफलतापूवर्क सम्पन्न भएको छ ।

म्युजिक फर टुरिजम अर्थात पर्यटनका लागि संगीत भन्ने मुल नाराका साथ आयोजना गरिएको यस कन्सर्टमा स्वयं इन्सु, चर्चित गायकगायिका धिरज राई, विजय लामा, मनिषा पोखरेल, टार्जन लिम्बु, बालकुमार श्रेष्ठ, मोडल कशिश दाहाल, डिजे विमल, नेपालको पहिलो महिला संगीतकार रेखा पाैडेललगायतले -याफ्टिङकै क्रममा प्रस्तुति दिए ।
त्रिशुली नदीअन्तर्गत फिस्लिङदेखि चरौदीसम्म झन्डै ४ किलोमिटर यात्राका क्रममा गरिएको कन्सर्ट ४६ मिनेटसम्म चलेको थियो । उक्त कन्सर्टमा ७६ जनाले दर्शकले सहभागिता जनाएका थिए ।

नदीमा -याफ्टिङसँगै कन्सर्ट दुनियाँमै पहिलोपटक भएको गायक इन्सुले दाबी गरेका छन् । उनले भने, ‘यस्तो कन्सर्ट पहिलोपटक हो, पर्यटनका लागि नेपाल सुरक्षित छ, -याफ्टिङका लागि त्रिशुली सुरक्षित छ भनेर देखाउन पनि यो कार्यक्रम गरिएको हो ।’ कार्यक्रम भव्यताकासाथ सफल भएको र मौसमको साथले सफल भएकोमा उनी एकदमै दंग थिए ।

भन्छन्, ‘स्थानीयले साथ दिनुभयो, मिडिया, टिमको साथ रह्यो, प्रायोजकले हामीलाई पत्याईदियो, मौसमले त झनै साथ थियो, यसैले कुनै नराम्रो घटना पनि भएन, एकदमै खुसी लागेको छ, इतिहास रच्न पाएँ ।’


कान्सर्टमा सहभागी जनाउन आइपुगेका दर्शकले डुंगामै नाचेर गायकगायिकालाई साथ दिएका थिए । बेलाबेला आउने स्टिपले भने सांगीतिक कार्यक्रमलाई केही अवरोध गरेपछि सबै उत्साहित हुँदै कराएका थिए । पानीका कारण बेलाबेला प्रविधिमा समस्या आएकोले कन्सर्ट केही लम्बिएको थियो ।


४५ मिनेट कन्सर्ट गर्ने घोषित कार्यक्रम अनुसार सफल भएको र अब गिनिज वल्ड रेकर्डमा नामको लागि औपचारिक कार्यक्रम केही दिनमै गर्ने इन्सुले जनाएका छन् । यसअघि इन्सुले मेरा हिमालको ६,४७० मिटर अग्लो चुचुरोमा पुगेर कन्सर्ट गरी गिनिजमा नाम लेखाउने प्रयास गरेका थिए ।


नेपाल खाद्य बैंकको मुख्य प्रायोजनमा भएको कार्यक्रमलाई नेपाल एसोसिएसन अफ -याफ्टिङ एजेन्सी, त्रिशुली बचाउँ महाअभियान, नेपाल आइस बियरलगायतले सहप्रायोजन गरेको थियो ।

-एभरेष्ट टाईम्स न्यूजबाट 



धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो ।

२२ फाल्गुन २०७३, आईतवार १९:०२ मा प्रकाशित

समाचार

सबै

लागुऔषध मुद्दामा फरार गल्छीका दुई महिला पक्राउ

धादिङ- फरार अभियुक्त पक्राउ अभियान अन्र्तगत जिल्ला प्रहरी कार्यालय धादिङले मंसिर २ गते  उनिहरुलाई पक्राउ गरेको हो । पक्राउ पर्नेमा गल्छी गाउँपालिका वडा नम्बर ७ मछेडीखोला बस्ने ५० बर्षिया सरिता भन्ने.....

बूढीगण्डकी प्रभावितद्धारा आन्दोलनको घोषणा

धादिङ । बुढीगण्डकी जलविद्युत आयोजनाको डुबानमा पर्ने बजार क्षेत्रको मुआब्जा निर्धारण नगरेको भन्दै प्रभावित.....

स्कुटर चोरेर बिक्री गर्ने चार जना धादिङबाट पक्राउ

धादिङ,२९ कात्तिक । स्कुटर चोरी  गरि बिक्री गर्ने कार्यमा संलग्न रहेका चार जना लाई धादिङ प्रहरीले पक्राउ गरि.....

Vacancy Announcement

Published Date:  25 Kartik  2076 Dhading Chamber of Commerce and Industry and Mott MacDonald  has been  implementing a DFID-funded Post-earthquake recovery project (Purnima) in Dhading Districts. The program aims to create long-term positive change in the lives of people in.....

बुद्धिमान तामाङलाई राप्रपाको कार्यवाहक अध्यक्षको जिम्मेवारी

काठमाण्डौं -वरिष्ठ उपाध्यक्ष बुद्धिमान तामाङलाई कार्यवाहक अध्यक्षको जिम्मेवारी दिएर राष्ट्रिय प्रजातन्त्र.....

Categories