ज्वालामुखीको सुख्खा डाँडामा पानी आएपछि गाउँले भए खुसी

299 पटक पढिएको

प्रकाशित मिति: १३ असार २०७४, मंगलवार १७:४९

सम्पादक: Dhading News

19396849_1411795092235243_7997025362674561707_nधादिङ : धादिङको ज्वालामुखी गाउँपालिका–५, खरीको रानीपोखरीमा जमिनमुनिबाट पानी निकालिएपछि गाउँले खुसी भएका छन्।

पानीको अभावले बिहानभरि पानी बोक्नुपर्ने बाध्यता आएको अवस्थामा सुक्खा डाँडामा पानीको धारा नै आएपछि गाउँलेमा खुसी छाएको खरी गाविसका पूर्वअध्यक्ष रामहरि पोखरेलले बताए।

लामो समयदेखि खरीमा पानीको समस्या भएपनि डिप बोरिङ गरी पानी निकालिएको थियो। डिटिएच रक डिलिङ कम्पनी र गाविस पूर्वअध्यक्ष पोखरेलले गाउँमा पानीको समस्या आएपछि चार लाख रुपैयाँ खर्च गरेर यन्त्र ल्याई पानी निकालिएको हो।

सुख्खा डाँडामा यन्त्रले डिप बोरिङका लागि खनेपछि १२० मिटर तल पानी भेटिएको थियो । पानी दीर्घकालीन रुपमा निकालेर गाउँवासीले प्रयोग गर्न सकून् भनेर २०५ मिटर तलबाट पानी निकालिएको छ। यसो गर्दा पानीको गुणस्तर राम्रो हुने र दीर्घकालीन रुपमा पानी पुग्ने कम्पनीले जिकिर गरेको छ।

हाल साढे ३ इन्च मोटो पाइपमा पानी निस्किएको छ। यसरी हेर्दा प्रतिघण्टा ३० हजार लिटर सफा पानी खानयोग्य हुने गरी बाहिर निकालिएकाले गाउँमा पानीको समस्या समाधान हुने पोखरेलको भनाइ छ।

रानीपोखरी, धुसेनीलगायत स्थानमा ५२० घरले सो पानी उपभोग गर्ने गरी ४० लाख रुपैयाँको लागतमा योजना निर्माण गर्ने योजना छ।

भूकम्पपछि गाउँमा पानीको हाहाकार भइरहेकाले धुसेनी कामीडाँडामा २५०, अम्बोटे पोखरीमा २००, भत्केको पौवामा २०० र अन्नपूर्ण घलेडाँडामा ३०० घरका लागि यसरी नै डिप बोरिङ गरेर पानी निकाली गाउँमा वितरण गर्ने योजना छ।

एक हप्ताको अनुभव हेरी कम्पनी र पूर्वगाविस अध्यक्ष पोखरेलले पानी ननिस्केमा व्यक्तिगत खर्च गर्ने र योजना सञ्चालन गर्ने गरी काम सुरु गरिएको छ। रासस


१३ असार २०७४, मंगलवार १७:४९ मा प्रकाशित

समाचार

सबै

छुट्टाछुट्टै स्थानमा दुर्घटना, दुईको मृत्यु , एक घाईते

धादिङ, १२ फागुन - शनिवार विहान धादिङ जिल्लाको दुई छुट्टाछुट्टै स्थानमा भएको सवारी दुर्घटनामा परि दुई जनाको ज्यान गएको छ भने एक जना घाईते भएका छन् । धादिङको गजुरी गाउँपालिका वडा नं १ कालिका मन्दिर नजिकै.....

धादिङमा पुनर्निर्माणमा महिलाहरू सक्रिय

धादिङ -बन्दै गरेको घर, चाहे जग खन्दै होस् या गाह्रो लगाउने चरणमा । बन्दै गरेको हरेक नयाँ घरमा महिला कामदार.....

पार्टी तथा भातृ संगठनकाे अधिवेशन रोक्ने एमालेकाे निर्णय

काठमाडौं । माओवादी केन्द्रसँग पार्टी एकिकरणको सहमति भइसकेको भन्दै एमालेले पार्टी कमिटी र भातृ संगठनका.....

राष्ट्रपति चयनका लागि फागुन २९ गतेको मिति घोषणा

काठमाडौं, फागुन १० - निर्वाचन आयोगले राष्ट्रपति चयनका लागि फागुन २९ गतेको मिति घोषणा गरेको छ। आयोगले.....

सुत्केरीढुंगाबाट चरेश सहित दुई जना पक्राउ

धादिङ, ८ फागुन - धादिङको गल्छी गाउँपालिका वडा नम्बर ६ सुत्केरीढुंगाबाट प्रहरीले प्रतिवन्धित लागुऔषध चरेश बरामद.....