महिला मानवअधिकार संस्थालाई त्रिपुरासुन्दरी गाउँपालिकाको स्पष्टीकरण

1656 पटक पढिएको

प्रकाशित मिति: १५ असार २०७४, बिहीबार ०९:५४

सम्पादक: Dhading News

 

 

tripurasundari gaupalika. DAWHRD ispastikaran sodheko letterधादिङ,१५ असार : गाउँपालिका स्तरीय शाखा गठन गरेको भन्दै महिला मानवअधिकार रक्षकहरुको जिल्ला संजाललाई धादिङको त्रिपुरासुन्दरी गाउँपालिकाले स्पष्टीकरण सोधेको छ ।
नेपालको संविधान २०७२ मा मौलिक हक अन्तरगत संघ संगठन खोल्न पाउने हक र स्वतन्त्रताको हक अनुसार संस्था खोल्ने र त्यसमा आवद्ध हुन पाईने व्यवस्था रहेको छ । संविधानमा रहेको हकको खिल्ली उडाउँदै स्थानीय त्रिपुरासुन्दरी गाउँपालिकाले महिला मानवअधिकार रक्षक संजाललाई अनुमति नलिइ आफ्नो गाउँपालिकामा संस्थाको शाखा पुनरगठन गरेको आरोपमा स्पष्टीकरण सोधेको हो । महिलाहरुको मानवअधिकार,घरेलु हिंसामा परेका महिलाहरुको हक हित,श्रीमानले दोश्रो विवाह गरेपछि समस्यमा परेका महिला,घर परिवारवाट हेला र घर निकालमा परेका पिडित महिलाहरुको  पक्षमा वकालत गर्दै आएको महिला मानवअधिकार रक्षकहरुको जिल्ला सञ्जालले त्रिपुरासुन्दरी गाउँपालिकमा पनि यिनै बिषयमा काम गर्दा केही व्यक्तिलाई असहज भई स्पष्टिकरणका लागि दवाव परेको अधिकारकर्मीहरुको बुझाई छ ।
गाउँपालिकाको सल्यानटारमा गत जेठ २० गते गाउँपालिकास्तरीय संजाल गठन गर्न कार्यक्रम आयोजना गरिएकोले गाउँपालिकाको स्वीकृति नलिइ कार्यक्रम गरिएको भन्दै कार्यकारी अधिकृत शैलेन्द्र ढकालले लिखित स्पष्टीकरण सोध्नु भएको छ । गाउँसभाको पहिलो बैठकले महिलामानवअधिकार संजाललाई किन कारबाही नगर्ने ? भन्दै ७ दिनभित्र स्पष्टीकरण पेश गर्न पत्र लेखिएको छ । जेठ ३ गते लेखिएको पत्र हुलाकबाट पठाइएको पत्र असार १३ गते प्राप्त भएको महिला मानवअधिकार रक्षक संजालका जिल्ला अध्यक्ष गायत्री खतिवडाले बताउनुभयो ।
गाउँपालिकाको कार्यक्रम आयोजना गर्दा सो गाउँपालिका उपाध्यक्ष देबी पाण्डे कार्यक्रममा उपस्थित हुनुभएको र शुभकामना दिनुभएको थियो । स्वीकृति नलिएको विषयलाई लिएर आफ्नो पार्टीका कार्यकर्ता संजालमा नपरेपछि नेकपा माओवादी केन्द्र र नेपाली काग्रेसले आफ्नो पार्टीले भने अनुसार सँस्था गठन नगरेकोले स्पष्टीकरण सोधिएकोले स्पष्टिकरण राजनीतिक पुर्वाग्रहबाट प्रेरित रहेको अध्यक्ष खतिवडाको भनाइ छ ।
त्रिपुरासुन्दरी गाउँपालिका वडा न.ं १ का वडा अध्यक्ष देवराज धरेलले सोही वडाका वडा सदस्य राममायाँ पन्तलाई महिला मानवअधिकार रक्षक संजालको कार्यक्रममा गएको भन्दै वडा सदस्य पद त्याग गर्न धम्की दिएकोले आफू असुरक्षित भएको बताउनुभएको छ ।
गाउँपालिकामा परियोजना संचालन गर्दा अनमति लिनु पर्ने भएपनि संगठन खोल्न कसैको अनमति लिनु नपर्ने र संगठन खोल्न अनुमति माग गर्नेहरु नै कारबाहीको भागिदार हुनु पर्ने महिलाअधिकारकर्मीहरुको भनाइ छ ।



धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो ।

१५ असार २०७४, बिहीबार ०९:५४ मा प्रकाशित

समाचार

सबै

प्रहरी उपरीक्षक राजकुमार बैदवारको धादिङबाट विदाई

धादिङ- गएको एघार महिना देखि जिल्ला प्रहरी कार्यालय धादिङको कार्यालय प्रमुखको रुपमा कार्यरत प्रहरी उपरिक्षक (एसपि)राजकुमार बैदवारलाई विहिबार धादिङबाट विदाई गरिएको छ । जिल्लामा कार्यरत रहँदा जिल्लाको.....

सुनखानीमा बोलेरो जिप दुर्घटना १२ जना घाईते

धादिङ, २६ मंसिर - सदरमुकाम धादिङबेसीबाट ज्वालामुखी गाउँपालिकाको ढोलातर्फ जाँदै गरेको बोलेरो जिप दुर्घटना भएको.....

नागढुङ्गा-सिस्नेखोला सुरुङमार्ग निर्माणको तयारी शुरु

 काठमाडौँ। काठमाडौँ भित्रने सहज मार्गका रुपमा हेरिएको नागढुङ्गा–सिस्नेखोला सुरुङमार्ग निर्माणको तयारी शुरु.....

साङकोष माविका शिक्षक नविन श्रेष्ठले किन थाम्न सकेनन आँसु ?

धादिङ– मेरो नाम नविन श्रेष्ठ हो । नीलकण्ठ नगरपालिका वडा नम्बर १२ मा रहेको साङकोष माविमा शिक्षक पदमा कार्यरत छु ।.....

बूढीगण्डकी प्रभावित आरुघाटबासीको आन्दोलन स्थगित

धादिङ, २२ मंसिर - प्रस्तावित १२ सय मेगावाटको बूढीगण्डकी जलबिद्युत्त आयोजनाको डुवान क्षेत्रमा पर्ने जग्गाको.....

Categories