धादिङको पृथ्वीराजमार्ग खण्डमा दुर्घटना ४ जनाको मृत्यु १२ घाईते

348 पटक पढिएको

प्रकाशित मिति: ५ श्रावण २०७४, बिहीबार १६:१४

सम्पादक: Dhading News

 

 

buss-accident-dhading-59707829bc2952.50725502धादिङ,५ साउन : धादिङको पृथ्वीराजमार्ग खण्डमा भएको छुट्टाछुट्टै तीन वटा दुर्घटनामा परि ४  जनाको ज्यान गएको छ भने १२ जना घाईते भएका छन ।

बेनिघाट रोराङ गाउँपालिका वडा नम्बर ५मा पर्ने पृथ्वीराजमार्गको विशालटारमा बिहीबार  विहान यात्रुबाहक बस पल्टिंदा २ जनाको घट्ना स्थलमै ज्यान गएको छ भने वसमा सवार अन्य १० जना घाईते भएका छन् ।

काठमाण्डौँ बाट काकरभिट्टाको लागी छुटेको ना ६ ख २२९३ नम्बरको बस राती ३ वजे तिर  पृथ्वीराजमार्ग अन्तरगत विशालटार स्थित सडकबाट २० मिटर तल खसेको जिल्ला ट्राफिक प्रहरी कार्यलय गजुरी धादिङले जनाएको छ ।

दुर्घटनामा परी मृत्यु हुनेमा बस चालक झापा शिवसतासी गाउँपालिका वडा नम्बर ६ का कमल ढुङगाना र सोहि स्थान बस्ने सह–चालक नवराज सिवाकोटी रहेको इलाका प्रहरी कार्यालय खानीखोलाले जनाएको छ ।  दुर्घटनामा परी घाईते भएकाहरुको स्थानीय मलेखु अस्पतालमा सामान्य उपचार पश्चात काठमाण्डौँ लगिएको र उनीहरुको अवस्था खतरामुक्त रहेको पनि प्रहरीले जनाएको छ ।

यसै गरी पृथ्वी राजमार्ग अन्र्तगत धादिङको गजुरी गाउँपालिका वडा नम्बर १ गलौदीमा बिहिबार विहान स्कारपियो जीप पल्टिदा १ जनाको ज्यान गएको छ ।  भएको छ । चितवनबाट काठमाडौँ जाँदै गरेको बा १५ च ४५२६ नम्बरको स्कारपियो अनियन्त्रित भई सडकमा पल्टिएर दुर्घटना भएको हो ।

गाडीमा कपिलबस्तु जिल्लाको महाराजगंज नगरपालिकाका कार्यकारी अधिकृत हरिप्रसाद शर्मा, उनकी श्रीमती र छोरा सवार थिए । दुर्घटनामा उनका श्रीमती विष्णुकुमारी शर्माको उपचारका क्रममा मृत्यु भएको इलाका प्रहरी कार्यलय गजुरीले जानकारी दिएको छ ।

घटनामा उनका छोरा शशांङक शर्मा घाईते छन । घाईतेको गजुरी अस्पतालमा उपचार भइरहेको छ । दुर्घटनापछि गाडीका चालकलाई प्रहरीले नियन्त्रणमा लिएको छ ।

यसै गरि बुधबार सांझ पख बिरगंज बाट काठमाडौंको जाँदै गरेको ना ५ ख ८७९ नं को बसले च्यापेर  बेनिघाट रोराङ गाउँपालिका वडा नम्बर ९ स्थित ज्यामिरेघाटमा बुधवार एक जनाको ज्यान गएको छ । मानसिक सन्तुलन ठिक नभएको उक्त व्यक्तिको सनाखत भने हुन नसकेको प्रहरीले जनाएको छ ।

खाजा खाएर बस अघि बढाउने क्रममा अन्दाजि ४० वर्षको जस्तो देखिने  तराईमुलका एक व्यक्तिको बसले च्यापेर मृत्युु भएको हो । घटना पछि बस र ड्राइभर प्रहरीको नियन्त्रणमा रहेको जोगिमारा प्रहरीले जानकारी दिएको छ ।



धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो ।

५ श्रावण २०७४, बिहीबार १६:१४ मा प्रकाशित

समाचार

सबै

मौसममा विस्तारै सुधार हुँदै

धादिङ । पश्चिमी न्यून चापीय वायुको प्रभावले बिहीबारदेखि प्रभावित मौसम शनिबारबाट विस्तारै सुधार हुँदै जान थालेको जल तथा मौसम पूर्वानुमान महाशाखाले जनाएको छ । नेपालमा पश्चिमी न्यून चापीय प्रणालीको प्रभाव.....

मिटर व्याज थेग्न नसकेपछि सामूहिक आत्महत्याको प्रयास

धादिङ - व्याजमा ऋण लिएर शेयर बजारमा लगानी गर्दै आएका काठमाण्डौंको चन्द्रागिरि नगरपालिका–४, थानकोटका ३७ वर्षीय.....

Two held with illegal drugs in Dhading

Two persons have been arrested in possession of a huge cache of banned pharmaceutical drugs from Gajuri of Dhading district, on Friday, police said. Police intercepted a bus (Na 6 Kha 1760) heading to Lamjung from Kathmandu at Gajuribazaar along Prithvi highway and arrested Hemanta Gurung, 19, of.....

दुई बच्चासहित दम्पत्ति त्रिशूली नदीमा हामफाले

धादिङ- काठमाडौं थानकोट घर भएका बिनय लामिछानेको दम्पत्तिले आफ्ना दुई नाबालक सन्तानसहित बिहिवार साँझ त्रिशूली.....

सल्यानटारमा रंगशाला र गल्छी ६ मा वडा कार्यालय निर्माण गरिने

 धादिङको त्रिपुरासुन्दरी गाउँपालिकामा पर्ने सल्यान्टारको असिन फाँटमा रंगशाला निर्माण गरिने भएको छ ।.....

Categories