धादिङमा डेंगुको सक्रमण बढ्दै-लामखुट्टेको बासस्थान नष्ट गर्ने काम सुरु 

169 पटक पढिएको

प्रकाशित मिति: २१ आश्विन २०७४, शनिबार १२:५९

सम्पादक: Dhading News

dingu-720x510धादिङ,२१ असोज – जिल्ला अस्पताल धादिङले डेंगु नियन्त्रणका लागी सदरमुकाम आसपासमा भएका पुराना टायर संकलन र लामखुट्टेले बासस्थान बनाउने स्थानहरु नष्ट गर्ने काम सुरु गरेको छ ।
यसै क्रममा अस्पतालले सयौं पुराना टायरहरु संकलन गरी त्यसलाई उचित ब्यवस्थापन गन सुरु गरेको छ भने धादिङका स्थानीयहरुलाई सो रोग सम्वन्धि सचेतना दिन सुरु गरेको छ ।
जिल्लामा डेंगु रोगले महामारीको रुप नै लिए पछी जिल्ला स्वास्थ्य कार्यालय धादिङ र सदरमुकाममा रहेको नीलकण् नगरपालिकाले सो कामको सुरुवात गरेको हो । टायरमा जमेको पानी, प्लाष्टिकका बोतलमा जमेको पानी र गमलाहरुमा जमेको सफा पानी एडिस जातको लमखुट्टेको सन्तान जन्माउने उपयुक्त स्थान भएकोले त्यस्ता स्थानहरुहरुलाई तत्काल नष्ट गर्नु पर्ने सुझाव चिकित्सकहरुले दिएका छन ।
यस वर्ष धादिङमा गर्मी अत्याधिक भई रहेकोले पनी लामखुट्टेको बृद्धि भईरहेको स्वास्थ्यकर्मीहरुको भनाई छ ।
विषेश गरी सदरमुकाम धादिङबेसीको बीचबजार र जिल्ला अस्पताल क्षेत्रमा डेंगु गराउने लामखुट्टे अत्याधिक भेटिएको र त्यस क्षेत्रमा विरामीको संख्यापनी धेरै भएका कारण सो क्षेत्रलाई विषेस निगरानीमा राखी स्वास्थ्यकर्मीको सहयोगमा स्थानीयहरुले सरसफाई गर्न थालेको रेडक्रसकर्मी नारायणकुमार श्रेष्ठले वताउनु भयो । चिकित्सकहरुका अनुसार यस क्षेत्रमा ९० प्रतिशत घरहरुका पानी जमेका स्थानहरुमा डेंगु गराउने लामखुट्टेका लार्भाहरु फेला परेको थियो ।
यसै गरी त्यस्ता पानी जमेका स्थानहरुलाई तत्काल सरसफई गरी फोहर जम्मा हुन नदिन समेत जिल्लास्वास्थ्य कार्यालय धादिङले धादिङका स्थानीयहरुलाई आग्रह समेत गरेको छ । यसको बेलैमा नियन्त्रण नगर्ने हो भने थप संक्रमण फैलिने भन्दै सर्वसाधरण त्रसित हुन पुगेका छन ।
जिल्ला अस्पतालमा अहिलेसम्म ३१ जना डेंगु संक्रमीत विरामीहरुको पहिचान गरी थप उपचारका लागी काठमाण्डौ पठाईएको बताईएको छ । यसै गरी जिल्ला अस्पताल धादिङमा डेंगुको प्रारम्भीक परिक्षणका पर्याप्त किट नभएका कारण पनी समस्या आएको स्वास्थ्यकर्मीहरुले बताएका छन् ।


२१ आश्विन २०७४, शनिबार १२:५९ मा प्रकाशित

समाचार

सबै

सुरुङमार्ग निमार्णको ५ स्थानमा सम्भाव्यता अध्ययन

सरकारको १४औं योजनामा प्राथामिकतामा परेको विभिन्न स्थानमार्फत शुरुङमार्ग निमार्ण गर्ने प्रक्रियालाई अघि सारेको छ । ५ स्थान छनौट गरि तत्काल निमार्ण प्रक्रिया अघि बढाउन सम्भाव्यता अध्ययान गर्नेगरि.....

यी हुन् देउवा सरकारले नियुक्त गरेका सात प्रदेश प्रमुख

नेकपा एमाले र माओवादी केन्द्रलाई बाहिरै राखेर सरकारले प्रदेश प्रमुख तोकेको छ । सात प्रदेश प्रमुख मध्ये नेपाली.....

अमेरिकाको न्यूयोर्कमा डम्फु साँझ, घन्कियो म्हेन्दोमाया

अमेरिका-२८५४ औँ खि सोनम ल्होसारको अवसरमा तामाङ सोसाइटी अफ अमेरिका तामाङ सोसाइटी अफ अमेरिका ( टिएसए ) द्धारा डम्फु.....

साक्षरताको नाममा नाटक मञ्चन ,पूर्ण साक्षर जिल्ला धादिङमा ल्याप्चे नै ल्याप्चे

धादिङ माघ २,  । चार बर्ष अघि धादिङ जिल्लालाई निकै तामझामका साथ पूर्ण साक्षर जिल्ला घोषणा गरियो । साक्षर जिल्ला.....

बिद्यालयमा सडक सुरक्षा सम्बन्धी जनचेतनामूलक कार्यक्रम

 सुरक्षित र दिगो यात्रा नेपालको आयोजनामा  नुवाकोटको बेल्कोटगढी नगरपालिका-५ , कोल्पुटार स्थित  महादेव मा.वि. मा.....