लोकतान्त्रिक गठवन्धनको कमाल : तिप्लिङमा १६ जना मृतकको नाममा मतदान !

680 पटक पढिएको

प्रकाशित मिति: १६ मंसिर २०७४, शनिबार १४:३३

सम्पादक: Dhading News

buddhiman-cover धादिङ । धादिङ जिल्लाको रुवी भ्याली गाउँपालिका ४ सेर्तुङको मुक्रावदेवि मावि बोराङमा मृतकको नाममा समेत मतदान भएको छ । वैशाख १२ को विनाशकारी भूकम्प र अन्य कारणले मृत्यु भएकाको नाममा समेत मतदान भएको यो क्षेत्र पूर्व गृहमन्त्री तथा राप्रपाका नेता बुद्धिमान तामाङको घर नजिकै पर्छ ।

उनका भाई डम्बर बहादुर तामाङ क्षेत्र नम्बर २ ‘ख’बाट लोकतान्त्रिक गठवन्धनको तर्फबाट प्रदेश सदस्यका लागि उम्मेदवार छन् । यता बुद्धिमान भने सोही क्षेत्रबाट राप्रपाको समानुपातिक उम्मेदवार छन् । उनीहरुले १७ जना मृतकको नाममा मतदान गरेको खुलेको छ ।

गत मंसिर १० मा सम्पन्न प्रदेश तथा प्रतिनिधी सभा निर्वाचनका क्रममा कुल ८१५ मतदाता रहेको बोराङमा ८०९ जनाले मतदान गरेका छन् । नेपालको इतिहासमै पहिलो पटक ९९.२६ प्रतिशतले मतदान गरेको देखिएको यहाँ राप्रपा र नेपाली कांग्रेसको तालमेल छ ।

नेपाली कांग्रेसबाट प्रतिनिधी सभा सदस्यका लागि दिलमान पाख्रिन उम्मेदवार छन् भने राप्रपा बाट समानुपातिकमा बुद्धिमान तामाङ र प्रदेश सभा उम्मेदवारमा उनका भाइ डम्बर तामाङ उम्मेदवार छन् ।

 


मृतक १७ जना मध्ये १ जनाले आत्म हत्या गरेको भेटिएको छ । अन्य ८ जनाको कालगतिले, र ८ जनाको भूकम्पमा परी मृत्यु भएको हो ।
मतदान अधिकृत होम प्रसाद सिटौलाले कुल ८१५ मतदाता मध्ये ८०९ जनाले मतदान गरेको स्विकार गरे ।

‘हामीले भाषा जान्दैनौँ । उहाँहरुले तामाङ भाषा बोल्नु हुन्छ । को–को आए थाहा भएन । बुद्धिमान तामाङ र डम्बर तामाङ पनि त्यहीँको उम्मेदवार हुनुहुन्छ,’ उनले भने,‘मृतकको नाममा समेत मतदान गरेको भन्ने कुरामा हामी केही जान्दैनौँ । त्यहाँ राप्रपा नै बलियो हो । अरु दलका एजेन्ट पनि आउनु भएको थियो । हामीलाई भन्दा त्यहाँका एजेन्टलाई यो विषयमा जानकारी बढी छ ।’

राप्रपाले इन्द्रमाया तामाङ, कृति तामाङ, चिरचा तामाङ, देमेन तामाङ, ध्यान्जोन तामाङ, नर बहादुर कामी, बखरा तामाङ, मानसिंह तामाङ, म्हेपुङ तामाङ, मैना विक, धोमिनी तामाङ, श्री दुर्गाबहादुर तामाङ लगायत १६ जना मृतकको नाममा मतदान गरेको भेटिएको छ ।
निर्वाचन आयोगले यस विषयमा अनुसन्धान भइरहेको बताएको छ ।


१६ मंसिर २०७४, शनिबार १४:३३ मा प्रकाशित

समाचार

सबै

अवैध बालुवा खानी वन्द गर्न धादिङका प्रजिअको निर्देशन

 धादिङ–अवैधानिक रुपमा सञ्चालन भइरहेका बालुवा धुने उद्योग फिरफिरे यन्त्रलाई दिइँदै आएको विद्युत्त तुरुन्त काट्न स्थानीय प्रशासनले विद्युत्त प्राधिकरणलाई निर्देशन दिएको छ । घरायसी प्रयोजन भनेर.....

सुरुङमार्ग निमार्णको ५ स्थानमा सम्भाव्यता अध्ययन

सरकारको १४औं योजनामा प्राथामिकतामा परेको विभिन्न स्थानमार्फत शुरुङमार्ग निमार्ण गर्ने प्रक्रियालाई अघि.....

यी हुन् देउवा सरकारले नियुक्त गरेका सात प्रदेश प्रमुख

नेकपा एमाले र माओवादी केन्द्रलाई बाहिरै राखेर सरकारले प्रदेश प्रमुख तोकेको छ । सात प्रदेश प्रमुख मध्ये नेपाली.....

अमेरिकाको न्यूयोर्कमा डम्फु साँझ, घन्कियो म्हेन्दोमाया

अमेरिका-२८५४ औँ खि सोनम ल्होसारको अवसरमा तामाङ सोसाइटी अफ अमेरिका तामाङ सोसाइटी अफ अमेरिका ( टिएसए ) द्धारा डम्फु.....

साक्षरताको नाममा नाटक मञ्चन ,पूर्ण साक्षर जिल्ला धादिङमा ल्याप्चे नै ल्याप्चे

धादिङ माघ २,  । चार बर्ष अघि धादिङ जिल्लालाई निकै तामझामका साथ पूर्ण साक्षर जिल्ला घोषणा गरियो । साक्षर जिल्ला.....