शेयर बजारमा एकाएक चमक

649 पटक पढिएको

प्रकाशित मिति: १० बैशाख २०७५, सोमबार ११:३९

सम्पादक: Dhading News

-दिपक सिम्खडा

नयाँ बर्ष ०७५ लागेपछि साता दिनको सेयर कारोबारमा लगानीकर्ताको सम्पत्ति एक खर्ब ८६ अर्बले बढेको छ । यसबीचमा नेप्से १५८ अंकले बढेर १४३८ अंकमा पुगेको छ भने समग्र बजार पूँजीकरण १६ खर्ब ८७ अर्ब रुपैयाँ पुगेको छ । पछिल्लो तीन दिन लगातार एक अर्ब बढीको कारोबार भएको छ .

अरुण काबेली पावर, एनएमबि माइक्रोफाइनान्स वित्तीय संस्था, राष्ट्रिय बीमा कम्पनी र राष्ट्रिय बीमा कम्पनीको प्रमोटर शेयरको मूल्य दश प्रतिशतले बढेको छ ।राधी हाइडोपावर डेभलपमेन्ट र न्यादी गुप्र पावर रहेको सेयरमूल्य सबैभन्दा धेरै घटेको छ । उच्च कारोबार गर्ने कम्पनीमा कुमारी बैंक अग्रपक्तिमा रहेको छ । नयाँ वर्षको सुरुवात अनि तेस्रो त्रैमासको समाप्तिसँगै पुँजी बजारले नयाँ मोड लिएको छ । लगातार बजार घट्दा आहात भएकाहरुलाई नयाँ वर्षको सुरुवातमै निकै ठूलो राहत मिलेको छ । बजारमा एकाएक बहार आउन थालेपछि नयाँ वर्षको पहिलो ६ दिनको कारोबारमै नेप्से सूचक कुल १६०.९४ अंकले माथि गएको छ । लामो समयपछि कारोबार रकम पनि अर्ब भन्दा माथि जान थालेको छ । सूचकसँगै कारोबार रकममा पनि व्यापकता आउँदा थप आशा गर्ने ठाउँ भेटिएको हो ।
यसअघि दैनिक औसत २५ देखि ३० करोड हाराहारीमा सेयर कारोबार हुने गरेकामा अहिले अर्बभन्दा माथि कारोबार हुन थालेको छ । नयाँ वर्ष पछिको ६ दिनमा कुल ५ अर्ब ३१ करोड ९२ लाख ६० हजार ७३६ रुपैयाँ बराबरको सेयर खरिदबिक्री भएको देखिन्छ । ६ दिनमा भएको यति धेरै कारोबारले यसअघि भनिंदै आएको तरलता हाहकारको अवस्थालाई पनि चुनौती दिएको छ।
२०७५ सालको पहिलो कारोबार दिन (वैशाख २ गते) देखि सेमी अनलाइन प्रणाली कार्यान्वयनमा आएको छ । यस्तै, पूर्ण अनलाइनको काम पनि सक्ने तयारी हुँदैछ । यसले क्रमशः बजार प्रविधिमैत्री बन्दैछ भन्ने संकेत गर्दछ । लगानीकर्तालाई यी पक्षले पनि केही सकारात्मक बनाएको हुन सक्छ ।
यसैगरी, अब विस्तारै विकास निर्माणका कामले गति लिने भएकाले पनि बजारमा पैसा सहज हुने देखिन्छ । कारोबार रकमले अहिले जसरी नै निरन्तर साथ दिंदै गएमा बजारको वृद्धि टिकाउ हुने विश्वास गर्न सकिन्छ । बजारमा बैंक ब्याजदर र अधिक आपूर्तिको मार भने अझै बाँकी छ ।
तर बढेका बेला तरलता अभाव र अधिक आपूर्तिको पनि समस्या नहुने रहेछ भन्ने यसपटक बजारले सन्देश दिएको छ । बैंक ब्याजदर नघटे पनि सेयर कारोबार गर्नबाट लगानीकर्ता पछि हटेका देखिंदैन ।
-सिम्खडा प्रभु बैंक लि.केन्द्रिय कार्यालयमा कार्यरत हुनुहुन्छ ।


धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो ।

१० बैशाख २०७५, सोमबार ११:३९ मा प्रकाशित

समाचार

सबै

आहालेमा निर्माण भएको सामुदायिक भबन हस्तान्तरण

त्रिपुरासुन्दरी -धादिङको त्रिपुरासुन्दरी गाउँपालिका वडा नम्बर ३ आहालेमा निर्माण सम्पन्न भएको सामुदायिक भबन समुदायलाई हस्तान्तरण गरिएको छ । सामुदायिक कार्यका लागि गर्नुपर्ने भेला, छलफल, बैठक बस्न सजिलो.....

कांग्रेस नेता शिवराम भण्डारी सहित ११ जुवाडे पक्राउ

काठमाडौँ २७ असोज,। प्रहरीले काठमाडौंको एक जुवा खालमा छापा मारी नेपाली कांग्रेसका नेता शिवराम भण्डारीसहित ११.....

कपुरगाउँमा बल्यो विजुली, खुसीयालीमा नाचे गाउँबासी

कपुरगाउँ , २७ असोज - धादिङ जिल्लाकै विकटमा रहेको रुवीभ्याली गाउँपालिकाको कपुरगाउँमा विजुली बलेपछि गाउँवासीले.....

नलाङका महिलाले दशैंमा खसी बेचेर कमाए दुईकरोड पचास लाख

धादिङ , २७ असोज - सहकारी मार्फत आयआर्जनका लागि व्यवसायिक बाख्रापालन शुरु गरेका धादिङ सिद्धलेक गाउँपालिकाका.....

ब्रुसबाङका चेपाङलाई दशैंमा खाद्यान्न सहयोग

ब्रुसबाङ- दक्षिणी धादिङको विकटमा बसोबास गर्दै आएका अति विपन्न चेपाङ समुदायलाई खाद्यान्न सहयोग गरिएको छ.....

Categories