घर बाहिर जुत्ता चप्पल खोल्नुहोस,मोटोपन घटाउनुस

659 पटक पढिएको

प्रकाशित मिति: १८ जेष्ठ २०७५, शुक्रबार ०६:२४

सम्पादक: Dhading News

घरभित्र प्रवेश गर्नुअघि जुत्ता चप्पल फुकाल्नाले स्लिम बन्न सहयोग गर्ने एक अध्ययनले सुझाएको छ । यसरी जुत्ता बाहिर फुकाल्दा हर्मोन परिवर्तन गर्न सक्रिय हुने रसायनहरू घरभित्र प्रवेश गर्न नपाउने पोर्चुगलस्थित युनिभर्सिटी अफ एभियोरो र युनिभर्सिटी अफ बेरा इण्टेरियरका अनुसन्धानकर्ताहरूले गरेको अध्ययनले देखाएको हो । हाल विश्वमा मोटोपन जटिल समस्या बनिरहेको छ भने युवा तथा साना बालबालिका यसको चपेटामा बढी आएका छन् ।

हाम्रो शरीररले फ्याट स्टोर गर्ने र प्रशोधन गर्ने प्रक्रियामा हस्तक्षेप गर्ने ‘ओबेसोजेन्स’ नामक रसायन नै मोटपन बढ्नुको प्रमुख कारण रहेको अध्ययनमा भनिएको छ । हामीले खाने खाना, घरभित्रको धूलो, कस्मेटिक्स, भान्सामा प्रयोग गरिने सामान र दैनिकजसो प्रयोगमा आउने सरसफाइसम्बन्धी रसायन नै ओबेरोजेन्सको प्रमुख स्रोत रहेको बताइएको छ । ‘ओबेसोजेन्स हाम्रो खानामा केही कीटनाशक र आर्टिफिशियल स्विट्नरमा पनि पाइन्छ,’ युनिभर्सिटी अफ लिस्बनकी एना काटारिना सोउसाले भनेकी छन् ।

त्यसैगरी, यस्तो तत्त्व प्लाष्टिक र घरायसी उत्पादनमा पनि पाइन्छ । मोटोपन रोक्न घरबाहिर जुत्ता फुकाल्न र दैनिक रूपमा घर सफा गरेर धूलो टिक्न नदिन अनुसन्धानकर्ताले सुझाएका छन् । त्यस्तै, प्रशोधित र प्याकेटका खानाभन्दा ताजा खाना रोज्न पनि उनीहरूले सल्लाह दिएका छन् । मोटोपन बढाउन ओबेसोजेन्सको केकस्तो योगदान हुन्छ भन्नेबारे थप अध्ययन गर्न आवश्यक रहेको पनि उनीहरूको भनाइ छ । एक वयस्कले दैनिक ५० मिलिग्राम धूलो खाइरहेका हुन्छन् भने बालबालिकाले त्योभन्दा दोब्बर गुणा धूलो खाने गरेका छन् । त्यसैले घर सफा राख्नु एउटा प्रभावकारी उपाय हो । घर सफा राख्न कुनै रसायनयुक्त उत्पादनको प्रयोग गर्नुभन्दा चिसो कपडाको प्रयोग गर्नु राम्रो भएको पनि अध्ययनमा सुझाइएको छ । रासस/पीटीआई



धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो ।

१८ जेष्ठ २०७५, शुक्रबार ०६:२४ मा प्रकाशित

समाचार

सबै

बूढीगण्डकी प्रभावितद्धारा आन्दोलनको घोषणा

धादिङ । बुढीगण्डकी जलविद्युत आयोजनाको डुबानमा पर्ने बजार क्षेत्रको मुआब्जा निर्धारण नगरेको भन्दै प्रभावित क्षेत्रका स्थानीयबासीको आन्दोलनलाई जनप्रतिनिधिहरुले समर्थन जनाएका छन् । प्रभावित क्षेत्रका.....

स्कुटर चोरेर बिक्री गर्ने चार जना धादिङबाट पक्राउ

धादिङ,२९ कात्तिक । स्कुटर चोरी  गरि बिक्री गर्ने कार्यमा संलग्न रहेका चार जना लाई धादिङ प्रहरीले पक्राउ गरि.....

Vacancy Announcement

Published Date:  25 Kartik  2076 Dhading Chamber of Commerce and Industry and Mott MacDonald  has been  implementing a DFID-funded Post-earthquake recovery project (Purnima) in Dhading Districts. The program aims to create long-term positive change in the lives of people in.....

बुद्धिमान तामाङलाई राप्रपाको कार्यवाहक अध्यक्षको जिम्मेवारी

काठमाण्डौं -वरिष्ठ उपाध्यक्ष बुद्धिमान तामाङलाई कार्यवाहक अध्यक्षको जिम्मेवारी दिएर राष्ट्रिय प्रजातन्त्र.....

बूढीगण्डकी आयोजनाले बाँड्यो २७ अर्ब ८० करोड मुआब्जा

धादिङ-बूढीगण्डकी जलविद्युत् आयोजनाले डुबान क्षेत्रमा पर्ने बासिन्दालाई रु २७ अर्ब ८० करोड मुआब्जा वितरण.....

Categories