यस वर्षको मनसुन सुरु,सतर्क रहन अपिल

649 पटक पढिएको

प्रकाशित मिति: २६ जेष्ठ २०७५, शनिबार ११:१५

सम्पादक: Dhading News

काठमाडौं- यस वर्षको मनसुन शुक्रबारबाट सुरु भएको छ । गत वर्ष भन्दा चार दिनअघि नै पूर्वबाट मनसुन नेपाल प्रवेश गरेको हो ।

यसपटक मनसुन १ सय १५ दिनसम्म सक्रिय हुने मौसमविद् सुवास रिमालले  जानकारी दिए । मनसुन ओक्टोबरको पहिलो सातासम्म कायम रहनेछ । नेपालमा सामान्यतया १० जुनमा मनसुन प्रवेश गरी २३ सेप्टेम्बरमा सकिन्छ ।

बंगालको खाडीबाट जलवाष्पयुक्त हावा पूर्वबाट पश्चिमतिर बहन थालेको मौसमविद् रिमालले बताए । देशैभर मनसुन सक्रिय हुन एक सातासम्म लाग्ने उनको भनाइ छ।

नेपालमा मनसुन पूर्वी नेपालबाट प्रवेश गरी पश्चिम नेपालसम्म पुग्छ । मनसुनको अन्त्य पश्चिम नेपाल हुँदै पुनः पूर्वी नेपाल पुगी अन्त्य हुन्छ। नेपालमा मनसुनका वेला ८० प्रतिशतसम्म वर्षा हुन्छ । बाँकी अन्य समयमा पर्ने गर्छ ।

यसपटक मनसुनसंगै उच्च जोखिम रहेकाले सबैलाई सचेत रहन मौसम विभागले अपिल गरेकाे छ । बाढीपहिरोबाट ठूलो क्षति हुन सक्ने भएकाले त्यसको न्यूनीकरण गर्न सरकारी संयन्त्रको सार्थक पहल जरुरी रहेको मौसम विभागका महानिर्देशक ऋषिराम शर्माले बताए ।

सरकार र विभिन्न गैरसरकारी संस्थाले विपद् जोखिम न्यूनीकरण तथा पूर्वतयारीको काम प्रभावकारी रूपमा अघि बढाउन नसक्दा मनसुनको समयमा विपद्ले भयावह रूप लिने गरेको छ । विपद्बाट वर्षेनी औसतमा ६ सय जनाको मृत्यु हुने गरेको गृह मन्त्रालयको तथ्यांक छ ।

-नेपाल समय डट कमबाट


धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो ।

२६ जेष्ठ २०७५, शनिबार ११:१५ मा प्रकाशित

समाचार

सबै

ब्रुसबाङका चेपाङलाई दशैंमा खाद्यान्न सहयोग

ब्रुसबाङ- दक्षिणी धादिङको विकटमा बसोबास गर्दै आएका अति विपन्न चेपाङ समुदायलाई खाद्यान्न सहयोग गरिएको छ । लायन्स क्लब नेपाल हाईलाईटको आयोजना मा धादिङको वेनिघाट रोराङ गाउँपालिका वडा नम्बर २ मा पर्ने.....

औषधिको राजा पिपलको पात

हाम्रो घर वरपर कतिपय प्राकृतिक बनस्पति उम्रिरहेका हुन्छन, तर चिन्न न सकेर व्यर्थ त्यसलाई नास पार्दै जान्छौ ।.....

कार्तिक १ देखि देशभरका सामुदायिक विद्यालयमा निःशुल्क स्यानिटरी प्याड

धादिङ। सरकारले आगामी १ कात्तिकदेखि देशैभरका सामुदायिक विद्यालयमा निःशुल्क स्यानिटरी प्याड उपलब्ध गराउने.....

खेस्टेखोलामा माइक्रो र मोटरसाइकल ठोक्किंदा रामकृष्ण भट्टको मृत्यु

धादिङ ,२४ असोज, । धादिङको गल्छी गाउँपालिका–७ मा पर्ने पृथ्वीराजमार्गको खेस्टेखोलामा माइक्रोबस र मोटरसाइकल एक.....

झुटो समाचार लेखाएर चरित्र हत्या गर्न खोजियो -सांसद लोहनी

धादिङ १८ असोज । धादिङ जिल्ला निर्वाचन क्षेत्र नम्बर २ का प्रतिनिधि सभा सदस्य एवम नेपाल कम्युनिष्ट पार्टी.....

Categories