कर्मचारी समायोजन गर्न स्थानीय तहबाट कर्मचारीको विवरण माग

225 पटक पढिएको

प्रकाशित मिति: २५ भाद्र २०७५, सोमबार २०:४३

सम्पादक: Dhading News

काठमाडौँ: सङ्घीय मामिला तथा सामान्य प्रशासन मन्त्रालयले कर्मचारी समायोजन गर्नका लागि स्थानीय तहका स्थायी कर्मचारीको विवरण माग गरेको छ ।

मन्त्रालयका प्रवक्ता सुरेश अधिकारीले सङ्घ, प्रदेश र स्थानीय तहमा कर्मचारी समायोजन गर्नका लागि सबै स्थानीय तहको स्थायी कर्मचारीको विवरण पाँच दिनभित्रमा उपलब्ध गराउन निर्देशन दिइएको बताउनुभयो ।

स्थानीय तहमा रहेका स्थायी कर्मचारीका आधारमा समायोजन गर्ने भएकाले दरबन्दी उपलब्ध गराउन भनिएको छ । मन्त्रालयले तीनै तहका कर्मचारी पुससम्म समायोजन गर्नका लागि ‘कर्मचारी समायोजन ऐन २०७४’ ल्याएको छ ।

प्रवक्ता अधिकारीले सङ्घीय निजामती सेवा ऐन २०७५ आउने बित्तिकै समायोजनको काम शुरु गर्ने जानकारी दिनुभयो । “कतिपय समायोजनका कुरा ऐनमा समेत रहेको छ”, उहाँले भन्नुभयो, “उक्त ऐन संसद्बाट पारित हुनेबित्तिकै हामीले समायोजनको काम शुरु गर्दछाँै ।”

ऐनको दफा १४ को (१) मा ‘यस ऐन प्रारम्भ हुँदाका बखत स्थानीय तहमा कार्यरत स्थायी कर्मचारी सम्बन्धित स्थानीय तहमा स्वतः समायोजन भएको मानिने छ’ भनेर उल्लेख रहेको छ । प्रवक्ता अधिकारीले उक्त स्थायी सङ्ख्याको आधारमा कति कर्मचारी आवश्यक पर्दछ भनेर दरबन्दी माग गरिएको बताउनुभयो ।

सङ्गठन तथा व्यवस्थापन सर्वेक्षण समितिले सङ्घमा ४५ हजार ८१५, प्रदेशमा १६ हजार ५७० र स्थानीय तहको ५७ हजार ६९० कर्मचारीको दरबन्दी छुट्याइएअनुसार समायोजन गर्ने मन्त्रालयको तयारी छ ।



धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो ।

२५ भाद्र २०७५, सोमबार २०:४३ मा प्रकाशित

समाचार

सबै

बढ्यो सामाजिक सुरक्षा भत्ता

काठमाडौं । सरकारले बृद्ध भत्ता बढाएको छ । बढेको भत्ता अव कार्यान्वयनमा समेत आएको छ । सरकारले चालु आर्थिक वर्ष २०७६–७७ को बजेटमा घोषणा गरेअनुसार ज्येष्ठ नागरिकदेखि सबै शीर्षकका सामाजिक सुरक्षा भत्ता बढाएको.....

पहिरोले भत्काएको दुई महिनापछि स्याफ्रु–मैलुङ सडक मर्मतकार्य शुरू

भदौ २९, रसुवा । पहिरोका कारण गत असार महीनाबाट अवरुद्ध स्याफ्रु–मैलुङ खण्डको नयाँ राजमार्ग शनिवारबाट मर्मतकार्य.....

धादिङमा यसरी मनाइँदैछ संविधान दिवस

धादिङबेसी । धादिङमा यस बर्षको संविधान दिवस विभिन्न कार्यक्रमका साथ भव्य तरिकाले मनाइने भएको छ । २०७६ सालको.....

कालुपाण्डेमार्गमा बस दुर्घटना, १० जना घाइते

धादिङ २७ भदौ - धादिङको सिद्धलेक गाउँपालिका वडा नम्बर - ६,मा पर्ने मुक्तिनाथ मन्दिर नजिकै कालुपाण्डे मार्गमा.....

धादिङ अस्पताललाई प्रदेश सरकारको एक करोड २५ लाख अनुदान

धादिङ, २८ भदौ - प्रदेश नं ३ सरकारले धादिङ जिल्ला अस्पतालकाका साथै ३ नम्बर प्रदेशका आठ वटा सरकारी अस्पतालको सेवा.....

Categories