मलेसियामा विषाक्त रक्सी सेवनका कारण धादिङका विवश घले सहित ६ जना नेपालीको मृत्यु

1569 पटक पढिएको

प्रकाशित मिति: ३ आश्विन २०७५, बुधबार ११:०८

सम्पादक: Dhading News

धादिङ । मलेसियामा विषाक्त रक्सी सेवनका कारण १९ जनाको मृत्यु भएको छ । मृत्यु हुनेमा ६ जना नेपाली रहेको मलेसियास्थित नेपाली दुतावासले जनाएको छ । ती मध्ये एक जना धादिङका रहेका छन् । ज्यान गुमाउने ६ जना नेपालीको सनाखत भएको छ ।मलेसियाको क्वालाम्पुरस्थित नेपाली दुतावासका अनुसार ६ जना नेपालीको पहिचान भएको छ । मृत्यु हुनेहरुमा धादिङ गंगाजमुना गाउँपालिका ६ (बसेरी–३ ) का विवश घले भनिने मिम बहादुर घले, मसिना–६, रुपन्देहीका राम कुमार यादव, अमरगढी–५ डडेलधुराका विशाल बुढाथोकी, पश्चिम कुशाहा– ९, सुनसरीका सञ्जय उराव, सिद्धिथुम्का–९ इलामका बलबहादुर कुलुङ र ठेगाना नखुलेका आइतसिंह गोले रहेका छन् । १६ जना नेपाली बिरामी रहेको र उनीहरुको मलेसियाको विभिन्न अस्पतालमा उपचार भैरहेको छ ।
उपचारका लागि अस्पताल भर्ना गरिएका मध्ये सनगाइ बुलह अस्पतालमा ५ जनाको निधन भएकाे छ भने ९ जनाको उपचार भैरहेकाे छ । त्यस्तै कजाङ अस्पतालमा १ जनाको ज्यान गएको छ भने ५ जनाकाे उपचार भैरहेकाे छ । बन्टाङ, अम्पाङ र क्लाङ अस्पतालमा १/१ जना गरी तीन जना नेपालीकाे उपचार भैरहेकाे छ ।

मलेसियाको स्वास्थ्य मन्त्रालयका अनुसार मंगलबार बेलुकासम्म बिरामी पर्नेको संख्या ५१ पुगेको छ । बिरामीमध्ये तीन जना मलेसियाली नागरिक छन् भने बाँकी नेपाल, म्यानमार, बंगलादेश र भारतका नागरिक रहेका छन् । मलेसियाका स्वास्थ्य विभागका निर्देशक डाक्टर नूर हिशाम अब्दुल्लाहका अनुसार अहिलेसम्म मृत्यु हुनेको संख्या १९ पुगेको छ । १४ जनाको अवस्था गम्भीर रहेको छ ।

बिरामी परेको भनिएकाहरुले कडा रक्सी पिएको त्यहाँको स्वास्थ्य मन्त्रालयले जनाएको छ । निर्देशक डाक्टर नूरका अनुसार त्यहाँको स्वास्थ्य विभाग र प्रदेशले गरेको अनुसन्धानमा बिरामीले क्वालालम्पुर सेलांगोर क्षेत्रबाट कडा खालको ‘मन्डालय ह्विस्की, किंगफिसर बियर र ग्राण्ड रोयल ह्विस्की किनेका थिए ।

मलेसिया क्वलालम्पुर क्षेत्रका विभिन्न उद्योग कलकारखानामा काम गर्ने मजदुरहरुले सोमबार सार्वजनिक बिदाको मौकामा रक्सी सेवन गरेका थिए । विषाक्त रक्सीका कारण ‘मेथानोल पोइजनिङ’ भएको र श्वासप्रश्वासमा समस्या, पेट दुख्ने, वान्ता हुने, टाउको दुख्ने, रिँगटा लाग्ने लगायतका समस्या देखिएका छन् ।



धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो ।

३ आश्विन २०७५, बुधबार ११:०८ मा प्रकाशित

समाचार

सबै

दुई लाख बढीको कारोवारमा चेक काट्नु नपर्ने

काठमाडौं । तपाईंले चेकमार्फत कारोवार गर्दै हुनुहुन्छ ? यदि हुनुहुन्छ भने अब तपाईंले चेक नकाटे पनि हुने भएको छ । नेपाल राष्ट्र बैंकले सञ्चालनमा ल्याएको रियल टाइम ग्रस पेमेन्ट सिस्टम (आरटिजिएस) ले तपाईंलाई.....

अख्तियारमा धादिङका धेरै उजुरी

- केशव अधिकारी धादिङ,२९ भदौ - अख्तियार दुरुपयोग अनुसन्धान आयोगले धादिङका स्थानीय तहका जनप्रतिनिधि र कर्मचारीलाई.....

बढ्यो सामाजिक सुरक्षा भत्ता

काठमाडौं । सरकारले बृद्ध भत्ता बढाएको छ । बढेको भत्ता अव कार्यान्वयनमा समेत आएको छ । सरकारले चालु आर्थिक वर्ष.....

पहिरोले भत्काएको दुई महिनापछि स्याफ्रु–मैलुङ सडक मर्मतकार्य शुरू

भदौ २९, रसुवा । पहिरोका कारण गत असार महीनाबाट अवरुद्ध स्याफ्रु–मैलुङ खण्डको नयाँ राजमार्ग शनिवारबाट मर्मतकार्य.....

धादिङमा यसरी मनाइँदैछ संविधान दिवस

धादिङबेसी । धादिङमा यस बर्षको संविधान दिवस विभिन्न कार्यक्रमका साथ भव्य तरिकाले मनाइने भएको छ । २०७६ सालको.....

Categories