धादिङको पान्साङपासका साथै प्रदेश ३ का १० स्थानमा भ्यु टावर बन्दै

1138 पटक पढिएको

प्रकाशित मिति: १५ आश्विन २०७५, सोमबार ०६:३०

सम्पादक: Dhading News

 

 

प्रदेश ३ को उद्योग, पर्यटन, वन तथा वातावरण मन्त्रालयका अनुसार धादिङको रुबीभ्याली सिन्धुपाल्चोकको मुडे, दोलखाको जिरी, रामेछापको शिवालय, मकवानपुरको दामन, चित्लाङ कुलेखानी, ललितपुरको कालेश्वर, नुवाकोटको ककनी,  र रसुवाको सोम्दाङमा भ्यूटावर बन्नेछन् । त्यसैगरी, सिन्धुलीको सिन्धुलीगढी र खुर्कोटमा पनि भ्यूटावर बनाउने प्रदेश सरकारको योजना छ ।

प्रदेश ३ का उद्योग, पर्यटन, वन तथा वातावरण मन्त्री अरुण नेपालले १३ जिल्लालाई लक्षित गर्दै १० भ्यूटावर निर्माण गर्न लागिएको जानकारी दिए । मन्त्री नेपालका अनुसार प्रत्येक स्टेसन निर्माणमा ३ करोड खर्च हुने अनुमान छ । यस हिसाबले १० भ्यूटावर निर्माणको लागत ३० करोड हुन्छ ।

पर्यटकहरूलाई लक्षित गरेर धादिङको रुवीभ्याली गाउँपालिकाको पान्साङपासमा  भ्युटावर निर्माण गर्न लागिएको हो । । पान्साङपास समुद्री सतहबाट ३ हजार ८ सय ५० मिटर उचाइमा रहेको छ भने भ्यू टावर निर्माण लागिएको पान्साङको डाँडा भने ४२ सय मिटर उचाइमा रहेको छ ।  धादिङको सुदुर उत्तरमा रहेको रुवीभ्याली गाउँपालिका गणेश हिमालको फेदीमा रहेको वस्ती हो । गल्छी रसुवागढी स्याफ्रुबेंसी सोमदाङसम्म आठ घन्टाको मोटर यात्रापछि पान्साङ पुग्न सकिन्छ ।

धादिङ जिल्लाको उत्तरी क्षेत्र हुँदै छिमेकी देश चीनको सिमानासम्ममा पर्यटनको अपार सम्भावना रहेको यस क्षेत्रमा पर्यटन प्रवद्र्धनका कार्यक्रम सञ्चालन गर्न प्रदेश सरकारले तत्परता देखाएको हो ।

प्रदेश ३ का मुख्यमन्त्री डोरमणि पौडेलले प्रदेशका १० वटा स्थानमा हिल स्टेशन विकास गर्न प्रदेश सरकारले योजना सुरु गरिसकेको बताए । पर्यटकीय क्षेत्रको सम्भावना रहेका क्षेत्रहरुमा सरकारले मात्र नभएर स्थानीय तह तथा स्थानीयबासीहरुले पनि सहयोग गर्नुपर्ने उनको भनाइ छ ।

पर्यटन विकासको गुरुयोजनाभित्र २० वर्षअघि स्थापना भएको मैत्री बगैँचा पनि छ । बगैँचा व्यवस्थापनका लागि प्रदेश सरकारले २५ लाख र भिमफेदी गाउँपालिकाले २० लाख रुपैयाँ लगानी गर्ने निर्णय गरिसकेको छ ।



धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो ।

१५ आश्विन २०७५, सोमबार ०६:३० मा प्रकाशित

समाचार

सबै

गल्छीबाट हेटौंडा जोड्ने छोटो सडकको खोजि

केशव अधिकारी  धादिङ- नुवाकोट र रसुवा जिल्लाबाट बागमती प्रदेश राजधानी हेटौंडा जोड्ने छोटो दुरीको सडक निर्माणका लागि प्रारम्भिक सर्वेक्षण गरिएको छ । वैकल्पिक राजमार्गको रुपमा समेत ल्याउन सकिनेगरी पहिचान.....

शुक्रवार देखि धादिङबेसीमा सातौँ धादिङ महोत्सव शुरु

धादिङ, -शुक्रवार देखि धादिङको सदरमुकाम धादिङबेसीमा सातौँ धादिङ महोत्सव शुरु भएको छ । शुक्रवार देखि.....

चाम्बासमा दुर्घटना, नायिका महिमा सिलवालको मृत्यु

धादिङ- बुधबार साँझ धादिङको गजुरी गाउँपालिका वडा नम्बर २ चाम्बास स्थित पृथ्वीराजमार्गमा भएको दुर्घटनामा परि .....

शुक्रवार देखि धादिङबेसीमा सातौं धादिङ महोत्सव

धादिङबेसी- सातौं धादिङ महोत्सव फागुन २ गते शुक्रवार देखि धादिङबेसीमा शुरु हुंदैछ । धादिङ उद्योग वाणिज्य संघको.....

रुबीभ्याली र गंगाजमुना सन २०२२ भित्र सफा गाउँ हुने

धादिङ- धादिङको उत्तरी भेगमा पर्ने रुबीभ्याली गाउँपालिकाले सन २०२१ भित्र र गंगाजमुना गाउँपालिकाले सन् २०२२.....

Categories