नागढुङगा-नौविसे सुरुङमार्ग निर्माणका लागि ६ कम्पनीको आवेदन

555 पटक पढिएको

प्रकाशित मिति: ११ कार्तिक २०७५, आईतवार ०६:४५

सम्पादक: Dhading News

 

 

– धादिङ न्यूज समाचारदाता

धादिङ : राजधानी प्रवेश गर्ने मुख्य नाका नागढुंगाको सवारी चापलाई कम गर्न बर्षौ देखि चर्चामा रहेको तर निर्माण कार्य अघि बढ्न नसकेको बहुचर्चित नागढुङगा-नौविसे सुरुङमार्ग निर्माण कार्य अघि बढ्ने भएको छ । सो सुरुङ मार्ग  निर्माण गर्न ६ वटा कम्पनीले आवेदन दिएका छन् ।

महाशाखाले साउनमा पहिलो पटक ६० दिने ग्लोवल टेण्डर निकाल्दा कुनै पनि कम्पनीले आवेदन नदिएपछि १५ दिन थपिएको म्यादमा ६ को आवदेन परेको हो ।

सुरुङमार्ग निर्माण गर्नका लागि सडक विभाग अन्तर्गतको वैदेशिक सहायता कार्यान्वयन महाशाखाले ग्लोवल टेण्डरमा आवेदन मागेको थियो जसमा चिनियाँ पाँच कम्पनी र एउटा जापानिज कम्पनीले आवेदन दिएका छन्।

४५ कम्पनीले वोलपत्र खरिद गरेपनि ६ वटाले मात्र आवेदन पेश गरेको महाशाखाले जनाएको छ ।

आगामी जनवरीसम्ममा छनोट प्रक्रिया सकेर निर्माणको कामै सुरु गर्ने महाशाखाको तयारी रहेको र छनोट हुने कम्पनीले तीन बर्षमा सुरुङमार्ग निर्माण सक्नुपर्ने उल्लेख छ ।

सुरुङमार्ग नागढुङगा-नौविसे सडक खण्ड अन्तर्गतको नेपाल आयल निगमको डिपो (थानकोट) नजिकैको बस्नेतछापदेखि सिस्नेखोला २.७ किलोमिटर लामो सुरुङमार्ग निर्माण हुनेछ। सुरुमार्गको पुर्वीद्धार नागढुङगो फेदीमा पर्ने बस्नेतछापमा रहनेछ भने पश्चिमद्धार सिस्नेखोलामा रहनेछ।

थानकोटदेखि सुरुङमार्गको पुर्वीद्धार बस्नेतछापसम्म २.६ किमी पहुचमार्ग निर्माण हुनेछ। सुरुङमार्गले नागढुङगाबाट घुमेर जाने बाटोमा लाग्ने ८ किमी बाटो छोट्याउने छ।

डिपिआर अनुसार सुरुङमार्ग ९.५ मिटरको चौडार्इको हुने छ। सुरुङमार्ग तीन लेनको हुनेछ। जसमा ३.५/३.५ मिटरका सवारीसाधन आउन र जानका लागि दुर्इ वटा लेन हुनेछ। बीचमा साढे दुर्इ मिटरको सहायक लेन रहने छ। यसको लागत २२ अर्व लाग्ने प्रारम्भिक अनुमान रहेको छ । जसमा १६ अर्व रुपैयाँ जापानिज सरकारको सहुलियत ऋण र ६ अर्व नेपाल सरकारको हुनेछ।

जापान अन्तराष्ट्रिय सहयोग नियोग (जाइका) को आर्थिक सहयोगमा जापानको निप्पन इन्जिनियरिङ कन्सल्ट्याण्टले सुरुङमार्गको विस्तृत परियोजना प्रतिवेदन (डिपिआर) तयार पारेको यो सुरुङमार्ग सन् २०२२ सम्ममा निर्माण सक्ने लक्ष्य लिर्इएको छ।

नेपाल तारा डट कमको सहयोगमा



धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो ।

११ कार्तिक २०७५, आईतवार ०६:४५ मा प्रकाशित

समाचार

सबै

गल्छीबाट हेटौंडा जोड्ने छोटो सडकको खोजि

केशव अधिकारी  धादिङ- नुवाकोट र रसुवा जिल्लाबाट बागमती प्रदेश राजधानी हेटौंडा जोड्ने छोटो दुरीको सडक निर्माणका लागि प्रारम्भिक सर्वेक्षण गरिएको छ । वैकल्पिक राजमार्गको रुपमा समेत ल्याउन सकिनेगरी पहिचान.....

शुक्रवार देखि धादिङबेसीमा सातौँ धादिङ महोत्सव शुरु

धादिङ, -शुक्रवार देखि धादिङको सदरमुकाम धादिङबेसीमा सातौँ धादिङ महोत्सव शुरु भएको छ । शुक्रवार देखि.....

चाम्बासमा दुर्घटना, नायिका महिमा सिलवालको मृत्यु

धादिङ- बुधबार साँझ धादिङको गजुरी गाउँपालिका वडा नम्बर २ चाम्बास स्थित पृथ्वीराजमार्गमा भएको दुर्घटनामा परि .....

शुक्रवार देखि धादिङबेसीमा सातौं धादिङ महोत्सव

धादिङबेसी- सातौं धादिङ महोत्सव फागुन २ गते शुक्रवार देखि धादिङबेसीमा शुरु हुंदैछ । धादिङ उद्योग वाणिज्य संघको.....

रुबीभ्याली र गंगाजमुना सन २०२२ भित्र सफा गाउँ हुने

धादिङ- धादिङको उत्तरी भेगमा पर्ने रुबीभ्याली गाउँपालिकाले सन २०२१ भित्र र गंगाजमुना गाउँपालिकाले सन् २०२२.....

Categories

Above Footer Ad