धादिङ अस्पतालको चरम लापरवाही : एचआईभी सर्ने डरले डाक्टरले गरेनन् पोस्टमार्टम

795 पटक पढिएको

प्रकाशित मिति: २५ कार्तिक २०७५, आईतवार १०:०४

सम्पादक: Dhading News

धादिङ,२५  कात्तिक – एचआईभी संक्रमित महिलाले विष सेवनबाट आत्महत्या गरेपछि उनको पोस्टमार्टम गर्न जिल्ला अस्पतालका डाक्टारले इन्कार गरेका छन् ।

अवश्यक उपकरण र पोस्टमार्टम गर्दा लगाउने सुरक्षा दिने किसिमको कपडालगायतका सामाग्री नभएकोले शिक्षण अस्पतालमा प्रेषण गरिएका डाक्टर पुष्कर पन्तले संचारकर्मीहरुसँग आक्रोसित हुँदै भन्नुभयो ‘म गर्न सक्दिन भनेपछि किन धेरै सोधिखोजी गर्न आएको ? एचआईभी संक्रमित भएकोले मलाई सर्ने खतरा हुन्छ त्यसैले शिक्षण अस्पतालमा रिफर गरिएको हो ।’

जिल्ला अस्पताल धादिङमा छुट्टै शव गृह नभएको र लास राखिने चिस्यान केन्द्र (फ्रीज) नभएकोले लामो समय राखिने शवका कारण दूर्गन्ध फैलिने गरेको छ ।

नीलकण्ठ नगरपालिका वडा नं ५ की एचआईभी संक्रमित ३७ वर्षीया कोपिला श्रेष्ठले घरका तरकारी बालीमा हाल्न ल्याइएको किटनाशक औषधि खाएपछि शुुक्रबार उपचारको लागि काठमाडौं लैजाने क्रममा मृत्यु भएको थियो ।

काठमाडौं लैजाँदै गर्दा धार्के बजारमा पुग्दा मृत्यु भएपछि प्रहरीले जिल्ला अस्पताल फर्काएको थियो । जिल्ला अस्पतालले पोस्टमार्टम नगर्ने भनेर रिफर गरेका कारण उनको शवलाई शनिबार काठमाडौं शिक्षण अस्पताल लगिएको मृतकका श्रीमान शंकर श्रेष्ठले जानकारी दिनुभयो ।

विसं २०६२ सालतिर एचआईभी संक्रमण भएकी कोपिलाको २०६६ सालमा मा शंकरसंग विवाह गर्दा नियमित औषधी सेवन गरिरहेकी थिइन् । कोपिलाले आत्महत्या गर्नुको कारण अनुसन्धानपछि मात्रै थाहा हुने जिल्ला प्रहरी कार्यालयले जनाएको उज्यालो अनलाइनले खबर लेखेको छ ।



धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो ।

२५ कार्तिक २०७५, आईतवार १०:०४ मा प्रकाशित

समाचार

सबै

ब्रुसबाङका चेपाङलाई दशैंमा खाद्यान्न सहयोग

ब्रुसबाङ- दक्षिणी धादिङको विकटमा बसोबास गर्दै आएका अति विपन्न चेपाङ समुदायलाई खाद्यान्न सहयोग गरिएको छ । लायन्स क्लब नेपाल हाईलाईटको आयोजना मा धादिङको वेनिघाट रोराङ गाउँपालिका वडा नम्बर २ मा पर्ने.....

औषधिको राजा पिपलको पात

हाम्रो घर वरपर कतिपय प्राकृतिक बनस्पति उम्रिरहेका हुन्छन, तर चिन्न न सकेर व्यर्थ त्यसलाई नास पार्दै जान्छौ ।.....

कार्तिक १ देखि देशभरका सामुदायिक विद्यालयमा निःशुल्क स्यानिटरी प्याड

धादिङ। सरकारले आगामी १ कात्तिकदेखि देशैभरका सामुदायिक विद्यालयमा निःशुल्क स्यानिटरी प्याड उपलब्ध गराउने.....

खेस्टेखोलामा माइक्रो र मोटरसाइकल ठोक्किंदा रामकृष्ण भट्टको मृत्यु

धादिङ ,२४ असोज, । धादिङको गल्छी गाउँपालिका–७ मा पर्ने पृथ्वीराजमार्गको खेस्टेखोलामा माइक्रोबस र मोटरसाइकल एक.....

झुटो समाचार लेखाएर चरित्र हत्या गर्न खोजियो -सांसद लोहनी

धादिङ १८ असोज । धादिङ जिल्ला निर्वाचन क्षेत्र नम्बर २ का प्रतिनिधि सभा सदस्य एवम नेपाल कम्युनिष्ट पार्टी.....

Categories