दर्शकको मन जित्दै  ‘खुल्दुली’ हांस्य व्यङग्य सिरियल

797 पटक पढिएको

प्रकाशित मिति: २८ कार्तिक २०७५, बुधबार २१:४२

सम्पादक: Dhading News

केशव अधिकारी

धादिङ- सामाजिक विसंगति,विकृति,समाज भित्रका विभिन्न पक्षलाई हास्यव्यंग्य क्षेत्रबाट उजागर गर्दै मनोरन्जनको माध्यमबाट समाजलाई सन्देश प्रवाह गर्नको लागि नयाँ ‘खुल्दुली’ हाँस्य व्यङग्य सिरियलको आगमन भएकोे छ । रामसार मिडिया प्रा.लि.ले निर्माण गरेको यस सिरियलको निर्देशकमा भद्र भुजेल ,लेखन तथा मुख्य सहायक निर्देशकमा अजय रेग्मी र सुदिपबाबु खतिवडा रहेका छन ।  कार्यक्रम एपिवान (एचडि) टेलिभिजनबाट बाट हरेक सोमबार साँझ ८.३० वजे देखि ९ वजेसम्म आउने गरेको छ । विभिन्न हास्य सिरियल तथा स्टेजहरुमा एस जोडि बनेर प्रस्तुती दिंदै आएका सुदिप खतिवडा धादिङ आदमटारका र अजय रेग्मी गोर्खा घ्यालचोकका वासिन्दा हुन ।

नेपाली टेलिभिजन च्यानलको संख्या बढेसंगै हांस्य व्यङग्य सिरियलहरु पनि नयाँ नयाँ बिषय वस्तुलाई समेटेर आउनेक्रम पनि बढ्दै गएको छ । नाम चलेका  पुराना हाँस्य सिरियलहरु वन्द हुंदै हाँस्यकलाकार हरु चलचित्र निर्माण तथा अभियन र अन्य सामाजिक कार्यमा सरिक हुंदै गईरहेको बेला नयाँ कथा र पात्रहरुका साथ नयाँ सिरियलले नेपाली दर्शकको मन जित्न थालेका छन ।  यस अघि विभिन्न हांस्य सिरियलका साथै स्टेजहरुमा देखिएका अनुभवि टोली र नयाँ अनुहारलाई समेटेर अहिले  ‘खुल्दुली’ हांस्य सिरियल प्रशारणमा आउन थालेको छ

           यस अघि मेरी बास्सै, जिरे खुर्सानी, खासुखस लगायत सिरियलमा मुख्य तथा सहायक भुमिका निर्वाह गरिसकेका कलाकारहरु सुदिपबाबु खतिवडा, अजय रेग्मी (एस जोडी) का साथै अन्य नयाँ कलाकारहरु मिलेर ‘खुल्दुली’ सिरियल निर्माण गरिरहेका छन् । उक्त कार्यक्रममा हास्य पात्रमा सुदिप खतिवडा, अजय रेग्मी,अरुणा कार्की राधा श्रेष्ठ, घनश्याम जोशी, सुमन कार्की, नबिना श्रेष्ठ,सुसन खतिवडा, रामबाबु रेग्मी, सारिका चौलागाई, आइ.पि.आचार्य लगायतका कलाकारहरुको अभिनय रहेको छ । हास्य पात्रमा बनेको सिरियल दर्शकले मन पराईदिने निर्देशक भद्र भुजेल बताउँछन ।

     सिरियलको सह निर्देशन, लेखन यस जोडी रहेको छ भने  छायांकन देवेन्द्र गिरी (हुरहुर),सम्पादन केदार राईले गरेका छन् । यसै गरी स्वर सङ्गीतमा मनिराज काफ्ले र पारश्व सङ्गीतमा यमन श्रेष्ठको भुमिका रहेको छ ।  गितको एरेन्ज भने श्रीराम रायमाझीले गरेका हुन् । कार्यक्रममा अरुणा कार्की (काकी),राधा श्रेष्ठ   (ज्ञानदेवी),घनु जोशी (घनु),अजय रेग्मी (पिनासे),सुदिप बाबु खतिवडा (साईन्ठिस),नबिना श्रेष्ठ (पुतली नानी),शम्भु मान सिंह (सेवानै धर्म हो ),रामबाबु रेग्मी, दिपकराज जोशी मुख्य भुमिकामा रहेका छन ।

          दर्शकको अटुट माया पाईरहे यस क्षेत्रमा रहेर आफ्नो क्षमतालाई अझै निखारदै र तिखारदै भविष्यमा अझै आफ्नो अभिनय र कलाकारितालाई शसक्त बनाउदै अगाडि बढ््ने सुन्दर सपना सजाएको एस जोडीले वताएको छ ।

     एस जोडि ५ बर्ष अघि देखि यस क्षेत्रमा जम्दै आईरहेको छ । अजय र सुदिपले देश भित्रका विभिन्न स्थानमा पुगेर अहिले सम्म २ सय ५० भन्दा बढी स्टेजहरुमा आफ्नो प्रस्तुति देखाईसकेको छ । स्नातक तहको पढाईको क्रममा यो जोडिको पहिलो भेट भएको थियो क्याम्पस पढ्दै गर्दा धुर्मुस अर्थात सिताराम कट्टेल मार्फत अजय रेग्मी मेरी बास्सैमा र जितु नेपाल मुन्द्रे मार्फत सुदिप खतिवडा जिरे खुर्सानीमा अभिनय गर्न पुगेका थिए । जिरे खुर्सानी र मेरी बास्सैको अभिनय पछि यो जोडी खासखुस सिरियलमा एक साथ शशक्त भुमिकामा देखा परेको थियो ।

टेलिभिजनबाट हेर्न छुटेका दर्शकले यो लिंकमा गएर युट्युव मार्फत पनि खुल्दुली हेर्न सक्नुहुनेछ ।



धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो ।

२८ कार्तिक २०७५, बुधबार २१:४२ मा प्रकाशित

समाचार

सबै

मलेखुमा बन्यो माछाको प्रतिमा

केशव अधिकारी (मलेखु)धादिङ – माछा बजारको रुपमा देशमै ख्याति कमाएको मलेखुमा शनिबारदेखि नयाँ पहिचान थपिएको छ । माछाका परिकारहरुका पारखीका लागि थप आकर्षित गर्न मलेखु चोकमा माछाको प्रतिमा निर्माण गरिएको.....

मौवाखोलाबाट साना मोटर गुड्न थाल्यो

धादिङ - बाढीले पुल भत्काएपछि अवरुद्ध हुन पुगेको पृथ्वीराजमार्गको मौवाखोलाको पुल मर्मत गरी चार दिनपछि साना.....

हट्यो लकडाउन

काठमाडौं । कोरोना भाइरस (कोभिड–१९) को रोकथाम तथा नियन्त्रणका लागि सरकारले साढे तीन महिनादेखि घोषणा गरेको लकडाउन.....

बाढी–पहिरोबाट सतर्क रहन सांसद भूमी त्रिपाठीको आग्रह

धादिङ - अविरल बर्षापछि धादिङ लगायत देशका विभिन्न भागमा बाढी पहिरोको जोखिम बढेको भन्दै विपदपूर्ण घडीमा सुरक्षित.....

बाढीेले मौवाखोलाको पुल बगायो ,राजधानी संगको सम्पर्क टुट्यो

धादिङ,५ साउन - देशका विभिन्न जिल्लाबाट राजधानी प्रवेश गर्ने पृथ्वीराजमार्गको धादिङ र चितवन जिल्लाको सिमानामा.....

Categories