क्युङ्ग गाउँका वासिन्दाहरु ज्यानको बाजी थापेर भिर मौरीको शिकारमा (भिडियो सहित )

798 पटक पढिएको

प्रकाशित मिति: ७ मंसिर २०७५, शुक्रबार १७:४८

सम्पादक: धादिङ न्यूज

धादिङ, ७ मंसिर – उत्तरी धादिङको विकटमा रहेका अक्करे भिरमा यतिबेला भिर मौरीको मह शिकारको याम शुरु भएको छ ।
धादिङको खनियावास गाउँपालिकाको क्युङ्ग गाउँका वासिन्दाहरु समुहमा मिलेर गाउँदेखि निकै टाढा टाढा सम्म पुगि सामुहिक रुपमा भिर माहुरीको मह शिकार गर्ने गरेको बताउँछन् । भिर मौरी  बस्ने ठाउँ निकै अप्ठेरो स्थानमा हुने भएकाले स्थानीय रुपमा उपलब्ध हुने श्रोत साधनको प्रयोग गरेर जोखिम मोलेर भिरमा चढी महको शिकार गर्ने गरिएको स्थानीय सामाजिक अभियन्ता मंग तामाङ बताउँछन् ।
ग्रामीण क्षेत्रमा भन्दा शहरी क्षेत्रमा भिर मौरीको मह राम्रो मुल्यमा विक्रि हुने र शहर वजारमा यस्को माग समेत अत्याधिक रहेको कारण यो पेशा आम्दानीको राम्रो श्रोत बन्ने गरेको उनिहरुको भनाई छ ।
भिर मौरीको मह निकाल्नका लागी त्यहाँका स्थानीयहरुले पर्वकै रुपमा कार्तिक र मंसिर महिनालाई लिने गरेका छन । जोखिम नै भए पनी पुर्खौ देखी गर्दै आएको पेसा भन्दै अहिलेका युवाहरुले समेत यस्लाई निरन्तरता दिने गरेका छन् । भिरमह खाँदा जति स्वादिलो र रसिलो हुन्छ, यसलाई निकाल्न भने अत्यन्तै जोखिम मोल्नुपर्ने हुन्छ । भिरमा भिरमौरीले लगाएका गोला काट्नका लागि मह शिकारी डोरीमा झुण्डिएर शिकार गर्ने गर्दछन् ।
मह निकाल्नका लागि भिरको माथिल्लो भाग र तल्लो भागमा गरी दुई समूहमा शिकारी बाँडिएका हुन्छन । एक समूहले भिरको माथिबाट तल भुइँसम्म डोरी झुण्डाउँछ भने भिरको तलपट्टि रहेको अर्को समूहले मह थाप्ने र स्याहार्ने गर्दछ ।
यसरी भिरमा आफ्नो ज्यानको बाजी लगाएर निकालिने महबाट शिकारीले आकर्षक आम्दानी पनि गरिरहेका छन् । स्वास्थ्यका लागि एकदमै फाइदाजनक मानिने भिरमहको माग जति स्थानीय बजारमा छ, त्योभन्दा दोब्बर अन्तर्राष्ट्रिय बजारमा समेत छ । विभिन्न किसिमका औषधि बनाउन पनि यसको प्रयोग हुँदै आएको मह व्यापारीको भनाइ छ ।
‘महको चाका वरिपरि माहुरी घेरिएर बसेका हुन्छन्, धुवाँ लगाइदिएपछि मौरी भाग्छन्, त्यतिबेला मह निकाल्नेले विशेष ध्यान पु¥याउनुपर्छ ।’ मह शिकारी सुनवहादुर तामाङले वताए । ।
भिर मौरीको मह निकाल्न त्यहाँका स्थानीयहरु सबै जम्मा भई एउटै समुहमा मिलेर मह निकाल्नका लागी भिरमा जाने गर्दछन् । भिरबाट निकालिएको मह बरावर भाग लगाई लिने गरिएको स्थानीय रामवहादुर तामाङले वताए ।
भिर मौरीको मह बजारमा प्रति माना एक हजारदेखी पन्ध्र सय सम्ममा बिक्री हुने गरेको उनिहरु बताउछन् । धादिङको उच्च पहाडी क्षेत्रका ठुला ठुला पहाराका विचमा यस्ता भिर माहुरीहरु हुने गर्दछ । कहालीलाग्दो भीर पहराहरूमा हुने मह शिकार हुने गर्दछ । परापूर्वकालदेखि जंगलको आसपासमा बस्दै आएका तामाङ समुदायका मानिसहरूको आम्दानीको स्रोत बन्ने गरेको मह शिकारलाई व्यवस्थित गर्न सके पछिल्लो वर्षहरूमा भने आन्तरिक पर्यटक लोभ्याउने आकर्षण बन्न सक्ने स्थानीयको सुझाव छ ।
आङै सिरीङ्ग हुने अग्ला भीर पहरामा निडरका साथ मह शिकारीहरूले मह काढेको रमणीय दृश्य विदेशी पर्यटकका साथै भीर माहुरीको शिकार गरेको कहिल्यै नदेखेकाको लागि पनि अविस्मरणीय र रोचकको विषय बन्ने गरेको छ । मह शिकारलाई पर्यटन प्रवद्र्धनको रुपमा पनि विकास गर्नुपर्ने खनियाबासका सामाजिक अभियन्ता मंग तामाङ बताउँछन् । भिरपहरामा पाइने मौरीको संरक्षणका साथै उचित तरिकाबाट मह शिकार गरिए स्थानीय गाउँलेको आम्दानीको साथै मह शिकारले स्वदेशी तथा विदेशी पर्यटक आकर्षण गर्न सकिने तामाङको विश्वास छ ।
हिमाली र लेकाली क्षेत्रमा विभिन्न प्रजातीका जडिबुट्टीका फुलहरु हुने भएकाले गर्दा त्यहाँका माहुरीको मह औषधीको रुपमा प्रयोग हुने गरेको हो ।

भिडियो हेर्नका लागि यहाँ किलिक्क गर्नुहोस 



धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो ।

७ मंसिर २०७५, शुक्रबार १७:४८ मा प्रकाशित

धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो । आम नागरिकलाई सूचना, समाचार, विचार, विश्लेषण र विविध विषयमा सुसूचित गर्ने ध्येयका साथ संचालनमा रहेको धादिङ न्यूज डट कम निस्पक्ष सूचना र संचारको संवाहक हो । हामी स्वतन्त्र छौं, हामी कुनै पनि राजनीतिक. सामाजिक तथा अन्य किसिमका पूर्वाग्रहबाट अलग छौं । तपाईंको सूचना र संचारको हकको लागि समाजका विकृति र विसंगतिहरू बिरुद्ध हामी निरन्तर कलम चलाइरहनेछौँ । हामीलाई सूचना जानकारी उपलब्ध गराएर हाम्रो यस अभियानमा तपाईंले पनि साथ् दिन सक्नुहुनेछ ।  धादिङ जिल्लाको सूचना, समाचार, विचार र मनोरञ्जन छिटो छरितो रूपमा विश्वभर पुर्याउनु हाम्रो मुख्य उद्देश्य रहेको छ । ‘धादिङ न्यूज’ यहाँहरू सबैको डिजिटल पत्रिका हो ।व्यवसायको लागि विज्ञापन लगानी हो,धादिङ न्यूज डट कम मा कुनै पनि विज्ञापन वा सन्देश संप्रेषण गर्न  चाहनुहुन्छ भने हामीलाई सम्पर्क गर्न सक्नुहुनेछ ।

 

 

समाचार

सबै

शंकास्पद गतिविधिको आशंकामा गल्छीका सुमन चितवनमा पक्राउ

चितवन । धादिङको गल्छी गाउँपालिका वडा नं १ घर भई चितवनको भरतपुर महानगरपालिका वडा नम्बर ११ बस्ने सम्राट भनिने २४ वर्षीय सुमन श्रेष्ठ पक्राउ परेका छन् । विप्लव नेत्तृत्वको नेकपा निकट रहेको अखिल (क्रान्तिकारी).....

वाग्मती प्रदेश लोकसेवा आयोगले माग्यो १७४ अधिकृत स्तरका कर्मचारी

धादिङ-वाग्मती प्रदेशमा रहेका १३ जिल्लाका विभिन्न स्थानीय तहका लागि वागमती प्रदेश लोक सेवा आयोगले १७४.....

निर्वाचन आयोगले नेकपा विभाजनलाई मान्यता दिएन

काठमाडौं- निर्वाचन आयोगले नेपाल कम्युनिस्ट पार्टी (नेकपा) का दुवै समूहले गरेको पदाधिकारी फेरबदललाई मान्यता.....

प्रहरीबाट वेनिघाटरोराङमा अफिम खेती फँडानी

धादिङ । धादिङको बेनिघाट रोराङ गाउँपालिकाको वडा नं १ स्थित विभिन्न गाउँमा लगाईएको प्रतिवन्धित अफिम खेती.....

माघ १४ गते देखि ७७ जिल्लाबाट एकसाथ कोरोना खोप अभियान शुरु गरिने

धादिङ-नेपालमा कोरोना खोप यही माघ १४ गतेदेखि लगाउन शुरु गरिने भएको छ । स्वास्थ्य तथा जनसंख्या मन्त्रालयका.....

Categories