धादिङमा १४ सय १९ वर्ष कैद र तीन करोड ४० लाख ८९ हजार जरिवाना भुक्तान हुन बाँकी

582 पटक पढिएको

प्रकाशित मिति: २७ मंसिर २०७५, बिहीबार २२:४४

सम्पादक: Dhading News

 

 

धादिङ जिल्लामा विभिन्न अपराधमा अभियोग लागेकाबाट १४ सय १९ वर्ष ४ महीना १२ दिन कैद र तीन करोड  ४० लाख ८९ हजार ९ सय २० रुपैयाँ ६९ पैसा जरिवाना भुक्तान हुन बाँकी रहेको जिल्ला अदालत धादिङले जनाएको छ ।
विभिन्न अभियोग लागेर कैद सजायँ पाएका र जरिवाना तिर्नुपर्ने फैसला भएकाहरुको बक्यौता फर्छयौटका लागि अदालतले धादिङ जिल्लाका १३ वटै स्थानीय तह, जिल्ला समन्वय समिति, जिल्ला प्रशासन र जिल्ला प्रहरीलाई पत्राचार गरि जानकारी गराएको जनाएको छ । जिल्ला अदालत धादिङबाट फैसला भएका र विभिन्न न्यायिक निकाय, अन्य जिल्ला अदालत, उच्च र सर्वोच्च अदालतबाट जिम्मेवारी सरि आएका हत्या, डाका, चोरी, जालसाजी, बहुविवाह, लागु औषध ,सवारी ज्यान, ज्यान मार्ने उद्योग, मानव बेचविखन,सरकारी कागज छाप दस्तखत किर्ते लगायतका अभियोगमा अदालतबाट सजाय पाएर पनि फरार अभियुक्तबाट उक्त कैद र जरिवाना असुल गर्न बाँकी रहेको जिल्ला न्यायाधिश प्रकाश ढ्रुंगानाले जानकारी दिनु भयो ।
अदालतले तोकेको कैद तथा सजायँ भुक्तान गर्न बाँकी रहेकाहरुमा २००७ साल देखिका समेत छन् । कतिपय दण्ड सजायँ पाएका अभियुक्तहरु अहिले जिवित छन या मरिसके भन्ने एकिन गर्न समेत मुस्किल भएको अदालतले जनाएको छ । फर्छयौट हुन बाँकी रहेको कैद जरीवाना मध्ये धादिङ जिल्लाको सबैभन्दा पुरानो लगतमा २००७ साल पुस ५ गतेको फैसलाबाट धादिङ जिल्ला कल्लेरी विर्तामनी हाँडीखोला बस्ने मगरनी भनिने व्यक्तिलाई चोरी अन्यको आरोपमा २ बर्ष कैद सजायँ दिईएको भएपनि कैद भुक्तान नगरी बसेकोले निजको नाममा लगत कायम रहेको छ । चोरी अन्यको आरोपमा दण्डसजायँ पाएका धादिङ जिल्ला जोगिमारा गाविस फणराज ठेगाना उल्लेख भएका बलवहादुर गिरी, च्यासे खुलाल मगर र सोमराज राना मगर रहेका छन । उनिहरुलाई २००७ साल चैत २८ गतेका मितिमा १ बर्ष कैद सजायँ तोकिएको भएपनि उनिहरुले पनि कैद सजायँ भुक्तान नगरेको जिल्ला अदालतको अभिलेखमा उल्लेख छ ।
जिल्लाका आठ सय ८५ जना अभियुक्तबाट १४ सय १९ वर्ष ४ महीना १२ दिन कैद र रु तीन करोड ४० लाख ८९ हजार ९ सय २० रुपैयाँ ६९ पैसा जरिवाना भुक्तान हुन बाँकी रहेको धादिङ जिल्ला अदालतका श्रेस्तेदार नवराज दंगालले जानकारी दिनुभयो ।
अभियुक्तमध्ये कैद मात्र तोकिएका ५ सय २० जना कैद र जरिवाना दुबै सजाय तोकिएका २ सय ८६ जना रहेका छन भने कैद सजाय मात्रै तोकिएका ८८ र जरिवाना मात्रै तोकिएका २३४ जना छन् । अदालतबाट सबैभन्दा बढी २० वर्षसम्मको जेल सजाय तोकिएका १३ जना रहेका छन् भने बुढाथुम गाविस वडा नम्बर ७ का शेरवहादुर थापालाई बैकिंग कसुर सम्वन्धी आरोपमा २१ बर्ष जेल र ८८ लाख ९० हजार ८ सय २० रुपैयाँ जरिवाना तोकिएको छ । जिल्ला अदालतबाट सबैभन्दा धेरै जरिवाना असुल गर्नु पर्नेमा थापा रहेका छन भने धुंवाकोट गाविस वडा नम्बर ४ माईती भई मार्पाक वडा नम्बर ४ की बिष्णु गिरीलाई २०३१ साल चैत ३० गते ५ रुपैयाँ जरिवाना तोकिएकोमा सो समेत असुल नभएको अदालतको लगत अभिलेखमा उल्लेख छ ।
अभियोग लागेर जेल तथा जरिवाना तोकिएका कतिपय मान्छे फरार भएर, मृत्यु भएर तथा बेपत्ता भएका कारण पनि धेरै अगाडि देखिको लगत फर्छयौट हुन बाँकी रहेको देखिएको धादिङ जिल्ला अदालतका न्यायधीश प्रकाश ढुंगानाले जानकारी दिनुभयो । धादिङमा मात्रै नभइ मुलुकभर अपेक्षा अनुसार लगत फर्छयौट हुन नसकेकाले कडाइका साथ असुलउपर गर्नका लागि मुलुकभर फैसला कार्यान्वयन वर्ष समेत शुरु भएको उहाँले बताउनुभयो ।
अदालतमा आएका मुद्धाहरुमाथि कैद र जरिवाना असुल गर्ने फैसला गरेपनि असुल हुन नसक्दा अदालतलाई नै असहज भईरहेको जिल्ला अदालतका श्रेस्तेदार दंगालले बताउनु भयो । उहाँले कैद बाँकि रहेका व्यक्तिहरुको खोजीकालागि जिल्ला अदालतले स्थानीय तह, जिल्ला समन्वय समिति,जिल्ला प्रशासन कार्यालय र जिल्ला प्रहरी कार्यालयलाई आवश्यक विवरण सहितको जानकारी पठाएको भए पनि अदालतले दोषि ठहर गरेका व्यक्ति पक्राउ पर्न नसकेको बताउनु भयो ।



धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो ।

२७ मंसिर २०७५, बिहीबार २२:४४ मा प्रकाशित

समाचार

सबै

मिटर व्याज थेग्न नसकेपछि सामूहिक आत्महत्याको प्रयास

धादिङ - व्याजमा ऋण लिएर शेयर बजारमा लगानी गर्दै आएका काठमाण्डौंको चन्द्रागिरि नगरपालिका–४, थानकोटका ३७ वर्षीय विनय लामिछानेले लगानी ऋण तिर्नै नसक्ने अवस्था आएपछि बच्चासहित त्रिशूली नदीमा हाम फालेर.....

Two held with illegal drugs in Dhading

Two persons have been arrested in possession of a huge cache of banned pharmaceutical drugs from Gajuri of Dhading district, on Friday, police said. Police intercepted a bus (Na 6 Kha 1760) heading to Lamjung from Kathmandu at Gajuribazaar along Prithvi highway and arrested Hemanta Gurung, 19, of.....

दुई बच्चासहित दम्पत्ति त्रिशूली नदीमा हामफाले

धादिङ- काठमाडौं थानकोट घर भएका बिनय लामिछानेको दम्पत्तिले आफ्ना दुई नाबालक सन्तानसहित बिहिवार साँझ त्रिशूली.....

सल्यानटारमा रंगशाला र गल्छी ६ मा वडा कार्यालय निर्माण गरिने

 धादिङको त्रिपुरासुन्दरी गाउँपालिकामा पर्ने सल्यान्टारको असिन फाँटमा रंगशाला निर्माण गरिने भएको छ ।.....

गाउँ गाउँमा गोरु जुधाएर मनाईयो माघे संक्रान्ति

- धादिङ न्यूज समाचारदाता धादिङ, - माघ १ अर्थात माघे संक्रान्ति बुधबार धादिङ लगायत देशभर विभिन्न कार्यक्रम गरी.....

Categories