सल्यानटार नमुना सहर बन्छ- नेकपा अध्यक्ष दहाल

678 पटक पढिएको

प्रकाशित मिति: ४ फाल्गुन २०७५, शनिबार २३:०२

सम्पादक: Dhading News

 

 

सल्यानकोट-— नेपाल कम्युनिस्ट पार्टी (नेकपा) अध्यक्ष एवं पूर्वप्रधानमन्त्री पुष्पकमल दाहालले धादिङको सल्यानटारलाई देशकै नमुना सहरको रुपमा विकास गरिने वताउनु भएको छ ।  सल्यानटारलाई नमुना सहरको रुपमा विकास गर्न डिपीआर सुरु गरिएको उहाँले वताउनु भयो ।सल्यानटार बहुचर्चित प्रस्तावित बुढीगण्डकी जलबिद्युत्त आयोजनाको प्रभावित क्षेत्र भित्र पर्ने क्षेत्र भएकाले बुढीगण्डकी संगै सल्यानटारको पनि विकास गरिने अध्यक्ष दहालले वताउनु भयो ।

सल्यानकोटस्थित कार्कीगाउँ माध्यमिक विद्यालयको ५९ औं वार्षिकोत्सव तथा नवनिर्मित ८ कोठे भवन उद्घाटन गर्न शनिवार सल्यानकोट आउनु भएका  दाहालले बुढीगण्डकी जलविद्युत् परियोजनाको काम धेरै अगाडि बढिसकेको बताउँदै खहरे, आरुघाट र आरखेत बजारको मुआब्जा अब छिट्टै निर्धारण गरिने समेत वताउनु भयो ।  लामो समय गोरखा जिल्लाको आरुघाटमा अध्यापन गराउनु भएका अध्यक्ष दहालले  ४३ वर्षपछि धादिङ त्रिपुरासुन्दरी गाउँपालिकाको  सल्यानकोट आईपुगेको बताउनु भएको थियो ।

धादिङको त्रिपुरासुन्दरी गाउँपालिका वडा नम्बर ४ मा रहेको कार्कीगाउँ माध्यमिक विद्यालयको ५९ औं बार्षिकोत्सव, अभिभावक दिवस तथा नवनिर्मित ८ कोठे भवन उद्घाटन कार्यक्रम शनिवार सम्पन्न भएको छ ।
विद्यालय व्यवस्थापन समितिका अध्यक्ष खिलबहादुर बुढाथोकिको सभापतित्वमा भएको कार्यक्रममा  पुर्व प्रधानमन्त्री एवम नेकपाका अध्यक्ष पुष्पकमल दहालको प्रमुख आतिथ्य रहेको थियो ।
कार्यक्रममा धादिङ क्षेत्र नम्बर २ का प्रतिनिधि सभाका सदस्य खेमप्रसाद लोहनी , प्रदेश सभा सांसद जगत सिंखडा, पूर्व सभासद गुरुप्रसाद बुर्लाकोटी, पुष्प बिक्रम मल्ल, नेकपा धादिङका नेता राम बहादुर भण्डारी, बिजय बुर्लाकोटी, प्रमुख जिल्ला अधिकारी भागीरथ पाण्डे, त्रिपुरासुन्दरी गाउँपालिकाका अध्यक्ष शम्भुकुमार थापा, जिल्ला प्रहरी कार्यालय धादिङका  प्रहरी उपरिक्षक राजकुमार बैदवार, जिल्ला शिक्षा समन्वय इकाईका प्रमुख शिव रेग्मी,श्रोत व्यक्ति वाबुकृष्ण श्रेष्ठका साथै छिमेकी बिद्यालयका प्रधानाध्यापक, वडा अध्यक्षहरु लगायतको आतिथ्य रहेको थियो ।
कार्यक्रमका प्रमुख अतिथि नेकपाका अध्यक्ष एवम पुर्व प्रधानमन्त्री दहालले भुकम्प पछि निर्माण गरिएको विद्यालयको ८ कोठे नयाँ भवनको उद्घाटन पनि गर्नु भएको थियो । जिल्ला आयोजना कार्यान्वयन इकाइ धादिङको सहयोगमा निर्माण गरिएको भवनको कुल लागत एक करोड २ लाख रहेको विद्यालयका प्रधानाध्यापक अर्जुन नगरकोटीले बताउनु भयो । कार्यक्रममा बिद्यालयलाई  विभिन्न क्षेत्रबाट सहयोग पु¥याउने व्यक्ति तथा संस्थाहरुलाई सम्मान पनि गरिएको थियो ।



धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो ।

४ फाल्गुन २०७५, शनिबार २३:०२ मा प्रकाशित

समाचार

सबै

साङकोष माविका शिक्षक नविन श्रेष्ठले किन थाम्न सकेनन आँसु ?

धादिङ– मेरो नाम नविन श्रेष्ठ हो । नीलकण्ठ नगरपालिका वडा नम्बर १२ मा रहेको साङकोष माविमा शिक्षक पदमा कार्यरत छु । एक महिना यता नीलकण्ठ नगरपालिका वडा नम्बर १२ आँगेटारीकी १२ बर्षिया करिना मगर जो मेरो बिद्यार्थी.....

बूढीगण्डकी प्रभावित आरुघाटबासीको आन्दोलन स्थगित

धादिङ, २२ मंसिर - प्रस्तावित १२ सय मेगावाटको बूढीगण्डकी जलबिद्युत्त आयोजनाको डुवान क्षेत्रमा पर्ने जग्गाको.....

हाडनाताकरणी मुद्दाका फरार अभियुक्त २२ वर्ष पछी पक्राउ

धादिङ -जिल्लामा फरार प्रतिवादी पक्राउ अभियान संचालन गरिरहेको धादिङ प्रहरीले हाडनाता करणी अपराध गरेर फरार रहेका.....

धादिङका एसपी फेरिए, अब धादिङको प्रहरी प्रमुखमा रविन्द्र रेग्मी

धादिङ- प्रहरी प्रधान कार्यालयले धादिङ लगायत चार जिल्लाको प्रहरी नेतृत्व हेरफेर गरेको छ । प्रहरी प्रधान.....

बूढीगण्डकी प्रभावितलाई मुआब्जा निर्धारण न्यायोचित -मन्त्री पुन

सरकारले बूढीगण्डकी जलविद्युत् आयोजनामा पर्ने जग्गाको मुआब्जा निर्धारण स्थानीय जनता र जनप्रतिनिधिहरूसँग लामो.....

Categories