गायिका टिका प्रसाइका गीतले एकपछि अर्को रेकर्ड तोड्दै

854 पटक पढिएको

प्रकाशित मिति: १० चैत्र २०७५, आईतवार ११:०८

सम्पादक: Dhading News

लीलानाथ घिमिरे
काठमाडौं– गायिका टिका प्रसाईंका गीतहरुले एकपछि अर्को रेकर्ड तोड्दै गएका छन् । प्रसाइले गाएको ‘माया लुकी लुकी…’ गीतले युट्युवमा ५ करोडभन्दा बढी भ्युज पाएर नयाँ रेकर्ड कायम गरेको छ । फिल्मबाहिरको नेपाली गीत यति धेरै पटक हेरिएको यही पहिलो हो । यसअघि गायिका प्रसाइकै  ‘नाई मलाई था छैन…’ ले यस्तो रेकर्ड राखेको थियो । उक्त गीतले ३ करोड ६६ लाखभन्दा बढी भ्युज पाएको छ । युट्युवमा धेरै भ्युज पाउने ननफिल्मी नेपाली गीतको पहिलो रेकर्ड प्रसाइकै नाममा थियो भने उनकै अर्को गीतले त्यही रेकर्डलाई तोडेर ५ करोडभन्दा बढी दर्शक पाएको हो । ‘माया लुकीलुकी… ’ गायिका प्रसाईंले ९ महिनाअघि आफ्नै युट्युव च्यानलबाट रिलिज गरेकी थिइन् । उक्त गीतले ५ महिनादेखि ननफिल्मी गीतसंगीतको क्षेत्रमा सबैभन्दा बढी युट्युव भ्युज पाउने गीत बनिरहन सफल भएको छ । उक्त गीतले थुप्रै अवार्डसमेत जितेको थियो । गायिका प्रसाइका अनुसार यसगीतले रेडियो कान्तिपुर नेशनल अवार्ड २०७५मा  सवोत्क्कृष्ट पप गायिका, इमेज अवार्ड २०७५मा पब्लिक च्वाइस अवाडए, कालिका एफएम अवार्ड(२०७५मा सर्वोत्कृष्ट पप गायिका र सर्वाेत्कृष्ट अभिनय अवार्ड जितेको थियो ।
उक्त गीतमा शब्द आनन्द अधिकारी  र संगीत आशिष अविरलको छ । गीतको भिडियो द कार्टून क्रिउले निर्माण गरेको हो ।
टीका प्रसाइ युवा पुस्तकी लोकप्रिय गायिका हुन् । उनका ती दुवै गीतमा दर्जनौ ब्यक्ति र समुहले नृत्य गरेर युट्ययुवमा भिडियो अपलोड गरेका छन् । ती भिडियोसमेत जोड्दा उनको गीत हेर्नेको संख्या थप करोडौं हुन्छ । ‘माया लुकीलुकी… ’ गायिका प्रसाइले एक्लै गाएकी हुन् । यसअघि रेकर्ड भ्युज पाएको ‘नाई मलाई था छैन… ’ गीतमा गायिका प्रसाईलाई गायक सञ्जीव पराजुलीले साथ दिएका छन् ।
गायिका प्रसाइले संजिव पराजुलीसँग गाएको अर्को गीत ‘कर्के नजर… ’ ले पनि उनका धेरै भ्युज पाउने दुई गीतलाई पछ्याइरहेका छ । दुई महिनाअघि अपलोड गरिएको उक्त गीतले अहिलेसम्म ८२ लाखभन्दा बढी भ्युज पाइसकेको छ ।
आफ्नै गीतले कायम गरेको रेकर्ड अर्को गीतले ब्रेक गरेपछि गायिका प्रसाइ निकै उत्साहित भएकी छन् । ‘मेरो गीतको प्रतिस्पर्धी आफ्नै गीत भएको छ, उनले भनिन्, ‘अब मलाई पहिलेको भन्दा उत्कृष्ट गीत कसरी बजारमा ल्याउने चुनौती थपिँदै गएको छ ।  उनको ५ करोड भ्युज पाएको गीत स्वदेशमा मात्र हैन, विदेशी भाषामा समेत डब भएका छन् । ‘यसको भाकालाई मन पराएर हिन्दी, अंग्रेजीलगायतका भाषामा गीत गाएर भिडियो युट्युवमा अपलोड भएका छन्,’ गायिका प्रसाइले भनिन्, ‘नेपाली गीत नेपालमा मात्र सीमित भएको छैन, अन्तराष्ट्रिय बजारमा यसले आफ्नो स्थान लिएको छ । सबै नेपाली संगीत प्रेमीहरुका लागि यो खुशीको कुरा हो ।’
गायिका प्रसाइले २०५८ सालमा पहिलो पटक ‘के गर्नु हो तिम्रो कसम.. ’ र ‘तिम्रो दिलको कुनाकानी… ’ गरी एकै पटक दुई रेकर्ड गराएकी थिइन् । उनले २०६० सालदेखि चलचित्र र कलेक्सन एल्बममा गीत गाउन थालिन् । अहिलेसम्म उनका ४ सयभन्दा बढी गीत रेकर्ड भइसकेका छन् । झापाकी चेली र सिन्धुलीकी बुहारी गायिका प्रसाइले २०७२ सालमा एकल एल्बम मेलोडी निकालिन् । उनका गीतमा ‘नाइ मलाइ थाहा छैन…’, ‘सेल्फीको जमाना…’, ‘चट्ट सलाम…’, ‘एउटा कुरा भनौं,…’ ‘लुकी लुकी…’, ‘शिशिरमा पात झर्दा…’, ‘परें माया जालैमा…’, ‘तिमी भन्छौ भने …’, ‘कान्छी रे…’, ‘पहिलो भेटमा…’, ‘जे पनि हुन सक्छ मायामा…’, ‘हातमा चुरा, शिरमा शिरबन्दी…’ लगायतका गीत संगीतप्रेमीले निकै मन पराएका छन् । उनी पछिल्लो समय मुलुकभित्र हुने मेला, महोत्सवमा निकै माग हुने गायिका हुन् । विदेशमा हुने कार्यक्रमहरुमा समेत उनी सहभागिता जनाइरहेकी हुन्छिन् ।


धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो ।

१० चैत्र २०७५, आईतवार ११:०८ मा प्रकाशित

धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो । आम नागरिकलाई सूचना, समाचार, विचार, विश्लेषण र विविध विषयमा सुसूचित गर्ने ध्येयका साथ संचालनमा रहेको धादिङ न्यूज डट कम निस्पक्ष सूचना र संचारको संवाहक हो । हामी स्वतन्त्र छौं, हामी कुनै पनि राजनीतिक. सामाजिक तथा अन्य किसिमका पूर्वाग्रहबाट अलग छौं । तपाईंको सूचना र संचारको हकको लागि समाजका विकृति र विसंगतिहरू बिरुद्ध हामी निरन्तर कलम चलाइरहनेछौँ । हामीलाई सूचना जानकारी उपलब्ध गराएर हाम्रो यस अभियानमा तपाईंले पनि साथ् दिन सक्नुहुनेछ ।  धादिङ जिल्लाको सूचना, समाचार, विचार र मनोरञ्जन छिटो छरितो रूपमा विश्वभर पुर्याउनु हाम्रो मुख्य उद्देश्य रहेको छ । ‘धादिङ न्यूज’ यहाँहरू सबैको डिजिटल पत्रिका हो ।व्यवसायको लागि विज्ञापन लगानी हो,धादिङ न्यूज डट कम मा कुनै पनि विज्ञापन वा सन्देश संप्रेषण गर्न  चाहनुहुन्छ भने हामीलाई सम्पर्क गर्न सक्नुहुनेछ ।

 

 

समाचार

सबै

सानाकिसान सहकारी संस्था लि. गोगनपानीमा तालाबन्दि, सञ्चालक समितिद्धारा प्रेस विज्ञप्ति मार्फत छलफल गर्न आह्वान

थाक्रे, ७ असोज सानाकिसा सहकारी संस्था लि. गोगनपानीमा सहकारीका केही शेयर सदस्यहरुले संस्थामा विगत लामो समयदेखी कार्यरत कर्मचारीहरुले किर्तेरुपमा किसानहरुको नामबाट रिण प्रभाहगरी आफुखुसी रु.६७ लाख ५० हजार.....

सामाजिक सेवा दिवशको अवशरमा खुला वक्तृत्वकला प्रतियोगिता सम्पन्न

  महादेववेंशी, ६ असोज सामाजिक क्षेत्रमा राष्ट्रिय गौरब आजको आवश्यकता, सम्वृद्धि र सुखको लागि सामाजिक.....

धादिङका तीन सहित नेपाल प्रहरीका ४८८ इन्स्पेक्टरको सरुवा

काठमाण्डौं । नेपाल प्रहरीका ४ सय ८८ जना प्रहरी निरीक्षक (इन्सपेक्टर)को सरुवा भएको छ । प्रहरी प्रधान कार्यालयले.....

युवाहरुको सवालका सन्दर्भमा युवा अन्तर संवाद कार्यक्रम सम्पन्न

५ असोज, महादेववेशी, ४१ औं सामाजिक सेवा दिवसको अवसरमा थाक्रे गाउँपालिका, महादेववेशीमा सामाजिक क्षेत्र, राष्ट्रिय.....

मापदण्ड विपरित चलेका पाँच क्रसर उद्योग बन्द

नुवाकोट- नुवाकोट जिल्लामा  मापदण्ड विपरित सञ्चालन भइरहेका क्रसर उद्योगहरु जिल्ला प्रशासन कार्यालयले बन्द.....

Categories