अमेरिकाको कोलोराडोमा अप्रिल १४ मा नेपाल डे परेड हुने

335 पटक पढिएको

प्रकाशित मिति: ११ चैत्र २०७५, सोमबार १३:२७

सम्पादक: Dhading News

 

 

नातिबाबु भट्ट
कोलोराडो, अमेरीका – नेपाली नयांबर्ष २०७६ को उपलक्ष्यमा अमेरिकाको कोलोराडो निवासी नेपालीहरुले “नेपाल डे परेड” को आयोजना गरी नयाँ बर्ष मनाउनुका साथै शुभकामना आदान प्रदानगर्ने भएका छन् ।
रकि माउन्टेण्ड फ्रेन्डस् अफ नेपालको आयोजना तथा हेल्पिङ ≈याण्डको सहयोगमा कोलोराडो स्थित बोल्डर नगरमा आगामी अप्रिल १४ तारिक आईतबार दिउसो १ बजेदेखी ३ बजे सम्म “नेपाल डे परेड” कार्यक्रम हुन लागेको हो ।
महावाणिज्य दुत प्रेमराजा महतको प्रमुख आतिथ्यतामा हुन गईरहेको कार्यक्रममा स्थानीय संघ संस्थाका प्रतिनिधी, गन्यमान्य, बुद्धीजिवी, कलाकार, पत्रकार, व्यवसाही, सर्बसाधारण तथा नेपाल र नेपाली प्रति सद्भाव राख्ने सबैको उपस्थितीको लागी रकि माउन्टेण्ड फ्रेन्डस् अफ नेपालका महासचिव टिका पौडेलले हार्दिक अनुरोध गरेका छन् ।
भौगोलीक हिसावले नेपाल संग मिल्दो जुल्दो सुन्दर बोल्डर नगरमा आयोजना हुन गईरहेको परेड कार्यक्रममा नेपालीहरुबाट नेपालको झण्डा, प्लेकार्ड, संघ संस्थाको ब्यानर बोकी धिमेबाजा र लाखेको तालमा नेपाली गीत संगै शुभकामना आदान प्रदान हुने गर्दछ । यसरी हर्सोउल्लास तथा मनोरन्जनका साथ नगर परिक्रमा गरि नेपाल र नेपालीको संस्कृती पहिचाहन गराउने यो सुनौलो अवशर नगुमाउन उनले सबैलाई अपिल गरेका छन् । स्थानीय खुल्लामञ्चबाट सुरुहुने कार्यक्रममा आÏनो जातीय भेष भूषा हुनेले जातिय भेष भुषमा, नहुने दाजुभाईहरुले नेपालीको पहिचाहन स्वरुप दौरासुरुवाल, ढाकाको टोपी र महिला दिदी बहिनीहरुलाई साडी चोलो लगाएर कार्यक्रममा सहभागी हुन अनुरोध गरेका छन् ।
त्यसैगरी परेडको अगिल्लो दिन १३ तारिकका दिन सांझ ५ बजे देखी ९ बजेसम्म नेपाली संस्कृतीक कार्यक्रम आयोजना गरिने भएकोले उक्त कार्यक्रममा पनि सहभागी हुन महासचिव पौडेलले सबैलाई आग्रह गरेका छन् ।
बोल्डर सहरमा नेपालीहरुको बसोबास बाक्लो हुदैगए पछि यहाका स्थानीयलाई नेपाली भाषा संस्कृती पहिचान गराउन हेल्पिङ्ग हेण्डका अध्यक्ष नारायण श्रेष्ठको पहलमा आज भन्दा १५ बर्ष अगाडी “नेपाल डे परेड”को सुरुआत गरिएको थियो । कोलोराडो स्थित बोल्डर सिटी एण्ड काउन्टिको कार्यालयले सन् २००४ देखि हरेक बर्ष अप्रिल महिनाको तेश्रो आईतबार नेपालीहरुको नया ंबर्षको उपलक्ष्यमा “नेपाल डे परेड” हुनेछ भन्ने औपचारिक घोषणा गरेपछि “नेपाल डे परेड”कार्यक्रम आयोजना गर्न थालिएको हो । अहिले अमेरिकाको बिभिन्न स्टेटमा “नेपाल डे परेड” कार्यक्रम हुन शुरुभएपनि नेपालीहरुको दिवस भनेर अमेरीकी सरकारबाट स्विकृत भएको यो पहिलो सुचीकृत कार्यक्रम हो ।



धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो ।

११ चैत्र २०७५, सोमबार १३:२७ मा प्रकाशित

समाचार

सबै

सुन्दरी माविलाई खेलकुद सामाग्री हस्तान्तरण

धादिङको त्रिपुरासुन्दरी गाउँपालिका वडा नम्बर ६ मा रहेको सुन्दरी माविलाई खेलकुद सामाग्री हस्तान्तरण गरिएको छ । सामाजिक कार्यमा समर्पित रहँदै आएको लायन्स क्लब अफ नेपाल हाईलाईटको संयोजनमा रुमाहेदि.....

दार्खा खुकुरी आक्रमणको मुख्य योजनाकार अशोक पक्राउ

खनियावास । धादिङको खनियावास गाउँपालिका वडा नम्बर ४ दार्खामा मंगलबार राति भएको खुकुरी आक्रमणको मुख्य योजनाकार.....

दार्खामा खुकुरी प्रहारः एकको मृत्यु, एक गम्भिर घाईते

धादिङ । धादिङको खनियावास गाउँपालिका वडा नम्बर ४ दार्खामा मंगलबार राति दुई जनामाथि खुकुरी प्रहार भएको छ । घरमा.....

शोक मनाउन नीलकण्ठ नगरपालिकामा सार्बजनिक बिदा

धादिङ , ११ माघ -  मंगलबार ढोलामण्डलीबाट फर्कदै गरेका सात जनाको दुर्घटनामा परेर ज्यान गएपछि नीलकण्ठ नगरपालिकाले.....

युरुङ तामाङको हत्यामा संलग्न बेनिघाटका झ्याप्ले पक्राउ

 धादिङ । धादिङको बेनिघाट रोराङ गाउँपालिका–७ का २५ वर्षीय झ्याप्ले भनिने कमल विक हत्या अभियोगमा पक्राउ परेका छन्.....

Categories