स्मार्ट सिटी धादिङबेसीमा सार्वजनिक शौचालय कता छ ?

399 पटक पढिएको

प्रकाशित मिति: १२ चैत्र २०७५, मंगलवार २३:११

सम्पादक: Dhading News

धादिङबेसी – तपाई काम बिशेषले धादिङ जिल्लाको सदरमुकाम आउँदै हुुनुहुन्छ भने सचेत रहनु होला,सदरमुकामको मुख्य वजार क्षेत्रमा आएर दिसा पिसाव लागे कोही आफन्त, चिनजानको मान्छे वजारमा भए उसैको घर पसल तिर छिर्नुहोला, त्यति पनि नभए नजिकैको होटल तिर छिरेर आफ्नो समस्या समाधान गर्नुहोला । स्मार्ट सिटि बन्ने भनेर चर्चामा आएको जिल्लाको सदरमुकाममा एउटा पनि सार्वजनिक शौचालय छैन । धादिङबेसीको मुख्य वजार क्षेत्र भित्र एउटा पनि सार्वजनिक शौचालय नभएका कारण जिल्ला सदरमुकाममा विभिन्न काम लिएर आउने सर्वसाधारणले बर्षौ देखि सास्ती खेप्नु परेको छ ।
एक दशक अघि देखि सदरमुकामको वजारक्षेत्रमा सार्वजनिक शौचालय निर्माणको माग हुंदै आएपनि जिल्लाका कुनै पनि सरोकारवाला निकायले चासो नदेखाएको सर्वसाधरणको गुनासो छ । वजारको सबैभन्दा मान्छेको चाप रहने बिचवजार क्याम्पस चोक, मिलन टोल,सुगमटोल, पुछारवजार लगायतका वजार क्षेत्रमा एउटा पनि सार्वजनिक शौचालय नभएको कारण यात्रा गरेर झरेका यात्रुहरु समस्यामा पर्ने गरेका छन । पुछारवजारको आँसीदोभान नजिकै विदेशमा रहेका नेपालीहरुको सहयोगमा सार्वजनिक शौचालय बनेको भएपनि त्यो स्थान अपायक भएको सर्वसाधरण वताउँछन ।
सार्वजनिक शौचालय नहुंदा बिशेष गरी सदरमुकामभन्दा वाहिरका गाउँबस्तीबाट जिल्लाका विभिन्न कार्यालयमा सेवा लिन आउने सेवाग्राही तथा अन्य कामले आएका विदेशी पर्यटक,सर्वसाधरण दिसापिसाव लाग्दा कता जाने भनेर अन्यौलमा पर्ने गरेको नेपाल पत्रकार महासंघ धादिङका संस्थापक अध्यक्ष सीताराम वर्मा वताउँछन ।
जिल्लाको सदरमुकाम जस्तो महत्वपूर्ण वजार क्षेत्रमा एउटा पनि सार्वजनिक शौचालय नहुँदा बिशेष गरी, जेष्ठ नागरिक, अपाङ्गता भएका, नेत्रहिन लगायतका व्यक्तिहरु सबैभन्दा समस्यामा पर्ने गरेको धादिङ नेत्रहिन संघका राजु रेग्मी बताउँछन ।
सम्वन्धित निकायले कुनै चासो नदिंदा सदरमुकाममा सडक पेटी समेत अतिक्रमण गरी पसल तथा निर्माण समाग्री राखिदिंदा अपाङ्गगता भएका व्यक्तिहरु वजार क्षेत्रमा सहज रुपमा हिंडडुल गर्न समेत नपाएको, सवारी साधनको असिमित गतिका कारण वजारक्षेत्रमा आवतजावतमा समेत समस्या भएको भन्दै यस्ता बिषयलाई तत्काल सम्वोधन गरिदिन रेग्मीले सार्वजनिक रुपमा आग्रह गरेका छन । मंगलवार जिल्ला प्रहरी कार्यालय धादिङले आयोजना गरेको प्रहरी समुदाय साझेदारी कार्यक्रमको सार्वजनिक सुनुवाईमा वोल्दै रेग्मीले नीलकण्ठ नगरपालिकाका प्रमुख भिम ढुंगाना र प्रमुख जिल्ला अधिकारी भागिरथ पाण्डे, प्रहरी उपरिक्षक राजकुमार वैदवारको ध्यानाकर्षण गराएका हुन ।
कार्यक्रममा अपाङ्गता भएका व्यक्तिलाई धादिङका यातायात व्यवसायीले सहज रुपमा यात्रा गर्न नदिएको, अपमान गर्ने गरेको,बसका चालकले अपाङ्गता भएका मान्छे देखेपछि मोटर नरोक्ने गरेको, आरक्षण सिटमा सवालङ्गलाई राखेर यात्रा गराएको जस्ता बिषयमा पटक पटक गुनासो गरेपनि सुनुवाई नभएको वताएका थिए ।
सार्वजनिक सुनुवाईमा वजारक्षेत्र व्यवस्थित गर्नु पर्ने, वसपार्कबाट बसहरु चल्नुपर्ने वजार क्षेत्र भित्रको सडकको मर्मत तत्काल हुनुपर्ने, यातायातका साधन चलाउँदा चालकहरु संयमित रहनु पर्ने, सह चालकलाई सवारी हाँक्न दिन नहुने, मदिरा सेवन गरेर सवारी चलाउनेलाई तत्काल कारवाही गरिनुपर्ने, मुख्य चोक र संवेदनशिल क्षेत्रमा प्रहरी गस्ती बढाउनुपर्ने बिषयमा सर्वसाधरणले सरोकारवाला निकायको ध्यानाकर्षण गराएका थिए ।



धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो ।

१२ चैत्र २०७५, मंगलवार २३:११ मा प्रकाशित

समाचार

सबै

बढ्यो सामाजिक सुरक्षा भत्ता

काठमाडौं । सरकारले बृद्ध भत्ता बढाएको छ । बढेको भत्ता अव कार्यान्वयनमा समेत आएको छ । सरकारले चालु आर्थिक वर्ष २०७६–७७ को बजेटमा घोषणा गरेअनुसार ज्येष्ठ नागरिकदेखि सबै शीर्षकका सामाजिक सुरक्षा भत्ता बढाएको.....

पहिरोले भत्काएको दुई महिनापछि स्याफ्रु–मैलुङ सडक मर्मतकार्य शुरू

भदौ २९, रसुवा । पहिरोका कारण गत असार महीनाबाट अवरुद्ध स्याफ्रु–मैलुङ खण्डको नयाँ राजमार्ग शनिवारबाट मर्मतकार्य.....

धादिङमा यसरी मनाइँदैछ संविधान दिवस

धादिङबेसी । धादिङमा यस बर्षको संविधान दिवस विभिन्न कार्यक्रमका साथ भव्य तरिकाले मनाइने भएको छ । २०७६ सालको.....

कालुपाण्डेमार्गमा बस दुर्घटना, १० जना घाइते

धादिङ २७ भदौ - धादिङको सिद्धलेक गाउँपालिका वडा नम्बर - ६,मा पर्ने मुक्तिनाथ मन्दिर नजिकै कालुपाण्डे मार्गमा.....

धादिङ अस्पताललाई प्रदेश सरकारको एक करोड २५ लाख अनुदान

धादिङ, २८ भदौ - प्रदेश नं ३ सरकारले धादिङ जिल्ला अस्पतालकाका साथै ३ नम्बर प्रदेशका आठ वटा सरकारी अस्पतालको सेवा.....

Categories