संरचना अपाङ्गमैत्री नहुंदा अपाङ्गता भएकाहरु सेवा लिनबाट बञ्चित

337 पटक पढिएको

प्रकाशित मिति: १८ चैत्र २०७५, सोमबार १५:५०

सम्पादक: Dhading News

धादिङ – सरकारी कार्यालय तथा अन्य सरोकारवाला निकायको संरचना अपाङ्गमैत्री नभएको कारण अपाङ्गता भएका व्यक्तिले कुनै पनि सेवा सजिलो संग लिन नपाएको नेपाल अपाङ्ग महासंघका केन्द्रिय सदस्य गुणराज खतिवडाले वताउनु भएको छ ।
कार्यालयको संरचना अपाङ्गमैत्री नभएपछि अपाङ्गता भएका व्यक्ति कुनै पनि कार्यालयमा पुगेर सेवा सुविधा उपभोग गर्न, कुनै पनि गुनासो राख्न,परामर्श लिनबाट बञ्चित हुंदै आएको खतिवडाको भनाई छ । अझ धेरै जसो स्थानीय तहमा त कार्यालय अपाङ्गमैत्री हुन त परै जावोस स्वास्थ्य र अपाङ्गता भएका व्यक्तिको लागि खर्च गर्नु पर्ने वजेट समेत सडक निर्माणमा खर्च भईरहेको खतिवडाको गुनासो छ ।
३ नम्बर प्रदेश सरकार सामाजिक बिकास मन्त्रालय स्वास्थ्य निर्देशनालयद्धारा सोमबार धादिङ जिल्लाको सदरमुकाम धादिङबेसीमा आयोजित अपाङ्गता सम्वन्धि सरोकारवालाहरु संग सचेतीकरण कार्यक्रममा अपाङ्गगता भएका व्यक्तिहरुको तर्फबाट बोल्दै खतिवडाले यि धारणा राख्नु भएको हो । संरचनाका कारण अपाङ्गता भएका व्यक्तिहरुले आफ्नो हक अधिकार उपभोग गर्न, निति निर्माता र कार्यान्वयन गर्ने पक्ष संग कार्यकक्षमा भेटेर कुराकानी गर्न नपाउनु दुःखद पक्ष भएको भन्दै सरोकारवालाहरुको ध्यानाकर्षण गराउनु भएको हो ।सरकारी कार्यालयका प्रमुख, कार्यालयका सूचना अधिकारीहरु मात्रै होइन तथा जनप्रतिनिधिहरु समेत ह्वीलचीयर पनि जान नसक्ने स्थानमा कार्यकक्ष वनाएर बस्ने गरेको अपाङ्गगता भएका व्यक्तिहरुको गुनासो छ ।
जिल्ला स्वास्थ्य कार्यालय धादिङका निमित्त कार्यालय प्रमुख वालकृष्ण नेपालीको अध्यक्षतामा भएको अन्तरक्रिया कार्यक्रममा स्वास्थ्य निर्देशनालयका निर्देशक मोहम्मद दाउद, आनन्दबन अस्पताल ललितपुरका फिजियोथेरापिष्ट जगन्नाथ महर्जन, स्वास्थ्य निर्देशनालयका क्षयकुष्ठ अधिकृत उत्तम खनाल, जिल्ला अस्पताल धादिङका निमित्त सुपरिटेण्डेट डाक्टर दिपा वोहोरा, धादिङका सहायक सरकारी वकिल गोविन्द हुमागाई लगायतले अपाङ्गता भएका व्यक्तिको समस्या,स्वास्थ्य उपचारको सुविधा, कानूनी व्यवस्था जस्ता बिषयमा सहभागीहरुलाई जानकारी दिनु भएको थियो ।
कार्यक्रममा अपाङ्गता भएका व्यक्ति, सरोकारवाला संघ संस्थाका प्रतिनिधि,संचारकर्मी, स्वास्थ्यकर्मीहरुको सहभागिता रहेको थियो ।



धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो ।

१८ चैत्र २०७५, सोमबार १५:५० मा प्रकाशित

समाचार

सबै

मलेखुमा बन्यो माछाको प्रतिमा

केशव अधिकारी (मलेखु)धादिङ – माछा बजारको रुपमा देशमै ख्याति कमाएको मलेखुमा शनिबारदेखि नयाँ पहिचान थपिएको छ । माछाका परिकारहरुका पारखीका लागि थप आकर्षित गर्न मलेखु चोकमा माछाको प्रतिमा निर्माण गरिएको.....

मौवाखोलाबाट साना मोटर गुड्न थाल्यो

धादिङ - बाढीले पुल भत्काएपछि अवरुद्ध हुन पुगेको पृथ्वीराजमार्गको मौवाखोलाको पुल मर्मत गरी चार दिनपछि साना.....

हट्यो लकडाउन

काठमाडौं । कोरोना भाइरस (कोभिड–१९) को रोकथाम तथा नियन्त्रणका लागि सरकारले साढे तीन महिनादेखि घोषणा गरेको लकडाउन.....

बाढी–पहिरोबाट सतर्क रहन सांसद भूमी त्रिपाठीको आग्रह

धादिङ - अविरल बर्षापछि धादिङ लगायत देशका विभिन्न भागमा बाढी पहिरोको जोखिम बढेको भन्दै विपदपूर्ण घडीमा सुरक्षित.....

बाढीेले मौवाखोलाको पुल बगायो ,राजधानी संगको सम्पर्क टुट्यो

धादिङ,५ साउन - देशका विभिन्न जिल्लाबाट राजधानी प्रवेश गर्ने पृथ्वीराजमार्गको धादिङ र चितवन जिल्लाको सिमानामा.....

Categories