लगानी बिनै सोसल मिडिया बाट आम्दानी गर्न सकिन्छ

199 पटक पढिएको

प्रकाशित मिति: २५ चैत्र २०७५, सोमबार १९:३९

सम्पादक: Dhading News

काठमाडौं – विराटनगरबाट राजधानी आएका उमेश विश्वकर्मा कक्षामा पढाई सकाईसकेपछि सोसियल मिडिया मार्केटिङमा व्यस्त हुन्छन् । लगानी नै नगरी उनले राम्रो कमाई गरिरहेका छन् । हिजोआज सामाजिक सञ्जाल प्रयोग नगर्नेहरु कमै हुन्छन् । त्यसमा पनि फेसबुक । उनले पनि यसैको फाईदा लिईरहेका हुन् । विशाल बजार, आरवी कम्प्लेक्स लगायतका स्थानमा भएका कपडा पसलमा गएर तस्विर खिच्छन् । त्यो पसलका साउजीसंग उनले छुट्टै ‘डील’ गरेका हुन्छन् । विश्वकर्माले आफ्नो फेसवुक लगायत विभिन्न ग्रुपहरुमा ‘फल्ना चिज’ विक्रीमा भनेर पोष्ट गर्छन । त्यसको तल आफ्नो फोन नंम्बर राख्छन् । अर्डर आईहाले आफैले डीलदेखि डेलिभरी गरिदिन्छन् । उनी भन्छन्, ‘पैसा तिरर सामान डेलिभरी गरेपनि हुन्छ वा सामान डेलिभरीपछि पैसा तिरेपनि हुन्छ ।’ निश्चित कमिशन लिएर उनी आफैले बनाएको मार्केटबाट मासिक १५, २० हजार कमाउने गरेको बताउँछन् । पढाई मात्रै नभएर खानाबस्ने खर्च समेत आफैले कमाएको रुपैँयाले टार्ने गरेका छन् ।

त्यसैगरी पोखराबाट आईटी पढ्न आएका विपिन कार्कीको कथा विश्वकर्माको भन्दा केही फरक छ । प्रकृति उस्तै भएपनि उनले विभिन्न कम्पनीसंग डीलगरी ब्राण्ड प्रोमोशनको जिम्बेवारी लिर्दै आएका छन् । कुनै वस्तु उत्पादनदेखि ब्राण्ड प्रमोशन समेत गरिदिदा एउटा कम्पनीले ८, १० हजारसम्म दिने गरेको उनी वताउँछन् । यस्ता २, ३ वटा कम्पनीसंग सम्झौता गरेर उनले पनि महिना २० हजारबढी कमाईरहेका छन् । पढाई बाहेकका समयमा गरिने यस्ता कामले उनीहरुलाई थप क्रिएटिभ बनाउने उनीहरुको अनुभव छ ।विश्वकर्मा र कार्की त प्रतिनिधि पात्रहरु मात्रै हुन् । यस्ता काम गर्ने विद्यार्थीहरु यहाँ थुप्रै भेटिन्छन् । सरकारले प्रतिवन्ध लगाउने भनिएको टुटल र पठाओमा समेत काम गरेर धेरै युवाले रोजगारी सृजना गर्दै आएका छन् । टुटल र पठाओमा आवद्ध हुने युवाहरुले महिनामा ६० हजारभन्दा बढी कमाउछन् । सोसियल मिडिया र अनलाईन सेवालाई सही सदुपयोग गर्न जान्दाको फाईदाहरु अरुपनि थुप्रै छन् ।

स्वदेश तथा विदेशमा वस्ने युवाहरुले विभिन्न नाममा ग्रुप र पेजमा सदस्य बढाएर पनि रुपैँया कमाईरहेका छन् । ग्रुप तथा पेज विक्री गरेर मात्रै नभएर भाडामा लगाएर पनि मनग्य आम्दानी गर्दै आएका छन् । एक लाख सदस्य भएको ग्रुपलाई ३० देखि ७० हजारसम्म विक्री हुने गरेको पाईन्छ । यस्ता ग्रुप र पेज थुप्रै बिक्री गरिसकेको शान्तिनगरका गणेश कडेल वताउँछन् । अझ यस्ता काममा नेपालमा भन्दा श्रम गर्न विदेश गएकाहरु बढि क्रियाशिल छन् । दश लाख सदस्य भएको ग्रुपमा समाचार वा कुनै ब्राण्डको प्रमोशन गरेबापत मासिक दश हजारसम्म लिने गरेको कडेल बताउछन् ।

सामाजिक सञ्जालमामध्ये फेसबुकले समय समयमा नियम परिवर्तन गरिरहन्छ । यस्तो अवस्थामा भने अलिक गाह्रो हुने अनुभव उनीहरुको छ । फेसबुकले विस्तारै नियम निक्कै कडा बनाउदै गएको छ । पहिले पहिले नाम परिवर्तन गर्न सजिलो थियो । तर, हिजोआज निक्कै गाह्रो भएको लमजुङका विमल पुन वताउँछन् । उनको केही फेसबुक एकाउन्ट नै डिलिट भएको अनुभव उनीसंग छ । फेसवुकले हरेक एकाण्ट खोल्दा बलियो प्रमाण खोज्छ । र, कसैले दायावाया गर्न खोज्यो भने पहिले चेतावनी दिन्छ । पटक पटक यस्तो कार्य दोहोरियो भने अकाण्ट नै डिलेट गरिदिन्छ । त्यसैगरी आफुसंग रकम नहुदा पनि कमाउने अर्को ठाउँ भनेको हाम्रोबजार लगायतका अनलाईन सपिङ साईटहरु हुन् । भाटभटेनी सुपरमार्केटले इसेवासंगको सहकार्यमा अनलाईन पसल सञ्चालन गरिरहेको छ । तर, अरु थुप्रै साईटहरु छन्, जसले जसलाई पनि निःशुल्क एक्सेस दिएर व्यापार बढाउन मद्यत गरिरहेका छन् । कतिपयले भने शुल्क लिएर मात्रै पोस्ट गर्न दिने गर्छन् । हाटबजारले बार्षिक रुपैँया लिएरमात्रै कसैको ब्राण्ड प्रोमोशन गर्न दिन्छ । अमेजोन लगायतका अनलाईन सपिङमा अनुभव लिएर आएका एक जनासंग मिलेर चितवनका रविन अधिकारीले संचालन गरेको हाटबजार डट कम आफैले पनि प्रोडक्ट राख्ने गरेको छ । त्यस्तै मलेसिया एनआरएनका पूर्व अध्यक्ष विश्व राईले विगत चार वर्षदेखि संचालन गरेको एसएनबीसपिङ डट कममा भने निःशुल्क ब्राण्ड पोस्ट तथा प्रोमोशन गर्न मिल्नेछ । तर, यस प्लेट फर्मबाट विक्री भएको सामानको निश्चित प्रतिशत वेबसाईट संचालकले लिने गर्छन ।

सोसियल मिडियाको बढ्दो प्रभाव नेपालमा पनि देखिन थालेको यसबाट पनि स्पष्ट हुन्छ । यसको फाईदा विद्यार्थीदेखि व्यापारीसम्मले लिईरहेका छन् । तर, सोसियल मिडियाको उचित प्रयोगभन्दा बढी दुरुपयोग गरेको पनि पाईन्छ । अपराध अनुसन्धान महाशाखामा सामाजिक सञ्जाल दुरुपयोगको उजुरीको चाङ नै लाग्ने गरेको पाईन्छ ।



धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो ।

२५ चैत्र २०७५, सोमबार १९:३९ मा प्रकाशित

समाचार

सबै

स्कुटर चोरेर बिक्री गर्ने चार जना धादिङबाट पक्राउ

धादिङ,२९ कात्तिक । स्कुटर चोरी  गरि बिक्री गर्ने कार्यमा संलग्न रहेका चार जना लाई धादिङ प्रहरीले पक्राउ गरि सार्वजनिक गरेको छ । स्कुटर चोरी गर्ने तथा चोरीका स्कुटर किन्ने कार्यमा संलग्न रहेको अभियोगमा.....

Vacancy Announcement

Published Date:  25 Kartik  2076 Dhading Chamber of Commerce and Industry and Mott MacDonald  has been  implementing a DFID-funded Post-earthquake recovery project (Purnima) in Dhading Districts. The program aims to create long-term positive change in the lives of people in.....

बुद्धिमान तामाङलाई राप्रपाको कार्यवाहक अध्यक्षको जिम्मेवारी

काठमाण्डौं -वरिष्ठ उपाध्यक्ष बुद्धिमान तामाङलाई कार्यवाहक अध्यक्षको जिम्मेवारी दिएर राष्ट्रिय प्रजातन्त्र.....

बूढीगण्डकी आयोजनाले बाँड्यो २७ अर्ब ८० करोड मुआब्जा

धादिङ-बूढीगण्डकी जलविद्युत् आयोजनाले डुबान क्षेत्रमा पर्ने बासिन्दालाई रु २७ अर्ब ८० करोड मुआब्जा वितरण.....

रणबहादुर शाही सहित तीन जना कारागार चलान

धादिङ–विभिन्न अभियोगमा अदालतले सजायँका लागि फैसला गरेपनि फरार रहँदै आएका प्रतिवादी पक्राउ अभियानलाई जिल्ला.....

Categories