धादिङमा ४६ नाल बन्दुक प्रहरीमा बुझाईयो

356 पटक पढिएको

प्रकाशित मिति: २ बैशाख २०७६, सोमबार १८:४६

सम्पादक: Dhading News

केशव अधिकारी

धादिङ, २ बैशाख – जिल्ला प्रहरी कार्यालय धादिङले सोमबार ४६ थान भरुवा वन्दुक सार्वजनिक गरेको छ ।
जिल्ला प्रशासन कार्यालय धादिङले गत चैत १ गते ईजाजत नभएका अबैध हतियारहरु ३५ दिन भित्र सुरक्षा निकायलाई बुझाउन सार्वजनिक सूचना जारी गरेको थियो । कानुन बमोजिम लिनु पर्ने ईजाजत नलिई वा ईजाजत पत्र नबिकरण नगराई तथा ब्यक्तिको मृत्यु पश्चात हकवालाको नाममा नामसारी नगराई नेपाल राज्य भित्र हात हतियार खर खजाना राखेको भए प्रहरी वा सेनाको ब्यारेकमा बुझाउन स्थानीय प्रशासनले सबैमा सूचित गरेको थियो ।
गृह मन्त्रालयको चैत १ को सूचना अनुसार ईजाजत नभएका, नबिकरण नभएका र ब्यक्तिको हकवालाको नाममा नामसारी नगराई राखीएका हात हतियाार खरखजाना ३५ दिन भित्र बुझाउन सर्बसाधारणको नाममा सूचना जारी गरेपछि धादिङ जिल्लामा पनि गाउँ गाउँबाट अबैध भरुवा बन्दुक प्रहरीलाई बुझाईएको हो ।
सार्वजनिक सूचना जारी भएको मिति देखि २०७६ बैशाख २ गते विहान सम्ममा धादिङ जिल्लाका विभिन्न स्थानबाट ४६ नाल भरुवा बन्दुक प्रहरीमा बुझाईएको धादिङका प्रहरी उपरिक्षक राजकुमार बैदवारले जानकारी दिए । प्रहरी प्रशासनको आग्रहपछि बिशेष गरी उत्तरी धादिङको रुवीभ्याली, खनियावास र गंगाजमुना गाउँपालिकाबाट ४६ नाल भरुवा वन्दुक प्रहरीमा बुझाईएको हो । प्रहरी उपरिक्षक बैदवारका अनुसार प्रहरी चौकी सेर्तुङ इलाका प्रहरी कार्यालय दार्खा,अस्थायी प्रहरी पोष्ट डुन्डुरे, गंगाजमुना वडा कार्यालयमा अबैध भरुवा वन्दुक बुझाईएको हो । प्रहरीलाई बुझाईएको मध्ये १६ नाल बन्दुक चैत १२ गतेनै जिल्ला प्रहरीले पत्रकार सम्मेलन गरेर सार्वजनिक गरेको थियो । ३० नाल बन्दुक जिल्लाका विभिन्न स्थानबाट संकलन गरि बैशाख २ गते सार्वजनिक गरिएको हो ।
तोकिएको समय भित्र हात हतियार खरखजाना बुझाएमा यस अघि ति अबैध हतियार राखेको आरोपमा कुनै कारबाही नहुने तर तोकीएको समयमा अबैध हतियार नबुझाउनेलाई प्रचलीत कानुन अनुसार कारबाही हुने धादिङका प्रमुख जिल्ला अधिकारी भागिरथ पाण्डेले वताए । बिप्लव समुहको गतिबिधि बढन थाले पछि गृहले सबै जिल्लामा अबैध हतियार बुझाउन परिपत्र गरेको हो । जिल्लामा अबैध हतियार रहेको आशँका गरिए पनि त्यस्ता हतियार भने बुझाउनेको सँख्या निकै कमी भएको बुझिएको छ । तत्कालीन माओबादी जनयुद्धको समय र राजा ज्ञानेन्द्रको शासनकालमा पनि गाउँ गाउँबाट अबैध हतियार संकलन गरिएको थियो ।

 



धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो ।

२ बैशाख २०७६, सोमबार १८:४६ मा प्रकाशित

समाचार

सबै

बढ्यो सामाजिक सुरक्षा भत्ता

काठमाडौं । सरकारले बृद्ध भत्ता बढाएको छ । बढेको भत्ता अव कार्यान्वयनमा समेत आएको छ । सरकारले चालु आर्थिक वर्ष २०७६–७७ को बजेटमा घोषणा गरेअनुसार ज्येष्ठ नागरिकदेखि सबै शीर्षकका सामाजिक सुरक्षा भत्ता बढाएको.....

पहिरोले भत्काएको दुई महिनापछि स्याफ्रु–मैलुङ सडक मर्मतकार्य शुरू

भदौ २९, रसुवा । पहिरोका कारण गत असार महीनाबाट अवरुद्ध स्याफ्रु–मैलुङ खण्डको नयाँ राजमार्ग शनिवारबाट मर्मतकार्य.....

धादिङमा यसरी मनाइँदैछ संविधान दिवस

धादिङबेसी । धादिङमा यस बर्षको संविधान दिवस विभिन्न कार्यक्रमका साथ भव्य तरिकाले मनाइने भएको छ । २०७६ सालको.....

कालुपाण्डेमार्गमा बस दुर्घटना, १० जना घाइते

धादिङ २७ भदौ - धादिङको सिद्धलेक गाउँपालिका वडा नम्बर - ६,मा पर्ने मुक्तिनाथ मन्दिर नजिकै कालुपाण्डे मार्गमा.....

धादिङ अस्पताललाई प्रदेश सरकारको एक करोड २५ लाख अनुदान

धादिङ, २८ भदौ - प्रदेश नं ३ सरकारले धादिङ जिल्ला अस्पतालकाका साथै ३ नम्बर प्रदेशका आठ वटा सरकारी अस्पतालको सेवा.....

Categories