धादिङको सलाङघाट नजिकै तीर्थयात्री चढेको बस पल्टिंदा दुईको मृत्यु

548 पटक पढिएको

प्रकाशित मिति: ८ बैशाख २०७६, आईतवार १५:४४

सम्पादक: Dhading News

धादिङ, ८ बैशाख – मनकामना दर्शनका लागि जांदै गरेका तिर्थयात्रीहरु चढेको बस बस धादिङको सलाङघाट नजिकै दुर्घटना हुंदा दुई जनाको मृत्यु भएको छ । बसमा रहेका अन्य २५ जना मध्ये दश जना गम्भिर घाईते भएका छन् ।
काठमाण्डौंबाट मनकामना केवलकार तर्फ गईरहेको बस धादिङ जिल्लाको वेनिघाट रोराङ गाउँपालिका वडा नम्बर ३ मा पर्ने पृथ्वी राजमार्गको सलाङघाट नजिकै आईतबार विहान पौने ११ वजे तिर दुर्घटना हुंदा दुई जनाको मृत्यु भएको हो भने बसमा सवार यात्रु मध्ये आठ जना गम्भिर र १६ जना सामान्य घाईते भएका छन् ।
दुर्घटनामा परि घटनास्थलमानै मृत्यु हुनेहरुमा दोलखाको चरिकोट निवासी २८ वर्षर्षका हरिवंस केसी र उपचारका क्रममा कालिन्चोक गाँउपालिकाका ७१ वर्षीया पार्वती बुढाथोकी रहेको जिल्ला प्रहरी कार्यालय धादिङले जनाएको छ । घाईते केसीलाई उपचारका लागि राजमार्ग सामुदायिक अस्पताल मलेखु लगिएकोमा उपचारकै क्रममा उनको मृत्यु भएको हो । बस सडकबाट ५० मिटर तल खसको थियो । आर्का एकको उपचारका क्रममा राजमार्ग सामुदायीक अस्पताल मलेखुमा मृत्यु भएको ईलाका प्रहरी कार्यालय गजुरीका प्रमुख प्रहरी निरिक्ष नवराज ढुङ्गेलले जानकारी दिए ।
दोलखा जिल्ला घर भई हाल काठमाण्डौंमा वसोवास गर्दै आईरहेकाहरुले मनाकामना दर्शनका लागी काठमाण्डौबाट बा ४ ख १४१५ नम्बरको मिनी बस रिजर्भमा लिएर आएका थिए । बस दुर्घटना पछि स्थानीयवासी, प्रहरी तथा उद्धारकर्मीहरुको सहयोगमा घाईतेहरुलाई उद्धार गरी सबैलाई उपचारका लागी स्थानीय अस्पतालहरुमा पठाईएको थियो । प्रारम्भिक उपचार पछि घाईते सबैलाई थप उपचारका लागि काठमाण्डौ पठाईएको छ । दुर्घटनामा परी सामान्य घाइते १६ जनाको मलेखु स्थित राजमार्ग सामुदायिक अस्पताल र गजुरी अस्पतालमा प्रारम्भिक उपचार गराईएको थियो । दुर्घटनामा सख्त घाइते भएका ८ जनाको भने थप उपचाराका लागी राजधानी काठमाण्डौं पठाइएको समेत प्रहरीले जनाएको छ ।
तिर्थयात्री लिएर आएको बसले सोही दिशाबाट जाँदै गरेको ट्रकलाई उछिन्न खोज्दा दुर्घटना भएको इलाका प्रहरी कार्यालय गजुरीका प्रहरी निरीक्षक नबराज ढुङ्गेलले बताए । बस ओभेरटेक गर्ने क्रममा सडकबाट उछिट्टिएर खसेको हुनसक्ने प्रहरी निरिक्षक ढुंगेलको भनाई छ । यता बसका चालक बसन्त घर्तीले भने ब्रेक फेल भएर अनियन्त्रित भई सडकबाट बस खस्न पुगेको दावी गरेका छन् । सामान्य घाईते भएका बसका चालकलाई प्रहरीले नियन्त्रणमा राखेको छ ।बसमा ३० जना यात्रु रहेको प्रहरीले बताएको छ । बस पृथ्वी राजमार्गबाट करिब ५० मिटर तल त्रिशूली नदी छेउमा खसेकोे थियो ।



धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो ।

८ बैशाख २०७६, आईतवार १५:४४ मा प्रकाशित

धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो । आम नागरिकलाई सूचना, समाचार, विचार, विश्लेषण र विविध विषयमा सुसूचित गर्ने ध्येयका साथ संचालनमा रहेको धादिङ न्यूज डट कम निस्पक्ष सूचना र संचारको संवाहक हो । हामी स्वतन्त्र छौं, हामी कुनै पनि राजनीतिक. सामाजिक तथा अन्य किसिमका पूर्वाग्रहबाट अलग छौं । तपाईंको सूचना र संचारको हकको लागि समाजका विकृति र विसंगतिहरू बिरुद्ध हामी निरन्तर कलम चलाइरहनेछौँ । हामीलाई सूचना जानकारी उपलब्ध गराएर हाम्रो यस अभियानमा तपाईंले पनि साथ् दिन सक्नुहुनेछ ।  धादिङ जिल्लाको सूचना, समाचार, विचार र मनोरञ्जन छिटो छरितो रूपमा विश्वभर पुर्याउनु हाम्रो मुख्य उद्देश्य रहेको छ । ‘धादिङ न्यूज’ यहाँहरू सबैको डिजिटल पत्रिका हो ।व्यवसायको लागि विज्ञापन लगानी हो,धादिङ न्यूज डट कम मा कुनै पनि विज्ञापन वा सन्देश संप्रेषण गर्न  चाहनुहुन्छ भने हामीलाई सम्पर्क गर्न सक्नुहुनेछ ।

 

 

समाचार

सबै

मलेखु धादिङबेसी सडक खण्डमा ट्याक्सी पल्टिंदा एक जनाको मृत्यु

धादिङ,९ असोज । धादिङको मलेखु धादिङबेसी सडक खण्ड (कालुपाण्डे राजमार्ग) मा विहीवार राती भएको दुर्घटनामा परि एक महिलाको ज्यान गएको छ । अन्य चार जना घाईते भएका छन् । सुत्केरी लिएर काठमाडौबाट धादिङबेसी तर्फ.....

सानाकिसान सहकारी गोगनपानीमा शेयर सदस्यले लगाए ताला

थाक्रे, ७ असोज संस्थामा अनियमितता बढेको भन्दै निष्पक्ष छानविनको माग गरि साना किसान कृषि सहकारी संस्था.....

सामाजिक सेवा दिवशको अवशरमा खुला वक्तृत्वकला प्रतियोगिता सम्पन्न

  महादेववेंशी, ६ असोज सामाजिक क्षेत्रमा राष्ट्रिय गौरब आजको आवश्यकता, सम्वृद्धि र सुखको लागि सामाजिक.....

धादिङका तीन सहित नेपाल प्रहरीका ४८८ इन्स्पेक्टरको सरुवा

काठमाण्डौं । नेपाल प्रहरीका ४ सय ८८ जना प्रहरी निरीक्षक (इन्सपेक्टर)को सरुवा भएको छ । प्रहरी प्रधान कार्यालयले.....

युवाहरुको सवालका सन्दर्भमा युवा अन्तर संवाद कार्यक्रम सम्पन्न

५ असोज, महादेववेशी, ४१ औं सामाजिक सेवा दिवसको अवसरमा थाक्रे गाउँपालिका, महादेववेशीमा सामाजिक क्षेत्र, राष्ट्रिय.....

Categories