बन्चरेडाँडामा ल्यान्डफिल्ड साइडको पहुँचमार्ग बनाउन पौने १२ करोड निकासा

365 पटक पढिएको

प्रकाशित मिति: ९ बैशाख २०७६, सोमबार ०६:३९

सम्पादक: Dhading News

धादिङ,– धादिङ र नुवाकोट जिल्लाको सिमानामा रहेको बञ्चरेडाँडालाई ल्याण्डफिल्ड साईड बनाउन त्यहाँ सम्म् पुग्ने पहुंच मार्ग निर्माणका लागि सरकारले वजेटको व्यवस्था गरेको छ । सरकारले बन्चरे डाँडा ल्यान्डफिल्ड साइडको पहुँचमार्ग निर्माण गर्न ११ करोड ७९ लाख रुपैयाँ रकमान्तर गरेको छ । कहिले स्थानीयका कारण त कहिले अन्य कारणले चर्चामा आउने गरेको ल्यान्डफिल्ड साइटसम्मको पहुँचमार्ग निर्माणको लागि अर्थ मन्त्रालयले भैपरी आउने विकास कार्यक्रम शीर्षकबाट सो रकम निकासा गरेको हो ।
काठमाडौं र ललितपुरको फोहोर व्यवस्थापन गर्न २०६२ सालमा सिसडोल ल्यान्डफिल साइट २ वर्षको क्षमता रहने गरी सञ्चालनमा ल्याइएको थियो । २ वर्षका लागि निर्माण गरिएको अस्थायी ल्यान्डफिल्डमा काठमाडौं उपत्यकाको फोहोर व्यवस्थापन १३ वर्षसम्म गरिएको छ । अहिले सो ल्यान्डफिल्ड साईड भरिएको छ । साईडको कारण उत्पन्न बाताबरणिय प्रदुषण र अन्य समस्याको समाधानका लागि स्थानीयले सरोकारवालाहरुको ध्यानाकर्षण गराउँदै आएका छन् ।

फोहोर व्यवस्थापनका लागि सरकारले सिसडोलभन्दा करिब २ किलोमिटर पर रहेको बन्चरे डाँडोलाई फोहर व्यवस्थापनको दीर्घकालीन ल्यान्डफिल बनाउने योजना ल्याएपछि त्यसको पहुँचमार्ग निर्माणको लागि सो रकम निकासा भएको हो । चैत्र महिनामा सरकारले बजेट निकासा गरेसँगै अहिले सिसडोलदेखि बन्चरेडाँडासम्म जाने बाटो निर्माण गर्ने काम भइरहेको छ । आगामी दुई महिनाभित्र सडक निर्माणको काम सम्पन्न गरी फोहोर व्यवस्थापन स्थल निर्माणको काम गर्ने योजना महानगरपालिकाको छ ।

यो ल्याण्डफिल्ड साईडको क्षमता ६।५ लाख मेट्रिक टन थियो । काठमाडौं र ललितपुरबाट मात्रै दैनिक करिब एक हजार देखि एक हजार एक सय टन फोहोर उत्पादन हूने गरेको छ । सोमध्ये ७० देखि ७५ प्रतिशत फोहर सिसडोलमै व्यवस्थापन हुँदै आएको छ । गत मंसिर १७ गते बसेको मन्त्रिपरिषद्को बैठकले उपत्यकाको फोहोरमैला व्यवस्थापन गर्न नुवाकोटस्थित बन्चरेडाँडामा निर्माण गर्नुपर्ने करिब १५ मिटर अग्लो ड्याम र अन्य पूर्वाधारसहितको ल्यान्डफिल निर्माण गर्ने जिम्मा शहरी विकास मन्त्रालयलाई दिने निर्णय गरेको थियो । हाल काठमाडौँ उपत्यकाबाट दैनिक एक हजार मेट्रिक टन र काठमाडौँ महानगरपालिकाबाट मात्र दैनिक ५०० मेट्रिक टन फोहर निष्कने गरेको छ । काठमाडौँ उपत्यकाबाट दैनिक उत्सर्जन हुने फोहरमध्ये करीब ७५ प्रतिशत फोहर सिसडोलमा व्यवस्थापन हुँदै आएको छ । बन्चरेडाँडामा निर्माण गरिने सेनेटरी ल्यान्डफिल्डका लागि आवश्यक बजेटको व्यवस्था भए पनि निर्माण कार्य सम्पन्न गर्न कम्तीमा पनि तीन वर्ष लाग्ने प्राविधिकहरू बताउँछन् ।



धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो ।

९ बैशाख २०७६, सोमबार ०६:३९ मा प्रकाशित

समाचार

सबै

धादिङका आठ सामुदायिक बिद्यालयमा आईटि ल्याव स्थापना हुंदै

धादिङ,३ कात्तिक- सरकारले साढे ३ अर्ब रुपैयाँ खर्च गरेर धादिङका ८ सहित देशभरका १ हजार विद्यालयमा सामुदायिक सूचना प्रविधि प्रयोगशाला (आईटी ल्याब) स्थापना गर्ने भएको छ । नेपाल दूरसञ्चार प्राधिकरणको ग्रामीण.....

धादिङबेसीको खानेपानी परीक्षण गरेर मात्रै पिउनुहोस

धदिङ,२ कात्तिक - सदरमुकाम धादिङबेसीका बासीन्दाले प्रयोग गर्दै आएको खानेपानीमा झाडा पखाला र हैजामा भेटिने किटाणु.....

स्थानीयतहका जनप्रतिनिधिले लिँदै आएको तलब सुविधा कानून विपरित

काठमाडौं । जनताको मत बाट निर्वाचित भएका स्थानीय तहका जनप्रतिनिधिहरु जनताको आधारभूत सेवाका लागि चाहिने निति.....

नौबिसे-कलंकी सडक एकतर्फी गराएर मर्मत शुरु

धादिङ । सर्वाधिक सवारी चाप रहने गरेको देशका करिव ७० जिल्लाबाट काठमाडौं उपत्यका भित्रिने मुख्य सडक मार्गको.....

आहालेमा निर्माण भएको सामुदायिक भबन हस्तान्तरण

त्रिपुरासुन्दरी -धादिङको त्रिपुरासुन्दरी गाउँपालिका वडा नम्बर ३ आहालेमा निर्माण सम्पन्न भएको सामुदायिक भबन.....

Categories