नेपाल कम्युनिस्ट पार्टी (नेकपा)को जिल्ला कमिटी एकता घोषणा केहीबेरमा हुंदै

1102 पटक पढिएको

प्रकाशित मिति: ९ बैशाख २०७६, सोमबार ११:४५

सम्पादक: Dhading News

धादिङ– नेपालमा कम्युनिष्ट आन्दोलनका लागि आज ऐतिहासिक दिन । नेपालमा कम्युनिष्ट पार्टी स्थापना भएको आज  ७० वर्ष पूरा भएको छ । विभिन्न कम्युनिष्ट पार्टीहरुले आज छुट्टाछुट्टै कार्यक्रम गरेर पार्टी स्थापना दिवस मनाईरहेका छन । सत्तारुढ नेपाल कम्युनिष्ट पार्टी नेकपाले भने आज ७७ वटै जिल्लाको अध्यक्ष र सचिवको नाम घोषणा गरेर मनाउँदै छ । दुई ठुला कम्युनिष्ट पार्टी एकीकरण भएर बनेको नेपाल कम्युनिस्ट पार्टी नेकपाले झण्डै एक बर्ष पछि ७७ वटै जिल्ला नेतृत्वको घोषणा गर्दै छ । नेपाल कम्युनिस्ट पार्टीको ७१ औं स्थापना दिवसको अवसरमा नेकपाले सोमबार दिउँसो राजधानीमा हुने कार्यक्रममा जिल्ला नेतृत्वको घोषणा गर्न लागेको हो । तत्कालिन नेकपा एमाले र नेकपा माओवादी केन्द्र बीच पार्टी एकता भएको ११ महिनापछि नेकपाले आइतवार ७७ वटै जिल्लाको नेतृत्व टुंगो लगाएको थियो । नेकपाको आइतवार बसेको सचिवालय बैठकले जिल्लाका अध्यक्ष र सचिवको टुंगो लगाएको प्रवक्ता नारायणकाजी श्रेष्ठले जनाए ।
७७ जिल्लमध्ये पूर्व एमालेले ४५ र पूर्वमाओवादीले ३२ जिल्लाको नेतृत्व गर्नेछन् । पूर्व एमालेको भागमा अध्यक्ष परे सचिव पूर्वमाओवादीको तर्फबाट हुनेछ । त्यस्तै पूर्वमाओवादीको भागमा अध्यक्ष परेको जिल्लामा सचिव पूर्व एमालेको तर्फबाट हुने सहमति नेताहरुबीच भएको छ । जस अनुसार धादिङमा अध्यक्षमा नेकपा एमालेका तत्कालिन कार्यवाहक अध्यक्ष भूमी त्रिपाठी र सचिवमा माओवादी केन्द्रका सचिव शालिकराम जमकट्टेलको नाम चर्चामा रहेको छ । जिल्ला नेतृत्वमा कसको वर्चस्व रहने भन्ने विवादमा अल्झिरहेका नेकपाका शीर्ष नेताहरुबीच विगतको नेतृत्वलाई प्राथमिकता दिने सैद्धान्तिक सहमति भएपछि विवाद टुंगिएको हो । यो सहमतिले सांसद, मन्त्री, स्थानीय तहका प्रमुख, उपप्रमुख लगायत पदमा रहेका पनि अध्यक्ष, सचिवलगायत नेतृत्वदायी पदमा रहने छन् । यसअघि पार्टीको केन्द्रीय सचिवालयले सांसद, मन्त्री, स्थानीय तहको प्रमुख, उपप्रमुखलगायत अन्य जिम्मेवारीमा रहेका व्यक्तिलाई जिल्लाको नेतृत्व नदिने गरी सर्कुलर जारी गरेको थियो ।



धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो ।

९ बैशाख २०७६, सोमबार ११:४५ मा प्रकाशित

समाचार

सबै

‘प्रत्येक पालिकमा एउटा आयुर्वेद औषधालय हुनुपर्छ’

धादिङका प्रत्येक स्थानीय तहमा कम्तिमा एउटा आयुर्वेद औषधालय स्थापना गर्न सरोकारवालाहरुले सुझाव दिएका छन् । जिल्ला आयुर्वेद स्वास्थ्य केन्द्र धादिङले विहीवार धादिङबेसीमा आयोजना गरेको जनप्रतिनिधि तथा.....

पहिरोले पाइप बगाएपछि छुम्राङ गाउँमा खानेपानी संकट

रुबीभ्याली (धादिङ ) -  पहिरोले खानेपानीको पाइप बगाएपछि धादिङको रुबीभ्याली गाउँपालिका ५ छुम्राङ गाउँमा पानीको.....

प्रधानमन्त्री केपी शर्मा ओलीको पक्षमा धादिङबेसीमा प्रदर्शन

धादिङबेसी–प्रधानमन्त्री केपी शर्मा ओलीको पक्षमा बुधबार सदरमुकाम धादिङबेसीमा प्रदर्शन भएको छ । प्रधानमन्त्री.....

ग्लोवल आईएमई बैकबाट गल्छी गाउँपालिकालाई सहयोग

धादिङ, २३ असार ः ग्लोबल आइएमई बैंक गल्छी शाखाले कोरोना भाईरस विरुद्धको अभियानमा गल्छी गाउँपालिकालाई सहयोग गरेको.....

कोरोना भाइरसबाट विदेशमा रहेका १४३ जना नेपालीको मृत्यु

धादिङ ।संसारभर महामारीको रुपमा फैलिरहेको कोरोना भाइरसको सङ्क्रमणबाट विदेशमा रहेका १४३ जना नेपालीको मृत्यु.....

Categories