धादिङमा दुई छोरी बसे आमाको किरियामा

577 पटक पढिएको

प्रकाशित मिति: २२ बैशाख २०७६, आईतवार १६:३४

सम्पादक: Dhading News

धादिङ, २२ बैशाख- धादिङमा आफ्नी आमाको मृत्यु पश्चात दुई जना छोरीले हिन्दु संस्कार अनुसार किरिया सुरू गरेका छन । छोरी किरिया बस्नु हुँदैन भन्ने परम्परागत अन्धविश्वासी सामाजिक मान्यतालाई तोड्दै जिल्लाको ज्वालामुखी गाउँपालिका वडा नम्बर ४ ढोला घर भई हाल नीलकण्ठ नगरपालिका वडा नम्बर ३ धादिङबेसी पुछारवजारमा बस्ने दुई छोरीले आफ्नी आमाको किरिया गरिरहेका छन् ।
नेपाल घरेलु तथा साना उद्योग महासंघ धादिङका अध्यक्ष एवम धादिङ उद्योग वाणिज्य संघका कार्यसमिति सदस्य विश्वराम दुवाडीको धर्मपत्नि ४१ वर्षीया भगवती दुवाडीको अर्वुद रोगको कारण यहि बैशाख १७ गते निधन भएपछि उनकी दुई छोरी संगिता र सरला आमाको काजकिरियामा बसेका हुन । छोराले मात्रै किरिया गर्नुपर्छ भन्ने मान्यतालाई तोड्दै संगीता र सरलाले आफ्नी आमाको किरिया बसेपछि अहिले धेरैले यो बिषयलाई निकै चासो दिएका छन ।

समाजमा छोरा र छोरीबीच हुने विभेदलाई चुनौती दिँदै सदरमुकाम धादिङबेसीको नजिकै दुई छोरीहरु आफ्नी आमाको किरिया बसेपछि अहिले सामाजिक सन्जाल देखि हरेक ठाउँमा उनिहरुको कार्यको चर्चा हुन थालेको छ । ‘धन्यवाद मेरो प्यारी छोरीहरुलाई, आँट र साहस गर्दै समाजमा रहेको अन्धबिस्वासको अन्त्य गरी आफ्नो ममिको मृत्यु पश्चात गरिने सम्पुर्ण कार्यहरु आफै गर्ने निर्णय गरेकोमा, छोरीहरु पनि छोरा भन्दा कम छैनन भन्ने सबै लाई उदाहरण बनोस’ भन्दै संगीता र सरलाका बुबा बिश्वरामले आफ्नी दुई छोरीको यस कदमको प्रसंसा गर्दै कोरामा बसेका छोरीहरुको तस्बिर समेत सामाजिक सञ्जालमा सार्वजनिक गरेका छन् । सामाजिक सन्जालमा किरिया बसेका छोरीहरुलाई धेरैले प्रशंसा गरेका छन, छोरा र छोरी दुवै बराबरी हुन भन्ने सन्देश दिन उनिहरुको कदम उदहारिणय बनेको धेरैको ठम्याई छ ।

‘छोरासरहको कर्म बुबाआमाले हामी छोरीलाई पनि दिनुभएको छ । त्यसैले छोराहरूले गर्न सक्ने काम हामीहरू पनि गर्न सक्छौँ भन्ने लागेर किरिया बसेका हौँ’ किरियामा रहेका दिदि वहिनीले वताए । समाजले काजकिरियाका लागि छोरानै हुनुपर्छ भन्ने मान्यता राख्ने गरेको छ भने छोरा नहुनेको हकमा घरभित्रकै नजिकको व्यक्तिलाई किरिया गर्न लगाउने गरेको छ । दुवाडी परिवारमा पनि छोरीहरुले आमाको किरिया बस्ने अठोट लिए पछि पारिवारिक सल्लाहमै मृत्यु पश्चातको संस्कार पुरा गर्ने जिम्मेवारी छोरीहरुलाई दिईएको हो । आंफुलाई जन्म दिने आमाको किरिया गर्छु भन्दा छोरीलाई पन्छाउनु हुंदैन, यस्तो काममा छोरा छोरी दुवै समान हुन भन्ने सन्देश प्रवाह गर्न पनि उनिहरुको कदमलाई प्रोत्साहन गरिएको र यो घटना समाजका लागि उदाहरिणय हुने संगीता र सरलाका काका सामाजिक अभियन्ता शालिकराम दुवाडीको भनाई छ ।

संगिता र सरलाले किरिया गर्दा कपाल खौरनेबाहेक अरु सबै विधि पुरा गरिरहेका छन् । संगीता स्नातक तह र सरला कक्षा ११ मा पढ्दै छिन । सरलाको परीक्षा यहि बैशाख २९ गते पर्दछ जुन दिन उनिहरुको आमा बितेको १३ दिन हुन्छ । जिल्लामा छोरीले आमाको किरिया बसेको पहिलो घटना भने होइन । केहि बर्ष अघि जिल्लाकै धुनिबेसी नगरपालिकाको राईगाउँमा पनि छोरीहरुले किरिया गरेका थिए ।



धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो ।

२२ बैशाख २०७६, आईतवार १६:३४ मा प्रकाशित

धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो । आम नागरिकलाई सूचना, समाचार, विचार, विश्लेषण र विविध विषयमा सुसूचित गर्ने ध्येयका साथ संचालनमा रहेको धादिङ न्यूज डट कम निस्पक्ष सूचना र संचारको संवाहक हो । हामी स्वतन्त्र छौं, हामी कुनै पनि राजनीतिक. सामाजिक तथा अन्य किसिमका पूर्वाग्रहबाट अलग छौं । तपाईंको सूचना र संचारको हकको लागि समाजका विकृति र विसंगतिहरू बिरुद्ध हामी निरन्तर कलम चलाइरहनेछौँ । हामीलाई सूचना जानकारी उपलब्ध गराएर हाम्रो यस अभियानमा तपाईंले पनि साथ् दिन सक्नुहुनेछ ।  धादिङ जिल्लाको सूचना, समाचार, विचार र मनोरञ्जन छिटो छरितो रूपमा विश्वभर पुर्याउनु हाम्रो मुख्य उद्देश्य रहेको छ । ‘धादिङ न्यूज’ यहाँहरू सबैको डिजिटल पत्रिका हो ।व्यवसायको लागि विज्ञापन लगानी हो,धादिङ न्यूज डट कम मा कुनै पनि विज्ञापन वा सन्देश संप्रेषण गर्न  चाहनुहुन्छ भने हामीलाई सम्पर्क गर्न सक्नुहुनेछ ।

 

 

समाचार

सबै

मलेखु धादिङबेसी सडक खण्डमा ट्याक्सी पल्टिंदा एक जनाको मृत्यु

धादिङ,९ असोज । धादिङको मलेखु धादिङबेसी सडक खण्ड (कालुपाण्डे राजमार्ग) मा विहीवार राती भएको दुर्घटनामा परि एक महिलाको ज्यान गएको छ । अन्य चार जना घाईते भएका छन् । सुत्केरी लिएर काठमाडौबाट धादिङबेसी तर्फ.....

सानाकिसान सहकारी गोगनपानीमा शेयर सदस्यले लगाए ताला

थाक्रे, ७ असोज संस्थामा अनियमितता बढेको भन्दै निष्पक्ष छानविनको माग गरि साना किसान कृषि सहकारी संस्था.....

सामाजिक सेवा दिवशको अवशरमा खुला वक्तृत्वकला प्रतियोगिता सम्पन्न

  महादेववेंशी, ६ असोज सामाजिक क्षेत्रमा राष्ट्रिय गौरब आजको आवश्यकता, सम्वृद्धि र सुखको लागि सामाजिक.....

धादिङका तीन सहित नेपाल प्रहरीका ४८८ इन्स्पेक्टरको सरुवा

काठमाण्डौं । नेपाल प्रहरीका ४ सय ८८ जना प्रहरी निरीक्षक (इन्सपेक्टर)को सरुवा भएको छ । प्रहरी प्रधान कार्यालयले.....

युवाहरुको सवालका सन्दर्भमा युवा अन्तर संवाद कार्यक्रम सम्पन्न

५ असोज, महादेववेशी, ४१ औं सामाजिक सेवा दिवसको अवसरमा थाक्रे गाउँपालिका, महादेववेशीमा सामाजिक क्षेत्र, राष्ट्रिय.....

Categories