यहि बर्षबाटै बुढीगण्डकी आयोजनाको निर्माण शुरु हुने भो

1150 पटक पढिएको

प्रकाशित मिति: २३ बैशाख २०७६, सोमबार ०६:२४

सम्पादक: Dhading News

धादिङ, २३ बैशाख । राष्ट्रिय गौरवको प्रस्तावित बहुचर्चित १२ सय मेगावाटको बुढीगण्डकी जलविद्युत् आयोजनाको निर्माण कार्य आर्थिक वर्ष २०७६/०७७ बाट सरकारले शुरु गर्ने भएको छ । आर्थिक वर्ष ०७६/७७ को नीति तथा कार्यक्रममा आयोजनाको निर्माण शुरु गरिने उल्लेख भएकाले बुढीगण्डकीको निर्माण अघि बढ्न विश्वास गरिएको हो ।

आयोजनाले धादिङ र गोरखा जिल्लाको गरी साविकका २७ वटा गाविसलाई प्रभावित पारेको छ । आयोजना भित्र डुवानमा पर्ने केही ठाउँको बाहेक अधिकांश जमिनको मुआव्जा वितरण भईसकेको छ । सरकारले प्रभावित सबै जनताहरुका लागि मूआब्जा निर्धारणको काम नसकिदैं आयोजनाको काम शुरु गर्ने योजना बनाएको छ । आयोजना प्रभावित स्थानीय जनताहरुले पटक पटक मुआब्जा निर्धारण गर्न दबाब दिदा समेत सरकारले हाल सम्म गोरखा र धादिङको सिमानामा रहेको आरुघाट बजार क्षेत्र र धादिङको खहरे क्षेत्रको मूआब्जा निर्धारण गर्न भने सकिरहेको छैन ।

त्यस्तै सरकारको नीति तथा कार्यक्रममा सरकारले नेपालको पानी जनताको लगानी अभियान अन्र्तगत ३५ सय मेगावट विद्युत् उत्पादन गर्ने महत्वाकांक्षी योजना प्रसतुत गरेको छ । उक्त आयोजनामा देशभरका सम्पूर्ण नेपालीलाई शेयर स्वामित्वमा प्रवेश गराउने सरकारले लक्ष्य लिएको छ । यस्तै आगामी चार वर्षभित्र सबैका लागि स्वच्छ ऊर्जा पहुँच र्पुयाइने र उज्यालो नेपाल अभियानअन्तर्गत सबै नेपालीका घरघरमा बिजुली पु¥याइने सरकारको नीति तथा कार्यक्रममा उल्लेख छ ।

सरकारले यसै आर्थिक वर्ष भित्र देशका विभिन्न स्थानमा निर्माण भईरहेका ८७ जलविद्युत आयोजनाको निर्माण सम्पन्न गर्ने सरकारी लक्ष्य छ । त्यसबाट एकहजार मेगावाट विद्युत केन्द्रीय प्रसारण प्रणालीमा जोडिने छ । निर्माणाधीन विद्युत् आयोजनाहरूबाट व्यावसायिक उत्पादन सुरु हुनु अगाडि प्रसारण लाइन निर्माण सम्पन्न गरिने कुरा नीति तथा कार्यक्रममा उल्लेख छ ।

१२ सय मेगावाट बिजुली उत्पादन गर्न पृथ्वीराजमार्गको बेनीघाटबाट उत्तर तर्फ २ किमी टाढाको दुरीमा गोरखाको घ्याल्चोक गण्डकी गाउँपालिका र धादिङको सिद्धलेक गाउँपालिका (सलाङ गाविस) को बिचमा २ सय ६३ मिटर उचाई र ७ सय मिटर चौडाईको बाँध निर्माण हुने छ । उक्त बाँधले नेत्रावती (आँखु)मा २२ किमी र बुढीगण्डकीमा करिव ४५ किलोमिटर मानव निर्मित ताल निर्माण हुनेछ जुन ताल पोखराको फेवा ताल भन्दा १६ गुणा ठूलो हुनेविश्वास गरिएको छ ।

यस क्षेत्रलाई पर्यटकीय क्षेत्रमा परिणत गर्न करिव २ सय ३५ किलोमिटर लम्बाइको चक्रपथ निर्माण र चक्रपथ वरपर १० वटा पर्यटकीय ग्रामिण सहरहरु निर्माण हुने प्रस्ताव अघि सारिएको छ । रंगशाला, प्याराग्लाइडिङ, मोटरबोट, रिसोर्ट, रेष्टुरेण्ट र हरित सडकहरुको अवधारणा पनि प्रस्तावमा ल्याइएको छ ।कुल २ सय ६३ मिटर अग्लो बाँध बनाउँदा सो आयोजनाले फेवातालभन्दा १६ गुणा ठूलो ताल बनाउने र पर्यटकीय गतिविधि समेत बढ्ने भएकाले सामान्य आयोजनाभन्दा पनि बहुउद्देशीय बनाउनुपर्ने आयोजना विकास समितिका पुर्व अध्यक्ष अध्यक्ष लक्ष्मीप्रसाद देवकोटा बताउनुहुन्छ ।



धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो ।

२३ बैशाख २०७६, सोमबार ०६:२४ मा प्रकाशित

धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो । आम नागरिकलाई सूचना, समाचार, विचार, विश्लेषण र विविध विषयमा सुसूचित गर्ने ध्येयका साथ संचालनमा रहेको धादिङ न्यूज डट कम निस्पक्ष सूचना र संचारको संवाहक हो । हामी स्वतन्त्र छौं, हामी कुनै पनि राजनीतिक. सामाजिक तथा अन्य किसिमका पूर्वाग्रहबाट अलग छौं । तपाईंको सूचना र संचारको हकको लागि समाजका विकृति र विसंगतिहरू बिरुद्ध हामी निरन्तर कलम चलाइरहनेछौँ । हामीलाई सूचना जानकारी उपलब्ध गराएर हाम्रो यस अभियानमा तपाईंले पनि साथ् दिन सक्नुहुनेछ ।  धादिङ जिल्लाको सूचना, समाचार, विचार र मनोरञ्जन छिटो छरितो रूपमा विश्वभर पुर्याउनु हाम्रो मुख्य उद्देश्य रहेको छ । ‘धादिङ न्यूज’ यहाँहरू सबैको डिजिटल पत्रिका हो ।व्यवसायको लागि विज्ञापन लगानी हो,धादिङ न्यूज डट कम मा कुनै पनि विज्ञापन वा सन्देश संप्रेषण गर्न  चाहनुहुन्छ भने हामीलाई सम्पर्क गर्न सक्नुहुनेछ ।

 

 

समाचार

सबै

मलेखु धादिङबेसी सडक खण्डमा ट्याक्सी पल्टिंदा एक जनाको मृत्यु

धादिङ,९ असोज । धादिङको मलेखु धादिङबेसी सडक खण्ड (कालुपाण्डे राजमार्ग) मा विहीवार राती भएको दुर्घटनामा परि एक महिलाको ज्यान गएको छ । अन्य चार जना घाईते भएका छन् । सुत्केरी लिएर काठमाडौबाट धादिङबेसी तर्फ.....

सानाकिसान सहकारी गोगनपानीमा शेयर सदस्यले लगाए ताला

थाक्रे, ७ असोज संस्थामा अनियमितता बढेको भन्दै निष्पक्ष छानविनको माग गरि साना किसान कृषि सहकारी संस्था.....

सामाजिक सेवा दिवशको अवशरमा खुला वक्तृत्वकला प्रतियोगिता सम्पन्न

  महादेववेंशी, ६ असोज सामाजिक क्षेत्रमा राष्ट्रिय गौरब आजको आवश्यकता, सम्वृद्धि र सुखको लागि सामाजिक.....

धादिङका तीन सहित नेपाल प्रहरीका ४८८ इन्स्पेक्टरको सरुवा

काठमाण्डौं । नेपाल प्रहरीका ४ सय ८८ जना प्रहरी निरीक्षक (इन्सपेक्टर)को सरुवा भएको छ । प्रहरी प्रधान कार्यालयले.....

युवाहरुको सवालका सन्दर्भमा युवा अन्तर संवाद कार्यक्रम सम्पन्न

५ असोज, महादेववेशी, ४१ औं सामाजिक सेवा दिवसको अवसरमा थाक्रे गाउँपालिका, महादेववेशीमा सामाजिक क्षेत्र, राष्ट्रिय.....

Categories