पिपलटारमा पुनर्निर्माणको विषयमा सार्वजनिक सुनुवाई

246 पटक पढिएको

प्रकाशित मिति: २५ बैशाख २०७६, बुधबार १०:२८

सम्पादक: Dhading News

धादिङ-धादिङको सिद्धलेक गाउँपालिका वडा नम्वर ७ पिपलटारमा पुनर्निर्माणको विषयमा मंगलबार सार्वजनिक सुनुवाई कार्यक्रम सम्पन्न भएको छ ।

ट्रान्सपरेन्सी इन्टरनेशनल नेपालले धादिङमा सञ्चालन गर्दै आइरहेको ‘भुकम्पपछिको पुनर्निर्माण र पुनस्थापनामा सदाचार’ (आइपिइआरआर) कार्यक्रम अन्तर्गत सार्वजनिक सुनुवाई कार्यक्रम सम्पन्न भएको हो । सिद्धलेक गाउँपालिका वडा नम्वर ७ का अध्यक्ष लक्ष्मण खतिवडाको अध्यक्षतामा भएको सार्वजनिक सुनुवाई कार्यक्रममा गाउँपालिकाका अध्यक्ष प्रेमनाथ सिलवालको प्रमुख आतिथ्य रहेको थियो ।

कार्यक्रममा अनुदान व्यवस्थापन तथा स्थानीय पूर्वाधार कार्यालयका अनुगमन तथा मुल्यांकन अधिकृत लक्ष्मी श्रेष्ठ, जिल्ला आयोजना कार्यान्वयन इकाई भवन अन्तर्गत फिल्ड प्राविधिक दिपेश्वर यादव, गैर सरकारी संस्था महासंघ नेपाल ३ नम्वर प्रदेशका अध्यक्ष दामोदर अर्याल, वडा सदस्यहरु लगायत स्थानीयबासीको सहभागिता रहेको थियो । कार्यक्रममा सहभागि स्थानीय भुकम्पप्रभावितहरुले वडामा खटिएका प्राविधिकलाई भेट गर्नै समस्या रहेको, बोलाएको बेलामा नआउने गरेको, घर बनाउँदै गर भनेपछि सोही अनुसार घर बनाउँदा पनि पछि गएर हुँदैन भनेर दुःख दिने गरेको, भुकम्पले घर भत्काएको भएपनि लाभग्राही सूचिमा नाम नपरेको, इटा भन्दा पनि बलियो गरी आफैंले घरमा ब्लक बनाएर अन्य मापदण्ड पुरा गरी घर बनाउँदा पनि ब्लक लगाएकै कारण घर पास नभएको, घरमा बस्नै नसक्ने अवस्था रहेको भएपनि मर्मत गरेर बस्न योग्य भनि आएको लगायतका विषयमा जिज्ञासा राखेका थिए ।

सहभागिहरुले राखेका जिज्ञासाका विषयमा अनुदान व्यवस्थापन तथा स्थानीय पूर्वाधार कार्यालयका अनुगमन तथा मुल्यांकन अधिकृत लक्ष्मी श्रेष्ठ, जिल्ला आयोजना कार्यान्वयन इकाई भवन अन्तर्गत फिल्ड प्राविधिक दिपेश्वर यादवले प्रष्ट पार्नुभएको थियो । कार्यक्रममा बोल्दै गाउँपालिकाका अध्यक्ष प्रेमनाथ सिलवालले भुकम्प पछिको पुनर्निर्माणमा स्थानीयबासीको पनि हेलचेक्राई रहेको बताउनुभयो । उहाले पुननिर्माणको कामलाई कसरी बलियो बनाउने भन्दा पनि कसरी थोरै पैसामा घर बनाउने भन्ने गरी गाल टार्ने प्रबृतिको विकास भएको बताउनुभयो । उहाले अव गाउँपालिकाका सबै वडामा पुननिर्माणको अभिलेख संकलन गर्ने तयारी रहेको भन्दै रकम लिएर पनि घर नबनाउने लाभग्राहीसँग रकम फिर्ता गराउने अभियानमा गाउँपालिका लाग्ने योजना रहेको बताउनुभयो ।

कतिपय वडामा प्राविधिकहरुको काम चित्त बुझ्दो नभएको बताउँदै उहाले गाउँपालिकाको अधिनमा प्राविधिक नभएकै कारण अहिले धेरै समस्या आएको बताउनुभयो । अर्को प्रंसंगमा उहाले गाउँपालिका सधैं पारदर्शि ढंगबाट काम गर्ने गराउने पक्षमा रहेको समेत स्पष्ट पार्नुभयो ।



धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो ।

२५ बैशाख २०७६, बुधबार १०:२८ मा प्रकाशित

समाचार

सबै

लागुऔषध मुद्दामा फरार गल्छीका दुई महिला पक्राउ

धादिङ- फरार अभियुक्त पक्राउ अभियान अन्र्तगत जिल्ला प्रहरी कार्यालय धादिङले मंसिर २ गते  उनिहरुलाई पक्राउ गरेको हो । पक्राउ पर्नेमा गल्छी गाउँपालिका वडा नम्बर ७ मछेडीखोला बस्ने ५० बर्षिया सरिता भन्ने.....

बूढीगण्डकी प्रभावितद्धारा आन्दोलनको घोषणा

धादिङ । बुढीगण्डकी जलविद्युत आयोजनाको डुबानमा पर्ने बजार क्षेत्रको मुआब्जा निर्धारण नगरेको भन्दै प्रभावित.....

स्कुटर चोरेर बिक्री गर्ने चार जना धादिङबाट पक्राउ

धादिङ,२९ कात्तिक । स्कुटर चोरी  गरि बिक्री गर्ने कार्यमा संलग्न रहेका चार जना लाई धादिङ प्रहरीले पक्राउ गरि.....

Vacancy Announcement

Published Date:  25 Kartik  2076 Dhading Chamber of Commerce and Industry and Mott MacDonald  has been  implementing a DFID-funded Post-earthquake recovery project (Purnima) in Dhading Districts. The program aims to create long-term positive change in the lives of people in.....

बुद्धिमान तामाङलाई राप्रपाको कार्यवाहक अध्यक्षको जिम्मेवारी

काठमाण्डौं -वरिष्ठ उपाध्यक्ष बुद्धिमान तामाङलाई कार्यवाहक अध्यक्षको जिम्मेवारी दिएर राष्ट्रिय प्रजातन्त्र.....

Categories