दुई झाँक्री मारेको आरोप लागेका २६ जना भए जेल चलान

592 पटक पढिएको

प्रकाशित मिति: ९ जेष्ठ २०७६, बिहीबार १४:४४

सम्पादक: Dhading News

 

 

धादिङ, ९ जेठ – धादिङ जिल्लाको उत्तरी भेगको गंगाजमुना गाउँपालिका वडा नम्बर २ लतावका दुई जना झाँक्रीको हत्या गरेको अभियोगमा थुनामा रहेका २६ जना कारागार चलान भएका छन । दुई जना झाँक्रीको हत्या गरेको आरोपमा पुर्पक्षका लागि थुनामा रहेका २६ जनालाई धादिङ जिल्ला अदालतले कर्तव्य ज्यान मुद्धामा कारागार सजाय सुनाएको हो ।  जिल्ला अदालतले एघार जनालाई जन्मकैद, १५ जनलाई ५ बर्ष ६ महिना कैद, तीन जनालाई तीन वर्ष आठ महिना कैद र चार जना महिलालाई सफाई दिने फैसला गरेको छ । धादिङ जिल्ला अदालतका न्यायाधीश प्रकाश ढुङ्गानाको इजलासले बुधबार सो सजाय सुनाएको हो ।

गाउँमा झाँक्री काम गर्दे आएका धादिङको गङ्गाजमुना गाउँपालिका–२ लताबका ४५ वर्षीय साइँला भन्ने प्लेक तामाङ र सोही स्थानका ६५ वर्षीय नरुङ तामाङको २०७५ साउन ५ गते गाउँवासीको सामूहिक कुटपिटका कारण मृत्यु भएको थियो ।चौँतीस वर्षीय जितबहादुर तामाङ, ४९ वर्षीय भिमबहादुर तामाङ, ३६ वर्षीय मेमबहादुर तामाङ, ४४ वर्षीय टाडोङ तामाङ, २५ वर्षीय मङ्गले तामाङ, ३४ वर्षीय बमबहादुर तामाङ, २७ वर्षीय विशाल तामाङ, ३८ वर्षीय रामबहादुर तामाङ, अर्का ३६ वर्षीय रामबहादुर तामाङ, १८ वर्षीय अमित तामाङ र २३ वर्षीय विशाल तामाङलाई मुलुकी ऐन ज्यानसम्बन्धी महलको १३ (३) बमोजिम जन्म कैद गर्ने फैसला भएको जिल्ला सरकारी वकिल बालकृष्ण वाग्लेले बताउनु भयो ।

यसैगरी सोही घटना संलग्न रहेको अभियोग लागेका ३८ वर्षीय ज्ञानबहादुर भन्ने शङ्कर तामाङ, ३७ वर्षीय वीरबहादुर तामाङ, २६ वर्षीय शुकबहादुर तामाङ, १८ वर्षीय शुकराम तामाङ, २० वर्षीय सुनिल तामाङ, १८ वर्षीय मिनबादुर तामाङ, १८ वर्षीय अन्जन तामाङ, ३६ वर्षीय मनोज तामाङ, ३१ वर्षीय बेगबहादुर तामाङ, २२ वर्षीय सनम तामाङ र ५५ वर्षीय मनराम तामाङलाई जनही पाँच वर्ष छ महीना कैद गर्ने फैसला भएको छ । छपन्न वर्षीय बलबहादुर तामाङलाई झाँक्रीहरु मार्नका लागि मतियारको रूपमा कटुवाल कराई गाउँले बोलाएर सहयोग पु¥याएको कसुरमा तीन वर्ष छ महीना कैद हुने जिलला अदालतले फैसला सुनाएको छ ।

घटनामा संलग्न भएका सत्र वर्षीय वुद्धिलाल तामाङ, निरज तामाङ, चन्द्रमान तामाङलाई पनि पाँच वर्ष कैद हुनेमा उनिहरु बालक भएकोले दुई तिहाइ अर्थात तीन वर्ष आठ महिना मात्र कैद गर्ने फैसला गरिएको जिल्ला अदालतका श्रेस्तेदार नवराज दङ्गालले जानकारी दिनुभयो ।
साधारण तारेखमा रहेका सुशीना तामाङ, असार मायाँ तामाङ, कैसाङ तामाङ र तारस्य तामाङलाई घटनामा निर्दोष रहेको भन्दै अदालतले सफाइ दिएको छ । अनुसन्धानका लागि पक्राउ परेका मध्ये चार महिला शुरुमै साधारण तारेखमा रिहा भएका थिए भने बाँकी २६ जना पुर्पक्षका लागि जिल्ला कारागारमा थुनामा रहेका थिए ।

गाउँघरमा झाँक्री काम गर्दै आएका ४५ वर्षीय साइँला भन्ने प्लेक तामाङ र सोही स्थानका ६५ वर्षीय नरुङ तामाङलाई गाउँलेहरुले गएको साउन ५ गते सामुहिक रुपमा कुटपिट गरेर मारेका थिए । गाउँलेहरुको कुटाइका कारण दुवै जनाको मृत्यु भएपछि प्रहरी टोलीले ४ जना महिला सहित ३१ जनालाई नियन्त्रणमा लिएर अनुसन्धान शुरु गरेको थियो । घटनास्थल निकै विकटमा रहेका कारण प्रहरी पुग्न दुई दिन लागेको थियो । जिल्ला प्रहरी कार्यालय धादिङका प्रहरी नायव उपरिक्षक रामबहादुर केसीको नेत्तृत्वमा गएको नेपाल प्रहरी र शशस्त्र प्रहरी वल समेत गरी ६० जनाको सुरक्षा टोलीले हत्याको अन्ुसन्धान गर्न लतावका ३१ जनालाई पक्राउ गरेर साउन ८ गते सदरमुकाम ल्याईपु¥याएको थियो ।

गाउँमा धामी झाँक्रीको काम गर्ने दुवैजनालाई गाउँलेहरुले कुटपिट गरी मारेको र आफन्तहरुलाई समेत नियन्त्रणमा लिई दाहसंस्कार गरेको भन्ने सूचनाको आधारमा प्रहरीले घटनामा संलग्न गाउँलेहरुलाई नियन्त्रणमा लिएको थियो । साविकको रि गाविसको वडा नम्बर ६ मा पर्ने लताव गाउँ अहिलेको गंगाजमुना गाउँपालिकाको वडा नम्बर २ मा पर्दछ, यो बस्ती तामाङ समुदायको मात्र वसोवास रहेको क्षेत्र हो ।



धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो ।

९ जेष्ठ २०७६, बिहीबार १४:४४ मा प्रकाशित

समाचार

सबै

बूढीगण्डकी प्रभावित आरुघाटबासीको आन्दोलन स्थगित

धादिङ, २२ मंसिर - प्रस्तावित १२ सय मेगावाटको बूढीगण्डकी जलबिद्युत्त आयोजनाको डुवान क्षेत्रमा पर्ने जग्गाको मुआव्जा निर्धारण प्रति असहमति जनाउँदै आरुघाटवासीले गर्दै आएको आन्दोलन स्थगित भएको छ.....

हाडनाताकरणी मुद्दाका फरार अभियुक्त २२ वर्ष पछी पक्राउ

धादिङ -जिल्लामा फरार प्रतिवादी पक्राउ अभियान संचालन गरिरहेको धादिङ प्रहरीले हाडनाता करणी अपराध गरेर फरार रहेका.....

धादिङका एसपी फेरिए, अब धादिङको प्रहरी प्रमुखमा रविन्द्र रेग्मी

धादिङ- प्रहरी प्रधान कार्यालयले धादिङ लगायत चार जिल्लाको प्रहरी नेतृत्व हेरफेर गरेको छ । प्रहरी प्रधान.....

बूढीगण्डकी प्रभावितलाई मुआब्जा निर्धारण न्यायोचित -मन्त्री पुन

सरकारले बूढीगण्डकी जलविद्युत् आयोजनामा पर्ने जग्गाको मुआब्जा निर्धारण स्थानीय जनता र जनप्रतिनिधिहरूसँग लामो.....

नागढुङ्गा–सिस्नेखोला सुरुङमार्गमा जग्गा अधिग्रहण हुन सकेन

धादिङ- नागढुङ्गा–सिस्नेखोला सुरुङमार्ग निर्माणको तयारी भइरहँदा आवश्यक जग्गा अधिग्रहण हुन सकेको छैन ।.....

Categories