रेडक्रस कानुनको मस्यौदा आगामी ३ महिनाभित्रमा तयार हुने

536 पटक पढिएको

प्रकाशित मिति: १३ जेष्ठ २०७६, सोमबार १७:११

सम्पादक: धादिङ न्यूज

धादिङ- नेपाल रेडक्रस सोसाइटीको तदर्थ केन्द्रीय कार्यसमितिले रेडक्रस कानुन निर्माणलाई उच्च प्राथमिकता दिएको छ । नेपाल सरकारले नेपाल रेडक्रसको पुरानो समिति विघटन गरी गत जेठ ६ गते डा. विश्व केशर मास्केको अध्यक्षतामा १७ सदस्यीय नयाँ तदर्थ समिति गठन गरेको थियो ।
तदर्थ कार्यसमितिको पहिलो वैठक आइतबार  बसी आगामी ३ महिनाभित्र रेडक्रस कानुनको मस्यौदा तयार गर्न नागरिक समाजका अगुवा डा. गौरीशंकर लालदासको नेतृत्वमा ९ सदस्यीय समिति बनाउने निर्णय गरेको छ । मस्यौदा तयार समितिमा अरुण खनाल, लोकराज ढकाल, अशोक श्रेष्ठ, कृष्णहरि वाग्ले, कृष्णगोपाल लागेजू, जीवन राना, तीर्थराज वन्त र विष्णुहरि देवकोटा रहनुभएको छ ।
“नेपाल सरकार र सवै पक्षको विश्वास जिती नेपाल सरकारको तर्फबाट प्राप्त कार्य विवरणअनुसारका काम नै हाम्रा प्राथमिकता हुन्” महामन्त्री कमल प्रसाद निरौलाले बताउनुभयो ।
तदर्थ समितिको पहिलो वैठकले विघठित पुरानो कार्यसमितिको समयमा नेपाल रेडक्रस सोसाइटीको तर्फबाट २०७६ वैशाख २४ सवोच्च अदालतमा दायर गरेको रिट निवेदनको औचित्य समाप्त भएको सन्देश दिएको छ । कल्याणकारी मानवीय तथा विपद् व्यवस्थापन समेतका क्षेत्रमा अग्रस्थानमा रही कामगर्नुपर्ने संस्थाको महाधिवेशन र निर्वाचन समयमा हुन नसकेको परिस्थितिमा संस्थाको छवि धुमिल हुन नदिन जिल्ला प्रशासन कार्यालय काठमाडौँले नयाँ तदर्थ समिति गठन गरेसँगै सर्वोच्च अदालतमा दायर गरेको रिट फिर्ता गर्न केन्द्रिय तदर्थ समितिले  महामन्त्रीलाई अख्तियार दिने निर्णय निर्णय गरे लगत्तै सोमबार मुद्या फिर्ताको निवेदन दिइसकिएको रेडक्रसले जनाएको छ ।
जिल्ला प्रशासन कार्यालय, काठमाडौँले तदर्थ केन्द्रीय कार्यसमितिलाई नेपाल रेडक्रसको विधान, प्रचलितत कानुन र संस्थाको मर्यादा भित्र रही एक बर्ष भित्र ८ वटा मूल जिम्मेवारी दिएको छ । कार्यविवरणमा नवीकरण भएका सदस्यहरुको छानवीन तथा सदस्यता नविकरण, नेपाल रेडक्रसको केन्द्रीय कार्यसमिति लगायत विभिन्न तहको निर्वाचन, नेपाल रेडक्रसको सञ्चालन सम्बन्धी कानुनको मस्यौदाको ३ महिना भित्र तयारी, दैनिक कार्यसञ्चालन र नेपाल सरकार लगायत दातृ निकायहरुसँगको सम्बन्ध सुमधुर बनाउने कुराहरु उल्लेख भएको नेपाल रेडक्रसका सञ्चार निर्देशक दिव्यराज पौडेलले बताउनुभयो ।
नयाँ तदर्थ कार्यसमितिको उपाध्यक्षमा बर्दियाका कृष्ण गौतम, महामन्त्रीमा झापाका कमलप्रसाद निरौला र कोषाध्यक्षमा धादिङका सीताराम कोइराला रहनुभएको छ । यसैगरी सदस्यहरूमा जाजरकोटका वीरबहादुर बस्नेत, झापाका लोकराज ढकाल, सिन्धुलीका अशोक श्रेष्ठ, पर्साका श्याम पोख्रेल, महोत्तरीका दीपक मिश्र, बाँकेका गोवद्र्धन सम्झना, उदयपुरका महेश्वरी राई, दैलेखका खेमराज केसी, तेहथुमका श्रीकृष्ण दाहाल, कास्कीका दीपेन्द्र ढकाल, तनहुँका अरूण खनाल,  चितवनका तीर्थराज घिमिरे र कैलालीका जीवन राना रहनुभएको छ ।
 
नेपाल सरकारको तर्फबाट प्राप्त कार्यविवरण अनुसार गरिने कार्यलाई मुख्य प्राथमिकतामा राख्दै आगामी एक वर्ष भित्र बनेपामा रहेको राष्ट्रिय प्रशिक्षण केन्द्र, रक्तसञ्चार सेवा, एम्बुलेन्स सेवा, जानकी आँखा अस्पताल, सुर्खेत आँखा अस्पताल, जुनियर तथा युवा र लैँगिक विकासका क्षेत्रका कामहरुको स्तरोन्नती गर्ने पहिलो वैठकले निर्णय गरेको छ ।
नबनियुक्त नेरेसोका अध्यक्ष प्रा.डा. विश्वकेशर मास्केले संस्थाको केन्द्रीय तदर्थ कार्यसमिति गठन भएपश्चात नयाँ आशा र उमँग देखिएको बताउनुभएको छ । रेडक्रसको अन्तर्राष्ट्रिय समिति (आइसीआरसी) र अन्तर्राष्ट्रिय महासँघ (आइएफआरसी) का प्रतिनिधिहरु तथा उच्च पदस्थ कर्मचारीहरुलाई सम्बोधन गर्दै उहाँले भन्नुभयो : रेडक्रसको छविलाई अझ उचाइमा पुर्याउन सवैपक्षको सहयोग पाउने कुरामा म विश्वस्त छु । रेडक्रसले अब अझ राम्रो काम गर्ने आशा सवै क्षेत्रमा आएकोले अध्यक्ष मास्केले वताउनु भयो ।


धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो ।

१३ जेष्ठ २०७६, सोमबार १७:११ मा प्रकाशित

समाचार

सबै

मुलपानी खयर काण्डमा संलग्न तीन जना धरौटीमा छुटे

  धादिङ– खयर फडानीमा संलग्न रहेको आरोपमा थुनाामा रहेका धादिङ त्रिपुरासुन्दरी गाउँपालिका वडा नं ३ का चार जनालाइ धरौटीमा छाड्न जिल्ला अदालत धादिङले आदेश दिएको छ । अदालतको आदेश पछि थुनामा रहेका ३ जना धरौटी.....

नेपालमा एकै दिन १ सय १४ जनामा कोरोना भाइरस संक्रमण पुष्टि

काठमाडौं । नेपालमा एकै दिन १ सय १४ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका.....

नेपालमा कोरोना संक्रमितको संख्या ७७२- थपिए ९० जना

धादिङ । नेपालमा जेठ १३ गते मंगलबार दिउँसो सम्ममा एकैदिनमा थप ९० जनामा कोरोना भाइरस (कोभिड १९) संक्रमण पुष्टि भएको.....

धादिङमा आलोपालो गरेर सामान ढुवानी हुने

धादिङ, १२ जेठ - लकडाउनको समयमा वजार क्षेत्रमा मालसामान ढुवानी गर्ने सवारीहरुको भिडभाड बढ्न थालेपछि धादिङमा.....

सोमबार सार्वजनिक बिदा दिने गृहको मन्त्रालयको निर्णय

धादिङ न्यूज धादिङ, ११ जेठ - गृह मन्त्रालयले आइतबारका लागि दिने भनिएको सार्वजनिक विदा नदिेने भएको छ ।   नेपाल.....

Categories