खोला जस्तै बन्यो पृथ्वीराजमार्ग,बैरेनीवजार क्षेत्र डुवानमा

2494 पटक पढिएको

प्रकाशित मिति: १२ असार २०७६, बिहीबार ०७:०६

सम्पादक: Dhading News

बैरेनी- झट्ट हेर्दा कुनै खोला बाट मोटर गुडिरहेको जस्तो देखिने यो दृश्य देशको सबैभन्दा ठूलो र व्यस्त पृथ्वीराजमार्गको धादिङको बैरेनी वजार क्षेत्रको हो । देशकै सबैभन्दा व्यस्त पृथ्वीराजमार्गको बैरेनी वजार क्षेत्रमा आज जताततै भलबाढीले राजमार्ग मात्रै होइन वजार क्षेत्रका दर्जनौ घर डुवानमा परेको छ ।  गल्छी गाउँ पालिका वडा नम्बर ६ मा पर्ने वागेश्वरी माध्यमिक बिद्यालय अघिल्तिरको यो दृष्य देख्दा पृथ्वीराजमार्ग होइन कुनै खोलाबाट मोटर गुडिरहेको जस्तो देखिन्छ ।

गल्छी गाउँपालिकाको केन्द्ररहेको बैरेनीवजारको दायाँबायाँको सडक खण्डमा भलबाढी बग्दा सडक नदी जस्तै हुन पुगेको हो । लेदो माटो सहितको बाढीले सवारी आवागमनमा समेत अवरोध पु¥याएको छ ।राती देखि परिरहेको पानी विहान सम्म नरोकिएपछि वजार क्षेत्रमा डुवानको समस्या बढ्दै गएको हो ।

देशका ६७ जिल्लाका साथै छिमेकी देश भारतबाट स्थलमार्ग हुंदै नेपालको राजधानी आउने र राजधानी काठमाण्डौंबाट वाहिरिने हजारौं सवारी साधन गुड्ने राजमार्गको यो हालत गाउँपालिकाको बेहिसाव विकासले गर्दा हुन पुगेको हो । राजमार्गलाई छेडेर जथाभावी गाउँ तिर लगिएका ग्रामीण सडक, सडक भन्दा माथि तिर खोलिएका बालुवा उत्खनन केन्द्रका कारण भल बाढीले लेदो बगाउँदै राजमार्गमा ल्याई पु¥याएको हो ।


राजमार्गको आवागमननै ठप्प हुने गरी सडकमा भलबाढी पसेको आज पहिलो पटक भने होइन बर्षौ देखि यो समस्या कायमै रहेको छ । दिर्घकालिन सोच विना खनिएका सडकबाट बर्षातको बेला  गाउँ गाउँबाट माटो र ढुंगा बगाउँदै राजमार्गमा ल्याएर थुपार्ने गरेको छ । हरेक बर्ष सडक निर्माण, स्तरोउन्नती र मर्मत सम्भारको शिर्षकमा करोडौं खर्च गर्दै आई्रहेको गाउँपालिकाले सडकलाई बलियो बनाएर भलबाढी सिधै राजमार्गमा खस्ने कार्य रोक्न भने सकेको छैन ।


पृथ्वीराजमार्गको यो अबस्थाले गल्छी गाउँपालिकाको बिकासलाई झल्काईरहेको छ । गाउँमा जताततै खोलिएका सडकको लगानी बगेर अहिले राजमार्गमा आईपुगेको छ । हचुवाको भरमा ग्रामीण भेगमा जताततै डोजर लगाएर भूक्षय बढाउनु गाउँपालिकाको लागि सबै भन्दा ठूलो बिकास बनेको उदहारण पनि हो यो । बैरेनी वजारको गर्दो खोला देखि महेशदोभान सम्मको सडक हिलाम्मे हुनुमा मुख्य कारण सडक छेउको खोलाको निकास थुनिनु रहेको छ ।

खोला मिचेर यस क्षेत्रमा सर्यौ पक्की घर, टहरा, बिद्यालय, अन्य उद्योगहरुको लागि संरचना निर्माण गरिंदा पनि स्थानीय सरकार यस्तो गलत कार्य रोकथाममा निरिह बन्दै गईरहेको छ । शक्ति र बल मिच्याईको भरमा खोलाको धार नै परिवर्तन गराईदा पनि स्थानीय तहले रोकथामका लागि कुनै चासो नदेखाएको स्थानीयको गुनासो छ । गाउँबाट झरेको भलबाढी राजमार्गमा खसेपछि सडकको आवागमन मात्रै रोकिएको छैन बैरेनी वजारका दर्जनों घरमा भलबाढी पसेर समस्या उत्पन्न भएको छ ।

तस्बिरहरु :  रामप्रसाद अधिकारीबाट



धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो ।

१२ असार २०७६, बिहीबार ०७:०६ मा प्रकाशित

समाचार

सबै

लागुऔषध मुद्दामा फरार गल्छीका दुई महिला पक्राउ

धादिङ- फरार अभियुक्त पक्राउ अभियान अन्र्तगत जिल्ला प्रहरी कार्यालय धादिङले मंसिर २ गते  उनिहरुलाई पक्राउ गरेको हो । पक्राउ पर्नेमा गल्छी गाउँपालिका वडा नम्बर ७ मछेडीखोला बस्ने ५० बर्षिया सरिता भन्ने.....

बूढीगण्डकी प्रभावितद्धारा आन्दोलनको घोषणा

धादिङ । बुढीगण्डकी जलविद्युत आयोजनाको डुबानमा पर्ने बजार क्षेत्रको मुआब्जा निर्धारण नगरेको भन्दै प्रभावित.....

स्कुटर चोरेर बिक्री गर्ने चार जना धादिङबाट पक्राउ

धादिङ,२९ कात्तिक । स्कुटर चोरी  गरि बिक्री गर्ने कार्यमा संलग्न रहेका चार जना लाई धादिङ प्रहरीले पक्राउ गरि.....

Vacancy Announcement

Published Date:  25 Kartik  2076 Dhading Chamber of Commerce and Industry and Mott MacDonald  has been  implementing a DFID-funded Post-earthquake recovery project (Purnima) in Dhading Districts. The program aims to create long-term positive change in the lives of people in.....

बुद्धिमान तामाङलाई राप्रपाको कार्यवाहक अध्यक्षको जिम्मेवारी

काठमाण्डौं -वरिष्ठ उपाध्यक्ष बुद्धिमान तामाङलाई कार्यवाहक अध्यक्षको जिम्मेवारी दिएर राष्ट्रिय प्रजातन्त्र.....

Categories