पहिरोले पृथ्वीराजमार्ग अबरुद्ध दिनभरीनै आवागमनमा समस्या

311 पटक पढिएको

प्रकाशित मिति: १२ असार २०७६, बिहीबार १८:१४

सम्पादक: Dhading News

 

 

धादिङ, १२ असार -रातभरी परेको पानीले ग्रामीण सडक र खोल्साहरुबाट आएको लेदो भलबाढी सडकमा जमेपछि अबरुद्ध हुन पुगेको पृथ्वी राजमार्गको गल्छी देखि गजुरी सम्मको खण्डमा विहिवार दिनभरीनै सवारी आवागमनमा समस्या भएको छ । महेशदोभान- बैरेनी वजार सम्मको सडक खण्ड आठ घण्टा पछि संचालनमा आएर अवरोध खुले पनि सवारी चापका कारण दिनभर जस्तै सवारी आवागमनमा भने समस्या आएको थियो ।


धादिङको गल्छी गाउँपालिका–६ बैरेनीबजार गर्दोखोला मोडबाट महेशदोभान बजारसम्म डेढ किलोमिटर सडकमा ठाउँ ठाउँमा बालुवा र माटोको लेदो जमेपछि राती २ वजे देखि सवारी आगमन ठप्प हुन पुगेको थियो । लेदो माटो र ढुंगा थुप्रिंदा सडकमा नदीको बगर जस्तो भएको थियो । देशका ६७ जिल्ला र भारतबाट सडक मार्ग हुंदै राजधानी प्रवेश गर्ने मुख्य सडकको रुपमा रहेको पृथ्वीराजमार्ग अबरुद्ध हुंदा हजारौं व्यक्ति प्रभावित हुने गर्दछन । बिहीवार पनि हजारौं यात्रु बिच बाटोमै अलपत्र परेका थिए ।


राष्ट्रिय राजमार्ग भन्दा माथि तिर जताततै ग्रामीण सडक निर्माण गरिनुका साथै बालुवाका लागि डाँडापाखा खनिएका छन । जस्का कारण बर्षात संगै माटो वग्दै आएर राजमार्ग अबरुद्ध हुन पुगेको हो । राजमार्गको गर्दो खोला देखि बैरेनी वजारहुंदै महेशदोभान सम्म ठाउँ ठाउँबाट लेदो माटो बग्दै सडकमा थुप्रिएको कारण सवारी आवागमन ठप्प हुन पुगेको महेशदोभानका विपिन मल्ल ठकुरीले वताउनुभयो । राती देखि सयौं सवारी साधन सडकमा रोकिएर हजारौं यात्रुको बिचल्ली भएपछि गाउँपालिकाको समन्वयमा दुई घण्टा भन्दा बढि आठ वटा डोजर मार्फत सडकमा थुप्रिएको लेदो पन्छाएर दुईतर्फि सवारी आवागमन खुलाईएको धादिङका प्रहरी उपरिक्षक राजकुमार वैदवारले जानकारी दिनुभयो ।

अव्यवस्थित ढंगबाट बनाईएका ग्रामीण सडक र वालुवा उत्खननका लागि खनिएका कारण पानी पर्ना साथ राजमार्गमा लेदो माटो सहितको पहिरो र भल खस्ने गरेको छ । राती देखि सडक अवरुद्ध भएपछि यसलाई हटाउन स्थानीय बालुवा व्यवसायी र गाउँपालिकाले राजमार्गमा डोजर लगाएका हुन । सडक अवरुद्ध हुंदा दुवै तर्फ री १० किलोमिटरसम्म राजमार्गमा यातायात साधन रोकिएका थिए । यसै गरी लेदो माटो सहितको भल बाढीका कारण पृथ्वीराजमार्गको अन्य स्थानमा पनि सवारी आवागमन रोकिन पुगेको थियो ।

लेदो माटो सडकमा खसेपछि त्यस्को मार बैरेनी वजारका घरमा समेत परेको छ । एक दर्जन भन्दा बढी घरमा बाढी पसेको स्थानीयले वताएका छन । वजारको पछाडी रहेको खोलोलाई छेकेर पानीको वहावनै रोकिने गरी संरचना निर्माण गरिएका कारण बजार क्षेत्रमा पानी पर्ना साथ खोलो थुनिएर सडकबाट पानी बग्ने गरेको भएपनि नियन्त्रणका लागि कसैले चासो नदिंदा बर्षेनी समस्या बढ्दै गएको स्थानीय शिक्षक रामप्रसाद अधिकारी बताउनहुन्छ ।



धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो ।

१२ असार २०७६, बिहीबार १८:१४ मा प्रकाशित

समाचार

सबै

नागढुङ्गा-सिस्नेखोला सुरुङमार्ग निर्माणको तयारी शुरु

 काठमाडौँ। काठमाडौँ भित्रने सहज मार्गका रुपमा हेरिएको नागढुङ्गा–सिस्नेखोला सुरुङमार्ग निर्माणको तयारी शुरु भएको छ । सुरुङमार्ग निर्माणको जिम्मेवारी पाएका जापानी निर्माण संस्था हाजमा आङ्दो कर्पोरेशनले.....

साङकोष माविका शिक्षक नविन श्रेष्ठले किन थाम्न सकेनन आँसु ?

धादिङ– मेरो नाम नविन श्रेष्ठ हो । नीलकण्ठ नगरपालिका वडा नम्बर १२ मा रहेको साङकोष माविमा शिक्षक पदमा कार्यरत छु ।.....

बूढीगण्डकी प्रभावित आरुघाटबासीको आन्दोलन स्थगित

धादिङ, २२ मंसिर - प्रस्तावित १२ सय मेगावाटको बूढीगण्डकी जलबिद्युत्त आयोजनाको डुवान क्षेत्रमा पर्ने जग्गाको.....

हाडनाताकरणी मुद्दाका फरार अभियुक्त २२ वर्ष पछी पक्राउ

धादिङ -जिल्लामा फरार प्रतिवादी पक्राउ अभियान संचालन गरिरहेको धादिङ प्रहरीले हाडनाता करणी अपराध गरेर फरार रहेका.....

धादिङका एसपी फेरिए, अब धादिङको प्रहरी प्रमुखमा रविन्द्र रेग्मी

धादिङ- प्रहरी प्रधान कार्यालयले धादिङ लगायत चार जिल्लाको प्रहरी नेतृत्व हेरफेर गरेको छ । प्रहरी प्रधान.....

Categories